ပြိုင်ဘက်ကင်းသိုင်း၀ိဉာဥ်(ဟောင်ရှောင်လုံ) Book 1

271 - 275

သူတို့မြေကြီးပေါကိုကျလာတော့ သူတို့ခန္ဓာတွေက မီးသွေးတုံးလို့ မဲချိတ်ကုန်လေသည်။ အသားကင်အနံကဲ့သို့ လူအသားမီးလောင်သည့် ညှော်နံတခုလဲထွက်ပေါ်လာလေသည်။ ရှောင်လုံကိုတိုက်ခိုက်ဖို့ ပြေးလာကြသည့် ကောင်းကင်ဘီလူးဂိုဏ်းက သိုင်းသမားတွေထဲမှာ သိုင်းပညာအဆင့်အမြင့်ဆုံးက ကောင်းကင်အဆင့်၃ သိုင်းသမားဖြစ်ပြီး အဆင့်အနိမ့်ဆုံးသူကတော့ မြေကြီးအဆင့်သာရှိသေးတာဖြစ်သည်။

သူတို့ကဲ့သို့ သိုင်းအဆင့်မျိုးနှင့် ရှောင်လုံနတ်ဓားသိုင်း၏ စတုတ္ထသိုင်းကွက်ဖြစ်သည့် မိုးကြိုးပင်လယ်သိုင်းကွက်ကို ဘယ်လိုလုပ်ခုခံနိုင်ပါ့မည်နည်း... ။ ရှောင်လုံရဲ့ လက်ရှိအစွမ်းနဲ့ဆိုရင် သူ့အခုထုတ်သုံးလိုက်သည့် မိုးကြိုးပင်လယ်ဓားသိုင်းအား ကောင်းကင်အဆင့်ရမှာနောက်ဆုံးအဆင့်ကိုရောက်ရှိနေသည့် သိုင်းသမားတောင်မှ ခုခံနိုင်ရန်မလွယ်ကူပေ.. ။

ရှောင်လုံက မြေကြီးပေါသို့ ညင်သာစွာဆင်းသက်လာပြီးနောက် လမ်းမထက်က မဲတူနေသည့် ခန္ဓာကိူယ်တွေကို တချက်လှမ်းကြည့်လိုက်သည်။ ထိုနောက် ဟူရှန်နားသို့ လမ်းလျှောက်လာသည် ။

ဟူရှန်ကတော့ မဲတူးကာ လမ်းမထက်မှာ တစစီပြန့်ကျဲနေသည့် အလောင်းတွေကိုကြည့်ရင်း ကြက်သေသေနေလေသည် ။ အလောင်းတွေဆီကနေ ထွက်ပေါနေသော အသားကင်အနံတွေက သူကြောက်စိတ်ကို ပို၍ ကြီးထွားလာစေရန်ထောက်ပံပေးနေသည်။

ဟူရှန်က ရှောင်လုံသူ့အနားသို့ ချဉ်ကပ်လာနေတာကိုကြည့်ရင်း သူ့တခါမှမခံစားရဘူးသည့် သေခြင်း၏နိမိတ်တွေကိုစတင်မြင်ယောင်ခံစားလာရသည်။

"... မင်း...."
ဟူရှန်က အနောက်ကိုဆုတ်ရင်း အားမွေးကာ ရှောင်လုံကိုခြောက်လှန့်ဖို့ကြိုးစားလိုက်သည်

".... မင်းကဘယ်ကကောင်လဲကွ.... ? မိစ္ဆာနက်မြို့ထဲမှာ မင်းငါ့ကိုသတ်ပြီးရင် အသက်ရှင်ရက်နဲ့ထွက်သွားနိုင်မှာမဟူတ်ဘူးဆိုတာကိူ မင်းမသိဘူးလား....?"

"... ထြက်သြားရမယ်... ဟူတ္လား... ?"

ရှောင်လုံက ခေါင်းခါပြလိုက်သည် ။ ထိုနောက် အလင်းရောင်တချက်လက်သွားပြီး ရှောင်လုံက ဟူရှန်အနားသို့ရောက်ရှိသွားလေသည်။ ရှောင်လုံက ဟူရှန်ကို သေချာချိန်၍ လက်သိးတချက်ထိုးချလိုက်သည်။
ဟူရှန်လဲ ကြောက်ကြောက်လန့်လန့်ဖြင့် ရှောင်လုံလက်သီးချက်ကိုကာကွယ်ရန် ကြိုးစားလိုက်၏။ သို့ပေမယ့် သူမလှုပ်ရှားနိုင်ခင်လေးမှာပဲ ကျည်ဆန်တခုလိုမြန်ဆန်သော ရှောင်လုံလက်သီးချက်က သယရင်ဘတ်ကိုထိမှန်သွားပြီပဲ ဖြစ်သည်။ ရှောင်လုံလက်သီးချက်က ဟူရှန်ကိုယ်ပေါသို့ကျရောက်သွားပေမယ့် လက်သီးအနေုက်ကနေပါလာသည့် အင်အားလှိုင်းတွေက လမ်းမထက်မှ အဆောက်အဦးတွေကို တုန်ခါသွားစေသည်အထိ ပြင်းထန်လေသည်။