يحبها قلبي مع حبها لي

البارت الخامس والثلاثون

لما انفتح باب المجلس فز محمد وهو يوقف ولما دخل عزيز و وراه لمى وقفوا كلهم وكان الشيخ قد راح بعد ما عزيز ارسل الكتاب مع فيصل
محمد كان صاد وهو مو قادر يناظر حتى بس سمع صوت همسها: السلام عليكم
ابتسموا ابوها والجد وهي تتقدم وتسلم عليهم وعزيز يوقف جنب محمد ويدق كتفه عشان هو بعد يسلم
الجد وهو يضحك: مبروك مبروك الله يرزقكم الذريه الصالحه ويوفقكم
ابو عزيز: اللهم امين ويكتب لهم الي فيه الخير ان شاء الله
عزيز ضحك وهو يحضن محمد: مبروك يااخوي
طلعوا وما بقى الا محمد ولمى الي للحين ما حطوا عيونهم بعيون بعض الين اخذ محمد نفس عميق وهو يتقدم بهدوء ويوقف قدامها ويناظرها من فوق لتحت بكل تفاصيلها الي ساحرته فعلًا مد يده بكل لباقه عشان تحط يدها عليه وهي رفعت راسها وناظرت فيه بدون ما تتكلم واستغربت بس حطت يدها على يدها وفتحت عيونها بصدمه لما محمد طلع من جيبه علبة خاتم ألماس وهو يفتحها ويبتسم لصدمتها ويلبسها بكلل رقه وهو من جمال يدها خايف الخاتم يخدشها لما انتهى رفع عيونه لوجهها وهو يشوفها تناظر بالخاتم وعشان يلفت انتباهها رفع يدها وهو يبوسها: يزهاك
كانت هالكلمه اول كلمه تنقال بينهم وابتسمت لمى ويوووه يا قلب محمد بعد هالابتسامه: تسلم
محمد رفع يده لراسها وهو يمسح عليه ويقرا الاذكار استغربت لمى وضحكت ناظر فيها ب محمد ب ضحكه: انا خايف عليك حتى من عيني يا لمى
لمى بدت ابتسامتها تخف وترجع لثقلها ومحمد حس انه لازم يتكلم بهاللحظه رفع يده اليمين لوجهها وهو يلمس خدها بنعومه: لو تدرين يا لمى اني حاط عيني عليك قبل لا ياخذك مسفر؟ وانا يوم زواجك الدنيا اسودت بعيوني ولا عاد عندي هدف ل اي شي ويوم طلاقك منه يووه يفرحتي وقتها
لمى ناظرت فيه: طيب وش الي مخليك ساكت كل هالفتره؟ اربع سنين صارت لنا من تطلقنا
محمد: رند انا ما كنت ادري انا قد المسؤوليه ولا وما كنت ضامن انك راضيه لكن يوه اخر الايام ايقنت انا بدونك ولا شي وادركت كيف صارت رند جزء مهم من حياتي وانا والله ما سكتني الا اني خايف اظلمها
لمى ابتسمت وهي تناظر بعيونه ولمحت فيها الصدق : انت لو انك جيت قبل اربع سنين والله ما كنت برفض عزيز ذيك الايام ما عطاني فرصه اقوله انا ماابي مسفر انا ما اتمنى انك جيت قبله صح اني تطلقت بس الزواج كان نعمه بالنسبه لي لاني بسببه رُزقت ب افضل بنت بالدنيا
محمد تنرفز شوي من طاريه وسكت بضيق وهو ينزل راسه: زين خلاص خلينا منه
لمى ضحكت وهي تنزل نفسها عشان تناظر بوجهه: امداك؟ ههههههههههه
محمد رفع راسه وضحك لما شاف ضحكته وهو الحيياه مو واسعته اخذ نفس وهو وده يجمع كل نفس بصدره يحس ان صدره ضيييق ما يوسع : انا وقلبي والهوى بين أياديك من روحي احبك ومن روحي افديك يا من غرامه والحسن فيه ثاير
ابتسمت لمى وهي تناظر بيده وتنزل يدينها الثنتين وتمسك يده وترجع تناظر بعيونه: مبروك لنا
ابتسم محمد وهو يتقدم ويبوس راسها ويبعد ويحط راسه على راسها ويغمض عيونه: مبروك لي فيك يا لمى
قالها وهو يرفع بشته ويحضنها لصدره ولمى مستلطفه كل حركه منه وغطاها بالبشت وهو لو وده يقعد بهالحضن بالساعات
فتح عزيز الباب بقوه وفزوا لمى ومحمد وهم يبعدون عن يعض وعزيز انحرررج وهو يرجع يرد الباب ويتكلم من وراه ب احراج: لا بس البنات يبون لمى
ضحكت لمى ب أحراج وهي ترجع شعرها ورا اذنها وضحك محمد على عزيز وردة فعله: يله يله يالمطفوق
بدو العيال يرقصون بالحوش والبنات داخل والكل يستهبل ومبسوطييين كأنهم ما صدقوا على الله لقوا مناسبه يكشخون فيها
سعود جلس على ركبه وهو يهز كتوفه والعيال يعززون له ويضحكون
مازن: عاااش ابو محمد ههههههههههههه
رغد طلعت وشافت سعود وهو يهز كتوفه ولابس نظاره شمسيه بالليل وشماغه على كتوفه ولما شافته ضحكت والتفت عليها وفز وهو يشيل النظاره ويفك شماغه الي كان رابطه ورا ظهره: متى جيتي هههههههههه
رغد: من كنت رقيص هههههههههه
سعود وهو يضحك ويحك راسه: تكفين لا تفهميني غلط هم اجبروني ارقص
وليد وهو يضرب راسه: ايييه اجبرناك لا تفهمينه غلط تراه ما يهز
رغد: حرام كان عاجبني رقصك
سعود: ابو محمد والله لا ارقص مره ثانيه
رجعوا يصفقون ومحمد لبس بشته وهو يهز بكتوفه قدام سعود ويراقصه والعيال يضحكون والبنات كانوا يناظرون فيهم من الشباك ويضحكون عليهم
جود: واضح محمد مستانس
نوف: ماخذ كل هالزين اكيد
انتهت ليلتهم وزفوا محمد ولمى ورند قعدت مع جود وهي ما تدري اساسا انهم راحوا لانها كانت نايمه من التعب
دخل خالد المجلس وهو يضحك: توي مقفل من ياسر مازن: كنت انتظره على اعصابي وينه
خالد: هو بديرتهم وما عنده سيارة خربانه سيارته وكان بيجي طيران والمطفوق رحلته بكره مو اليوم
سعود: ليته جاء محد بيجاريني الا فتى القصيم
ناصر: معليك بكره نخليه يرقص معك
ضحكوا وهم ينامون لان يدرون ان ناصر سكت سعود عشان ما يكمل ويرقد وخايفين يقلب عليهم بعد
البنات كانوا منسدحين ويسولفون عن فرحة لمى اليوم
شذى: يحليلها والله تستاهل محمد
شموخ: ورند يعمري عليها هالبنت
نوف: معلييكم والله اني اقدر احلف بكل ثقه ان محمد يحبها اكثر من ابوها
هدى: ابوها من اربع سنين ما سمعنا طاريه على اي اساس يحبها
رغد: والله ما مدري هو حي ولا ميت بس الله يكفينا شره احسه بيجي اذا سمع بطاري زواجها
دانه ب انفعال: يخسى ويعقب يجي
رغد فزت لان دانه كانت وراها: يمه انتي من وين طلعتي هههههههههه
دانه ضحكت: ركوني نايم ومافيني اشيله ويصحى قلت نرقد كلنا هنا ههههههههههههه
ضحكوا وهم نصهم نايم ونص صاحي وقعدوا شوي الين ناموا كلهم
فالصباح من قو تعبهم محد قام الا على صوت ياسر
ياسر جاء الصباح مع عزيز وهو اتصل على خالد الييين قال امين وبالصدفه اتصل على عزيز ورد عليه وقاله يجي ياخذه من المطار وفعلًا قام عزيز وجاب ياسر ودخلوا بيت الجد سوا
ياسر: البيت هادي شالسالفه
عزيز: تلقاهم راقدين للحين
ياسر: يويلي اننا الضحى والناس رقود
ياسر دخل المجلس وهو يطفي المكيف ويشغل الانوار ويقومهم و وراع عزيز يضحك يبي يشوف ردات فعلهم
خالد وخر البطانيه وقعد يناظر شوي فجاة فز وهو يضحك: ارحبب
ياسر ضحك وهو يحضن خالد ويسلم عليه والعيال فزوا لما سمعوا خالد يرحب وشافوا ياسر ويقومون يسلمون عليه ويضحكون وهو فعلًا طار النوم من عيونهم
مازن: متى رسبنت هنا هههههههههه
ياسر وهو يحاوط كتف خالد: والله دقيت على نسيبك لين ما راح نفسي ولا رد ودقيت على عزيز المحزم وجابني من المطار لين هنا
خالد وهو يناظر ب صدمه ويدور جواله وشاف ٣٠ مكالمه من ياسر: كيف ما سمعته انا هههههههههه
ياسر وهو يطلعهم كلهم من المجلس: يله يله لا اشوف احد راقد بطلع الحين اجيب فطور على حسابي والله محد يحلف وصحوا شيبانهم والله اني مشتاق لجلستهم
سالم: انت جاي عشان من
ياسر: يله يله بجيب فطور هههههههههه
ضحكوا على ترقيعته وهم يلبسون ثيابهم وطلع ياسر بعد ما اخذ مفتاح سيارة خالد ويجيب الفطور والعيال يصحون الباقين وصحوا البنات وعرفوا ان ياسر جاء
نوف: يحليله هالياسر والله
شذى: اي والله وجع كلكم تزوجتوا ما يمدي نخليه نسيبنا
هدى: راحت علينا استعجلنا هههههههههه
رغد: اعلم وليد
هدى وهي تتمسك بيد رغد: لا والله امزح هههههههههه
جاء ياسر واستقبلوه هالمره البزران وهو يسلم عليهم ويعطي كل واحد خمسه ويشيلون معه الاغراض
مازن يناظر من بعيد ويهمس لسعود: يولد فتى القصيم غني نروح نسلم عليه مره ثانيه ياربه يعطينا خمسه بعد
سعود كان بيوافقه بعدين وقف زين وناظر فيه: انت متزوج المفروض تعطيني انا خمسه مهوب تطلب
مازن وقف معه: صح والله متزوج ابشر بعزك خذ
طلع ريال وهو يعطيه سعود الي حسسه انها مية ريال وهو يبوس راسه: كثر الله خيرك طال عمرك
مازن وهو رافع نفسه: معليه معليه تستاهل الخير
وليد جاهم: شعندكم
سعود: انت متزوج المفروض تعطيني فلوس
وليد ناظر بصدمه وهو ماسك ضحكته تنحنح: الله يعطينا ويعطيك يااخوي
قالها وهو يركض وركض وراه سعود ومازن مسوي نفسه ما يعرفهم وراح يشيل مع ياسر الاغراض
رند كانت تدور فالبيت بصمت الين طفح الكيل عندها وراحت عند جود: خاله جود
جود لفت عليها: هلا ماما
رند: ماما وين؟
جود وهي تضحك وتناظر فالبنات: شوي وجايه
وعلى لحظة كلامها دخلت لمى: اهلاا
لفوا عليها البنات وهم يقومون ويسلمون عليها ورند وقفت وهي ترحض لحضنها: ماماا وين رحتي!
لمى: همم رحت مشوار مع بابا وجيت
رند تذكرت الي صار وسكتت بتفكير وهي تنزل من حضن لمى وتطلع برا ولما شافت محمد ضحكت وهي تناديه: عموو محمد!
محمد لف عليها وابتسم: هلاا امي
رند وقفت بنص طريقها وهي تهز راسها بالنفي: لا اقصد بابا؟
محمد ضحك: تعالي تعالي
رند ركضت وهي تحضنه وبعدين لفت عليه بعصبيه: لا تاخذ ماما مره ثانيه قعدت ادوركم امس!
محمد ناظر بالعيال الي اصلا يدورون اي شي عشان يتشمتون عليه وقرب يهمس ب اذن رند: المره الجايه بنروح كلنا طيب؟
رند هزت راسها وجلسوا يفطرون ويسولفون
محمد: وانت دايم رحلاتك ما تتوفق فيها
ياسر ناظر فيه: تقصدن؟
محمد: وفيه غيرك اساسا هههههههههه
ياسر وهو يحك راسه بضحك: والله يا بيه هالطيارات ما جازت لي مهيب مثل السياره اوصلكم بنفس اليوم
ضحكوا وهم يكملون فطورهم والبنات داخل يسولفون والعيال برا فالحوش وهم يحارشون ياسر ويحبون يسمعون سوالفه والشيبان يتونسون معه اما البزران رند وعبود وفيصل طالعين بالحاره ويلعبون مع باقي الاطفال
وحنان وراكان وعمر امهاتهم مطقمين لهم بكل شي
شذى: ما لاحظتوا شي
رغد: وش
شذى: اجيال احفادنا متشابهه بالبدايه ولدين وبنت فصولي وعبود ورند وبعدهم ولدين بنت ركوني وعمر وحنان
نوف ضحكت: يمه صدق شهالصدف هههههه
هيفاء: اجل الجايين مين
شموخ وهي تمسح على بطنها: بسرعه احد يحمل ولدي لا يقعد وحيد ما حوله احد
هدى وهي تجي وتنسدح: انا خلاص تعبت لحد يتزوووج وقفوا
لميس وهي ترفع يدها بضحكه: بس زواجي قرب هههههههههههه
رغد: يووه انتي وخالد احسكم صدق الي ما صدقنا على الله تتزوجون ونفتك
جود: والله الي ما صدقنا على الله انتي وسعود بتكملون سنه خاطبين
رغد وهي تجلس: شنسوي ننتظر هالخالد يخلصنا ويتزوج
دانه: تدرون ان جدي فهد هو الي حلق زواجهم يكون ب جده
نوف: اما؟ ليه
دانه: مدري يقولي فالح شكله راحمهم
لميس: اي والله ننرحم حتى خطبتنا صارت ف مستشفى
ضحكوا وهم يقومون يخلصون المطبخ ويسوون الغداء