يحبها قلبي مع حبها لي

البارت الثامن عشر

ابو عزيز: يله يله تعالوا
الجد : يزينها لو ننام هنيا
وليد: لا عاد
مقبل: وش بلاك
وليد: يبه تكفى مصحيننا من صباح الله والحين ما تبون ترجعوننا
خالد ضحك: اي والله يا جدي نسمر فالعزبه يلبيه
صالح: اقول قم قم انت وياه سوو الغداء
سعود وهو جالس: يوووه عاد مشتاق لطبخ سالم
سالم: لا والله اقول قدامي يله ولا واحدٍ منكم يجلس تحسبوني بخليكم
جاء ناصر بيقوم بس جلسه سالم: لا والله ما تقوم
ناصر: يولد خلني اساعد
سالم وهو يجلسه: اقعد اقعد خلني اكرفهم لك
وليد: كله من دعاوي عزيز
عزيز ضحك: وجع شدخلني هههههههههه
فهد وقف وجاء محمد جنبه بيوقف بس جلسه: لا انت من صبح تكرف ارتاح
محمد ضحك: ابشر ماني بقايل لا هههههههههه
سالم: يله امشوا وراي للمطبخ كلكم
مازن: حتى انت يا ياسر ما عندنا نظام الضيوف يقعدون
ياسر: انا رجلي على رجل خالد وين ما راح هههههههههه
خالد مسك يده وهو يضحك ويطلع
طلعوا العيال وهو يصفهم سالم قدامه بعد ما رفع ثوبه: من وده يقطع معي اللحم
كلهم ناظروا بخالد وخالد يناظر فيهم: يا عزتي خايفين يقطعكم بداله هههههههههه
: يله يله الباقين واحد يغسل الرز واحد يطلع القدور و واحد يقطع السلطه
فهد: شرايكم اغني لكم
مازن: شف حاليًا سد حلقك ولا بنطبخك
سعود: والله لو انك لميس عاد
ياسر ضحك وناظر لخالد الي يناظر فيه ويضحك
سالم صفق عشان ينتبهون له: يله يله يد بيد خل نخلص
وبدوا العيال يغسلون المواعين ويرتبون الكاسات ويقيسون الرز والي يقطع السلطه والي يقطع اللحم والي واقف ينتظرهم يقولون له شي يسويه
وعلم اذان الظهر سكر سالم غطاء القدر: يله نصلي ثم نفرغ
راحوا العيال المجلس وهم يتسدحون بتعب وناصر يضحك: ما قصر فيكم سويلم هههههههههه
سعود: اهخ بس ليت البنات هنا
لسعه وليد بشماغه: شف الرخمه يتعب من ملعقتين غسلها اقول قم صل
سعود وهو يحك مكان اللسعه: والله مااخليك يالخسيس
ركض وليد وهو يطلع من المجلس ويحلقه سعود وشطفوا خالد وياسر : هههههههههه يارب ما يتذابحون
ياسر: والله هالاثنين كيف يقربون لبعض هههههههههه
توضوا العيال وهم يصلون ويقدمون الغداء جلسوا العيال بس جو ناصر و وليد متأخر
وفز سعود ومازن وهم يقومون: والله ان تجلس ياابن الحلال
وليد: سعود وش بلاك يرجال اقعد
سعود: معليه لاحق اجلس انت الحين
مازن وقف : اجلس جنب ولدك يا ناصر
ناصر ابتسم وهو يجلس وجلس وليد مكان سعود تحت صدمة ياسر وهمس له خالد: لا يغرك هواشهم لان عندنا الكبير له كلمه على الصغير حتى لو بيوم
طلعوا سعود ومازن وراحوا المطبخ جلس سعود على البلاط : شكلها من القدر يا مازن
مازن فتح الغطاء: اي والله تعال تعال هههههههههه
قربوا وهم يتغدون من القدر
سعود: يووه الحين احنا كلنا خاطبين
مازن: صدق وكلٍ باللي يبيها
سعود: ناقص وليد يحليله
مازن: يولد
سعود: وش
مازن: انا بتزوج
سعود: اي والله بتتزوج
فز مازن وهو يضحك: بتزوجها يا سعووود
سعود قام معه ويضحك من فرحته: اييه يرجال بتتزوجها هههههههههه
حضنه وهو يبعد يده الوصخه ويضحك على فرحة مازن : يووه يا مازن جعل هالفرحه دوم
خلصوا العيال غداهم وهم يغسلون مواعينهم ويسوون الشاهي والقهوه ويجلسون يتقهوون
سعود: فصولي تبي اوريك الناقه
فيصل وقف: اييه
سعود: يله تعال
ناصر: سعود خل عني حركاتك
سعود شال فيصل وحطه على رقبته: هههههههههه معليك ياابو فيصل
راح سعود عند الأبل وهو يناديها ويخلي فيصل يلمسها وهو على رقبته باقي
وبعد ساعات من السوالف وسوو عشاهم وعينوا من الله خير
ابو عزيز: عانوا فيه خيمتين وحدةٍ لنا و وحدةٍ لكم
ياسر: الا يا عمي بوه غنم عندكم
التفتوا كلهم لهم مستغربين الكلمه وياسر استغرب وسكت
الجد: وش انت يا ولدي من وين
ياسر: القصيم طال عمرك
الجد: والنعم والله
التفت لسعود ومازن الي يضحكون: لا اسمعكم تقولونها
سعود ضحك: حيي ابو سليمانن ههههههههههههه
ابو عزيز ضحك: لا والله وانا عمك ما عندنا هنيا غنم
الجد مدد رجوله: يله يله امرحوا
ناصر أشر للعيال يقومون معه وطلعوا للخيمه الثانيه
سعود:فيكم نوم؟
وليد: اي والله
سعود: اسكت انت ما سألتك دايم فيك نوم
ناصر: يرجال اتقِ الله في نفسك صاحي من صباح
سعود: مو وجه سمره انتم
قال كلامه وتلثم بشماغه وانسدح وناموا كل العيال الا ياسر الي من كثر حركته صحى خالد: وش بلاك يا ولد
ياسر: بيني وبينك ما قد نمت فالبر بحياتي وقمت اهوجس لا يدخل علينا شي وانا على طرف
ضحك خالد وقام وهو النوم بعيونه وخلى ياسر يجي مكانه عشان ينام