يحبها قلبي مع حبها لي

البارت الخامس والعشرون

همس ب اذنها: موافقه؟
ناظرت فيه وتقابلت عيونهم ابتسمت وهي تهز راسها ب معنى ايه
وقتها كل البنات والعيال صرخوا بفرحه ويضحكون
الجد: اص اص انت وياها فضحتونا فالعرب
ضحك سعود: والله امتع خطبه صارت ههههههههههههه
ياسر كان فالمجلس لانه متفشل اساسا انه فالبيت ف ما بالك انه بنفس الجلسه
خالد لما شاف الامور تمت ضرب على فخذ فهد الي جالس جنبه وقام ولما مر من ورا مازن لعب بشعره ولما لف عليه مازن ابتسم وهو يكمل طريقه للمجلس تحت انظار لميس الي للحين كل ما تفكر لما شافها خالد تحس بحراررره ولاحظت رغد نظراتها صح ان الكل يدري انه بينهم شي بس ما قد ناظرت فيه قدامهم
رغد دقت لميس بكوعها: وش هالنظرات
لميس وضح عليها التوتر: مافيني شي
رغد: انتي والله الي عندك علم بس خليني افضى لك
سعود: شرايكم بكره نروح الاسطبل والله من زمان عنه
مازن ناظر بصدمه: شف الخاين
سعود: معليش يعني اكتئبت اول ساعتين بس خلاص
فهد: قم قم يا مازن هم ما عاد يحبوننا
وقفوا العيال و وقفوا البنات وهم يسوون نفسهم بيطلعون بعدين ضحكوا ورجعوا سلموا على الباقين
خالد كان جالس جنب ياسر: يولد ان كنت تبي تطلع ف اطلع انا بكره الصبح بسري ل اهلي
خالد: خي الالبل وش تسري ليه
ياسر: جاي احضر هالزواج واسري ليه بوه زواجٍ ثاني
خالد ضحك وهو يحب لهجته: لا ما بوه شي مير انّا نبيك عاد والخطبه تمت وعذرناك ما حضرت الملكه عاد بتكررها
ياسر: لا جاء وقت الملكه يسرها ربك يولد
خالد: صامل تمشي الصبح
ياسر: الله هل
خالد: سياره ولا طياره؟
ياسر: لا هالمره بنروح لديرةٍ غير الرياض بروح طياره وعاد عيال خالي هناك بياخذوني
خالد وقف: اجل قم
قف معه ياسر: على وين
خالد: دامك ماشي الصباح بنطلع الحين نتمشى ونسولف ثم بفطرك الصبح من بوفية صلاح الدين هم عاد توكل على الله
ضحك ياسر وهم يطلعون وياسر صاد ويمشي ب اتجاه الباب وخالد جنبه وقفوا عند الباب: انّا بنطلع ولا تنتظروننا
ناظرت فيه لميس ولثانيه جت عينها ب عينه وهي تشيلها على طول ابتسم خالد وهو يطلع ورا ياسر

بعد ما راحو مازن وفهد وجود وشموخ والشيبان والحريم قاموا ينامون صارت الجلسه شوي هدوء
الين قطع الصمت ناصر: نوف وين الورعان؟
نوف: عبود اليوم تعبان وفي فراشه وفيصل ورند قعدوا عنده طول اليوم الين ناموا جنبه
سعود ناظر ب شذى: عبودي تعبان؟ ورا ما قلتي لي اوديه مستشفى
شذى: ما يحمل بس حراره خفيفه
فالح: شكله بيعدي الي معه بعد
رغد: الا ولدك متى يجي عاد
فالح وهو يطق اصابعه مثال على انه بعيد: يوووه مطول بيقعد الاربعين مع امه عند خواله
ناصر قام: يله عاد خل نرقد ولا جاء سالم علموه اننا بكره ورانا فطور وطلعه وعن المعاريس الجدد
ضحك وليد وهو يوقف ويتمغط ويقومون كل العيال يتثاوبون ويدخلون المجلس والبنات دخلوا داخل وكلهم دايخين