يحبها قلبي مع حبها لي

البارت السادس

: ايه زين رح شوفهم تكفى
باس راسها خالد وطلع متجه لغرفة هيفاء دخل ولقاها نايمه للحين مسح على راسها وهو يحمد ربه الي حفظهم له
وبلحظة دخوله لشذى كانت صاحيه وتسأل الممرضه عن عبود بصراخ : ولديي وينه تكفيين ولدي كان معي كان بحضنيي عبود وينه قولواا ليي
ركض لها خالد وهو يجلسها على السرير: شذى شذى ناظري فيني اهدي عبود بخير هو معانا ما صار له شي
شذى ناظرت فيه وامتلت عيونها دموع: تكفى خالد جيبولي عبود بشوفه تكفى يااخوي
خالد باس راسها: ابشري ابشري الحين اجيبه
طلع خالد وهو يدور وليد وصادفه كان جالس على الكراسي ونايم وعبود يلعب جنبه ابتسم واتجه يشيل عبود يوديه لشذى
مازن راح لغرفة سالم دخلها واتجه يجلس جنبه وهو يمسح على راسه ويقرا عليه : بسم الله عليك يااخوي الحمدلله الي حفظك لنا ولزوجتك
بهاللحظات فتح سالم عيونه بهدوء وهو يناظر بمازن ووجهه الي كله دموع ابتسم وهو يرفع يده ويمسح دمعته : افا يا مازن ما هقيت ان دمعك يطيح
مازن ابتسم لما شافه صحى وباس راسه: حسيت بفقدك وشلون ما تبي دمعي يطيح
سالم ضحك بخفه : ماني مخليك معليك
دخل خالد وهو يضحك بعد ما سمع صوت سالم: رجال يقوم يضحك بعد الحادث عز الله
سالم: لا يكون الكل درا ترا ما يحتاج بنطلع بعد شوي لا تخربون فرحتهم
خالد: لا معليك بس انا ووليد ومازن وبنطلع اساسا بعد ما تخلص مغذياتكم
سالم فز: هيفاء وين؟ انا سمعت صوتها وقت الحادث بس ما قدرت اتكلم شصار لهم؟
خالد: لا معليك كلهم طيبين وشذى وامي صاحين وعبود عند امه وهيفاء نايمه بسبب المخدر
مازن: هيفاء هي الي كلمتني وقت الحادث وتسألني عنك انتم رحتوا جده ورجعتوا مستخفين
ضحك سالم وهو يضرب مازن بخفه: الا وينه وليد
خالد: يوحي عنه جيته وهو نايم وعبود يلعب جنبه
سالم قام وهو يطلع ابرة المغذي : قوموا قوموا خل نطلع بس
طلع العيال لخالتهم اما سالم اتجه لغرفة هيفاء جلس جنبها ينتظرها تصحى وهو ماسك يدها غفى بالغلط على الكرسي
هيفاء فتحت عيونها بخفه وهي تناظر حولها واتجهت نظراتها لليد الي ماسكه يدها شدت عليها وهي ترفع نظرها لصاحبها ابتسمت لما شافت سالم وهو الي صحى بعد ما شدت على يده
وقف وقرب منها وهو يمسح على راسها: يوجعك شي؟
هيفاء هزت راسها ب لا
جلس سالم على الكرسي ويده للحين بيدها: اسف .. اسف اني ما انتبهت للطريق اسف اني سبب دخولك للمستشفى
هيفاء وقفته قبل يكمل كلامه: سالم مو غلطك لا تعتذر وكل شي يجي منك صدقني انه جميل وجدًا
سالم رفع يدها وهو يبوسها : الحمدلله الي حفظك لي يروحي الله لا يحرمني منك قولي امين
ضحكت بخفه: امين ولا منك
ب هالاثناء دخل خالد وهو يتحمد لها بالسلامه وماهي الا ثواني وركبوا كلهم بسيارة خالد الا مازن و وليد رجعوا بسيارة الجد
ام خالد: لا تقولون لهم شي عن الحادث وكله خفايف ما صار لنا الا كل خير ماله داعي نوترهم
سالم وهو يتحسس الجرح بوجهه: والله يا خاله بيدرون لا شافوا حالتنا
دخلوا حوش البيت قرابة الفجر واستقبلوهم العيال
فالح: عسى ما شر شصاير
سالم: حادث خفيف بس كلنا سالمين من صغيرنا لكبيرنا لا تخافون وينه جدي
فهد: داخل حياك
دخل سالم ووراه مازن ووليد وخالد تقدم وهو يبوس راس جده الي فز: سالم وشبه وجهك شصايرك ياوليدي
سالم: لا تخاف كل خير مرينا بحادث بسيط بس ابد كلنا سالمين