يحبها قلبي مع حبها لي

البارت الثاني والعشرون

-بعد شهرين- تحديدًا قبل الملكه بيوم
الجد: يله يله اخلصوا بسرعه
صالح: خلصوا كل شي اليوم الضيوف بيجون من بدري ترا

هيفاء: بنات كل الحلويات نسويها اليوم وحطوها بالثلاجه
نوف: اييه عشان ما ننزحم بكره
شذى وهي طالعه من المطبخ ومعها طاسه وجالسه تخلط الخليط: متى قلتوا هنوف بتجي؟
لميس: بعد المغرب تقريبًا وهي هنا
لمى: زين وبيجون ناصر ومصلح وعلي صح ؟
نوره: ايه اكيد زواج ذا مهوب مناسبه عاديه
شيخه طلعت للحوش وانصدمت لما شافته وصفقت وهي تنادي: سعووود ماززن
طلعوا العيال : سمي
شيخه: ابك انتم ما بعد غسلتوا الحوش!
سعود: يوووه يا خاله
شيخه: اقول اخلصوا وراكم اشغال ثانيه اغسلوه والترتيب على فهد وفالح (التفتت عليهم) تسمعون
ضحكوا: ابشري هههههههههههه
فصخوا مازن وسعود ثيابهم وهم ياخذون اللي والمكنسه والمساحه: يله انت وياه ادخلوا المجلس ولا تصرفوا
عزيز وهو يتشمت ويتمشي قدامهم: شوفوا ذيك البقعه ترا دايم تستفزني
مازن شغل المويه عند رجوله وفز عزيز: يله ادخل بس
ضحكوا وهم يدخلون المجلس ومازن وسعود يغسلون الحوش وبعد لعب ومطاقق وهواش ومحارش خلصوه وهم يدخلون المجلس وملابسهم مغرقه: يله انت وياه عاد قوموا افرشوا الزول ورتبوا الجلسات
مازن وهو يقشعر جسمه: يمه يالبرد تعال نغيّر
وليد: عسى ما تعبتوا بس
سعود: اسكت تراني والله حاقد عليك
وليد ضحك: حرام سعودي ورجلي طيب ههههههههههههه
سعود وهو يهوش ويعطيها نظره من فوق لتحت وهو يطلع ويدخلون داخل
مازن بصوت جهوري: يا ولد
شموخ: هلا هلا
سعود: شوفي لنا طريق بندخل نغيّر
شموخ: يله صبر
دخلت وهي تنادي نوف: روحي قولي لسعود ومازن يدخلون خلاص
نوف طلعت لهم ولما شافت اشكالهم مسكت ضحكتها
وانصدم سعود: لا عاد مو حتى انتي ياام فيصل
نوف ضحكت: ادخلوا ادخلوا خلك تكرف ل ملكتك
مازن وهو يعلي صوته: دامه بتجي بعد هالتعب والله لا اكرف لين اطيح على خشمي
سمعوه البنات داخل وهم يصارخون ويضحكون ويناظرون ب جود الي استحتتت
دخلوا وهم يغيرون ملابسهم وثيابهم وطلعوا للمجلس
مازن: ما رتبتوا شي للحين
فهد: يا ولد خل الحوش بنشف طيب لاحق على كرفنا
ناصر وقف: سالم يله قم معي
سالم: وين وين
ناصر: نجيب الذبايح
سالم: خذ احد معنا لو طلعنا انا وانت لحالنا بنتذابح ونجيهم
ناصر ضحك: قم يا خالد
خالد انسدح: لا تكفون خلوني خذوا محمد
محمد قام وهو يحب هالشغل: ابشروا ب ذيك الذبايح الي والله ما تقوم الا وانت ماكل اصابعك وراها
ضحك سالم وهو يضربه على ظهره: عز الله يعززك
طلعوا العيال وهم يركبون سيارة ناصر ويمشون وقاموا فالح وفهد يفرشون الزوالي والجلسات
عزيز: الحين الشيبان مغير يدورون بهالحاره
خالد انبطح على بطنه عشان يسولف معه: ما يتعبون كل عصريه عند رجال واحنا يدوب نتحرك هنا
عزيز قام: قم قم خل نحارش الناس ونتحرك
خالد قام معه: مشينا
سعود: ماشاءالله توك مافيك حيل
خالد: ههه اجل تبيني اروح مع ناصر وسالم للذبايح مهبول والله ان يذبحوني ويجيبوني لكم
عزيز ضحك وهو يدفه عشان يطلع وطلعوا وهم
يتمشون ويسولفون وشافوا البزران يلعبون كوره وكانوا معهم بزرانهم لما شافهم فيصل ركض لهم وخالد لعب بشعره: ماشاءالله تلعبون كوره
جاء فلاح: ارحبب
خالد ضحك هو يسلم عليه: هلا والله فلوحيي وينك
فلاح: خاليي خالد تلعب معنا تكفى تعال
فيصل: اييه العب معنا
عزيز: افا وانا ما تبوني العب
ركض ريان عنده وهو يحضن عزيز: الاا العبب حتى انت
ضحك عزيز وهو يلعب بشعره: مشيناا
قعدوا خالد وعزيز يلعبون كوره مع البرزان ويسجلون لهم اهداف ويحتفلون معهم الين جتهم سياره تدق بوري وناظر ناصر: ماشاءالله خالد الي قبل شوي معيي يروح معنا جالس يلعب مع الورعان كوره
خالد ضحك: والله ولدك اصر علي هههههههههه
ناصر: يله يله اركبوا خل نرجع (رفع صوته) فصولل فيصل جب اخوانك وتعالوا يله
فيصل راح ينادي عبود ورند وهم يركبون بعد ما ركبوا عزيز وخالد ورند لما شافت محمد بالسياره: عميي محممدد
محمد ضحك وهو يمد يده عشان تجيه: ارحبيي
جت بحضنه وهم يكملون طريقهم للبيت وعلى وصولهم وصلوا هنوف ومصلح وعلي الي كان يمشي وراهم
نزلوا وهم يرحبون: ارحبب ارحب هلا والله
نزل مصلح وهو يسلم عليهم : البقى يالمرحبب كيفك شعلومك
سالم بعد ما سلم عليه توجه لهنوف: هلا هلا بالحامل والمحمول
هنوف ضحكت وهي تمسك بطنها: هلا فيك هههههههههه
ناصر: شخبارك يا هنوف كيف صحتك
هنوف: بخير الله يسلمك كيفك انت
ناصر: بخير دامك بخير ارحبوا ادخلوا ادخلوا
عبود نزل من السياره ولما شاف علي ضحك بصدمه وهو يركض له وعلي ينزب يشيله: هلا هلا بخلف ابويي ارحبب
عبود: لا ترووح مره ثانيه
علي ضحك: على ذا الخشم ابشر
عبود ناظر فيه وهو يبوس خشمه وضحكوا وهم يدخلون
دخلوا العيال وهنوف تدخل على البنات الي لما شافوها قعدوا يصارخون ويحضنونهاا
رغد: هنووف بطنك كبرر
هنوف وهي تمسح عليه: تشوفييين مستغربته
نوف: يووه هنوف ما تعودت عليك كذا صبر
هنوف ضحكت وهي تروح تسلم على امها وخالتها
وكملوا تجيهزات وترتيب وكل شوي مرسلين واحد من العيال للبقاله
فالح وهو يدور الغرض الي يبونه ضحك وهو يشوف سالم: ارسلوك بعد هههههههههه
سالم ناظر فيه وضحك: ياولد ابلشونا
كملوا مقاضي وهم يطلعون ويرجعون كل واحد بسيارته
ذاك اليوم من قو التعب والشغل ناموا بدون ما يتعشون وجود ولمى ناموا عندهم وعزيز نام مع العيال اما محمد رجع لبيته عشان ما يخلي امه لحالها
ام محمد: كان قعدت مع العيال الله يصلحك
محمد ضحك وهو ينسدح على فخذها: وشوله اقعد معهم وانتي عندي بنام بحضنك ههههههههههههه
ضحكت ام محمد وهي تدعي له وتمسح على راسه الين نام