يحبها قلبي مع حبها لي

البارت الثالث عشر

بس طبعًا ما ناموا كان سالم منسدح وجنبه مركى بعدها خالد والنور طافي والباب مسكر فجاة سالم يسمع صوت شغل كشاف جواله وهو يشوف سعود ومازن يتطارحون على الصامت ما قدر ما يضحك عليهم ولف الكشاف على على خالد لقاه منسدح ويناظر فيهم ويضحك
فجاة فز خالد وهو يناظر بسالم ويقوله: مشينا البقاله حسيت اني جعت
انفجر سالم يضحك بصوت مو معتادين عليه لدرجة مازن وسعود جو جلسوا عندهم ويضحكون من ضحكه وخالد دفن نفسه فالبطانيه وهو يضحك على الصامت
سالم: اثرك جويع يا خالد ههههههههههههه
خالد: وجع يا سالم محد يقولك شي
سعود: وشو وشو حتى انا جيعان
ضربه مازن: وانت تحشر نفسك بكل شي
كانوا العيال جالسين حول بعض وبسروال وفنيله وكل واحد بطانيته بحضنه ويحارشون بعض ويضحكون ومافيه الا نور كشاف جوال سالم وسطهم
سعود: اهخ يعيال بعد بكره صدق سالم بيتزوج وهيفوه بتتزوج
مازن غصته العبره: والله شف صح انه بيعيش معنا بس مدري الغصه ذيك تجيني كل ما ينفتح الموضوع
ابتسم له سالم والتفت لخالد الي قال: اييه سالم بيعيش معكم بس هيفوه بتروح
سعود كان بيتكلم بس نزل راسه وحط يده على عيونه
سالم ناظر فيهم وهو يحاول يغير جوهم: وجع يا عيال ترا ما بيتغير شي
سعود: الا بيتغير شذى ومتزوجه والحين هيفاء وبتتزوج والله البيت بيييفضى
خالد: اي والله بنفقد حسها فالبيت
سالم: خالدوه مو قلت تبي البقاله يله قم قم بوديك وانتم بعد
مازن جلس يناظر بالارض سالم ناظر فيه وقال: على حسابي
ضحك مازن وقام معهم وهم يلبسون ثيابهم ويطلعون بشوييش ويمشون على اصابع رجولهم
سالم بهمس: لا تطلعون صوت لحد يصحى
مازن بنفس الهمس: شلوت بنفتح الباب
خالد وهو يناظر بالجدار: بنطب يعيال
وقفوا وهم يساعدون بعض وينطون من فوق الجدار وطلعوا كلهم وهم يضحكون على الي سووه
وراحوا البقاله وهم كل واحد يشتري له بثلاث ريال لان سالم هددهم ما يكثرون
وقعدوا على الرصيف وهم ياكلون
خالد: تذكرون يوم كنا نلعب كوره بهالشارع
سعود: يوم كنت اتهاوش مع ولدهم عشانه يقول لرغد البنات ما يلعبون ههههههههههههه
سالم: اييه ثم نجي كلنا بعصياننا فزعه اخرتها يكسرونها ابوانا على ظهورنا
مازن: ولميس تجيني عشان اجيب لها الكوره واقولكم انها بتلعب واذا ما عطيتوها الكوره تقعد تصيح
خالد: والله اياام الحين الجيران محد يدري عن الثاني
سالم وقف وهو يحت ثوبه: يله يله قم انت وياه ورانا اشغال بكره
قاموا العيال وهم يمشون للبيت بس وقفوا بصدمه وهم يشوفون ابائهم وخوالهم والجد واقفين كلهم برا وجنبهم رجال لما شافهم أشر عليهم وهو يقول: هذولا هم الحراميه الي طبوا من فوق بيتكم
ضحك حسين: لا لا وانا اخوك هذولا عيالنا وتعرفهم مير ما شفتهم من ظلمة الليل هههههههههه
ضحك مقبل: الله يقطع بليسكم الباب وش مقصر فيه هههههههههههه
تقدموا العيال وهم خايفين من ردة الفعل ذي
سعود: ما كنا نبي نزعج هههههههههه
طلع الجد فهد عصاته وهو يهوش لهم فيها الين دخلوا: ما تبي تزعج اجل تقلع انت وياه فضحتونا .... معليش ياولدي اعذرنا تعرف شباب هالايام
دخلوا العيال وهم كل واحد يحط الغلط على الثاني
سالم: لو اننا حاشمين انفسنا وطالعين من الباب ابرك والله
خالد: انا قلت ناخذ احتياطنا وما يصحون على صوت فتحنا للباب وندور المفتاح وحوسه
سعود: حبيبي انت صحيت الحاره كلها هههههههههههه
خالد دفه وهو يمشيه ودخلوا المقلط وهالمره صدق ناموا