#مـتـاهـة_ديـهـيـا (جـنـتـي الـمـلـتـهـبـة)

الجزء الخامس

#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#الجزء_الخامس

جات يما تبكي كي شافت حالتي حضنتني زادو قواو دموعي خايفة يكون هذا هو أخر حظن ليها ليا ياربي وين كان عقلي وييين علاه دخلت في علاقة محؤحمة علاه واش ربحت منها غير لكيات عانيت ومزال راح نعاني بسبتها ربكنا مع حسام وظانا للبلاد عند جينيكولوغ عطا لماما دراهم وقالها ادخلي قلبيخا وراني هنا نستنى فيكم هبطت من طموبيل مهبطة راسي قالي هدرة مازلت ليومنا هذا نتفكرها اذا بيك كشكا حاجة اقتلي روحك ومترجعيش لطموبيل هذي لأنو اذا رجعتيلها وانت مشي عفيفة راح تعيشي حياتك لكل جحيم تتمناي الكوت وماتلقايهاش مالڨري كنت علبالي بروحي مابيا والو لكن هدرتو هذي خلعتني دخلنا لجينيكولوغ مكانش عندها غاشي وحدة عندها وزوج يستناو انا بقيت مهبطة راسي في الارض ونسمع فيهم كيفاه يهدرو ضحكت على روحي بإستهزاء وين كنت وكيفاه وليت بسبب طيش المراهقة راني وليت مضحكة وعلكة في اللسان ناس ياريت طحت من جبل وماطحتش من عينين خاوتي يادرا بابا كي يسمع كيفاه راح تكون حالو بنتو كنت كي نجي رايحة نقرا يقولي بنتي ربيتها امرأة بألف راجل معنديش خمس رجالة عندي ستة وعلبالي بيك وين تحطي رجليك وجامي تغلطي بصح غلطت ماكنتش قد الثقة عماني الحب ... بقيت هم نخمم حتى لحقت دالتي كان هذا أبشع نهار في حياتي وأبشع لحظة هيا هذيكي تكشفت عليا طبيبة باه تخبرهم اذا راني شريفة ولا مفڨورة (فازدة حشاكم) كي كملت قالت ليما بنتك مابيها والو مزالها عاتق سقساتها اذا تكتب سارتافيكا قاتلها يما ايه كملت كتبتها وخرجنا لقينا حسام واقف ورايح وجاي ووجهو مايتفسرش باين متوتر كثر من حالتي منين شافنا جا يجري لينا شاف مع ماما قالخا واش قاتلو مابيها والو وعطاتو سارتافيكا شاف معايا قالي احمدي ربي لليل ونهار مغلطتيش فهذي رجعنا لدار وزدت رجعت للحوش ... جاو خاوتي لحسام قالهم مابيها والو بصح هكذاك وتلمو عليا في ربعة هذي جاتك هذي خطاتك ضربوني بلا رحمة بلا شفقة تقزل من بكري كانو حاكمين من جيهتي الغل وماصدقو غلطت عيا حسام يبعد فيهم عليا ووالو يما طايحى في الارض تقطع في شعرها وتبكي بلال حكمني بالكف قوليلي واش اسمو منين هو وانا محبيتش نقول خفت يحكموه يقتلوه ويباصيو ويتيمتو ولادو ماحبيتش نهدر كي شافني هك طلقني هكذاك في الارض جيت راح نوقف بسيف باه تقعدت عضامي مدڨدڨين حتى حسيت بحاجة دخلتلي في كتافي واحد السطر وليت نشهد خاوتي هنا خرجو بقات غير يما هزت العيطة اخاااه ابلال قتلت اختك اخاه سيحتلها دمها وهزت انا مافقتش حتى كيفاه تغاشيت تمنيت تكون هذي اخر مرة نحل فيها عينيا لكن كابوسي مزال هذا وين بدا ... يتبع