يحبها قلبي مع حبها لي

البارت خمسه واربعين

وفاليوم الثاني كان محد فاضي وكلهم يتجهزون عشان يمسكون خط لجده والسبب! زواج سعود واميرته
ناصر: يا سعود انت بتروح مع اهلك صح
سعود: ايه
فالح: اجل خلاص الباقين كل واحد بسيارته ومعه مرته ورغد تروح مع اهلها بعد
خالد ابتسم وهو يضرب كتف سعود: ها يالشيخ ما عاد بقى شي
ضحك سعود وهو يرجع يكمل ترتيب شنطته
فهد: الثياب والبشوت والمحازم كلها بجده
وليد: ايه وياسر بعد متأكد منها كلها
ضحك عزيز: يحليله فتى القصيم هههههههههههه
طلع مقبل ومعه شنطه وركض وليد اخذها منه: يله يله رتبوا العفش واركبوا سياراتكم
كانت الساعه تسعه الصباح وحاولوا البنات انهم يرفضون يمشون والشمس كذا بس تحججوا العيال انه شتاء والجو بارد وما قدروا البنات يرفضون اكثر و وافقوا
"ترتيب السيارات"
مازن: معه جود وماخذين شوي من عفش رغد الي كانت جايبته من الشرقيه للديره ومن الديره لجده
ناصر: معه نوف وفيصل
سالم: معه هيفاء وحنان
خالد: كان معه لميس بس وكوبين شاهي
فالح: معه دانه وراكان ولده وتطوعوا انهم ياخذون العيال البزران معهم
وليد: معه هدى وكان مستغل هالفرصه بكل كلمات الحب الي عنده
فهد: معه شموخ وسند وكانوا مبسوطيين بأول سفره لهم وسند معاهم
عزيز: كانوا معه ام محمد الي رفضت تركب مع محمد وزوجته ومعه الجد فهد
محمد: معه لمى ورند وكانت رند مستانسه بهالسفره الي جمعتهم لأول مره
مصلح: معاه هنوف وعمر الي صدع براسهم من كثر حركته
علي: معاه شذى وعبود وهالعائله من هدوئها كانت اول عائله توصل لجده
اما حسين ومحمد معاهم زوجاتهم نوره وشيخه وسعود راح مع ابوه ومقبل معاه زوجته ورغد اما صالح مسك الخط لحاله وابو عزيز راح مع زوجته

وبعد ساعات طويله من الخط وكم مره يتقابلون فالمحطات الموجوده بالطريق وصلوا لجده تحديدًا بيت محمد في تمام الساعه ٩ الليل
البنات نزلوا على طول ودخلوا وهم مرتاحين من ناحية العفوش ان الي بينزلها العيال ف اخذوا بس شناطهم الصغيره الي فيها إحتياجاتهم الضروريه
محمد: أدخلوا ادخلوا حياكم الله سعود خالد يله انقزوا جيبوا عشاء
التفتوا على صوت البوري وابتسموا لما عرفوا انها سيارة ياسر الي نزل منها وهو يرحب ويهلي: يا هلا ومرحبا انشهد انكم نورتوا وابد يا سعود وخالد لا تتعبون نفسكم جبت العشاء انا
ضحكوا العيال وابتسم خالد وهو يحضنه: والله اشتقت لك يولد
ياسر ضحك: يا حظي بك والله حتى انت لك فقده
بعد ما سلموا عليه العيال ضحك وليد: ها يا فتي القصيم يارب ان عشاك يكفيننا
ياسر وهو يناظر فيهم كلهم: والله جبت حق قبيله اربه يسدكم عاد ههههههههههههه
دخلوا البيت ونزلوا العشاء من سيارة ياسر وقسموه للحريم وللرجال وهم يجلسون يتعشون
التفت ياسر على سند الي جالس يلعب برجوله: كأن بوه غليم جديد
ضحك محمد: هذا سند ابن فهد
ياسر ضحك بفرحه وهو يناظر ب فهد الي ضحك لما شاف ردة فعله: يا ماشاءالله مبروك ما جاك
فهد: الله يبارك فيك وعقبالك انت وعزيز
ياسر ناظر بعزيز وضحك: ايه ايه
وبعد العشاء كانوا الكل دايخيين ويبون النوم قام ياسر بيطلع ولحقه خالد: وين بتروح ؟
ياسر: البيت
خالد: البيت؟
ياسر ضحك: ايه ما علمتك أبشرك خلصت امورك واموري بالشركه ونقلونا للفرع الي بجده
خالد ضحك بفرحه: احلفف بس صبر انت ليه نقلت
ياسر وهو يحك راسه: والله الصدق انا مانيب رجال سريع التعرف وانت والله قلبي مرتاح لك قمت نقلت معك
خالد ابتسم: طيب وامك؟
ياسر: ابد امي استقرت عند خالتي فالقصيم وانا اخذت لي شقة عزابيه قريب
خالد: اجل خلاص دام مابه احد ارقد معنا واصبح معنا
ياسر: لا ياولد بزحمكم
خالد وهو يدفه: ومن قال اننا بنرقد معهم عاني بدخلك غرفتنا بعد
ياسر ضحك وهو يدخل ودخل وراه خالد وهم يمشون بشويييش الين دخلوا غرفة خالد وسعود القديمه ونام خالد على سريره وياسر على سرير سعود