يحبها قلبي مع حبها لي

البارت الاربعين

جو وهم يجلسون معه وقال مازن: اجل غريبه تنتظرنا
خالد تربع بحماس: عندي لكم خبر
سعود: وشو
خالد ابتسم وهو يناظر فيه: ملكتك نهاية الاسبوع يالامير
فز سعود بفرحه: احلففف
خالد ضحك: والله
التفت على مازن وهو يبي يحضنه ومازن ضحك وهو يوقف له بسرعه بس سعود حضنه وهو باقي جالس والي خلاهم يطيحون وسالم يناظر بخالد ويضحك: متى كلمت ابوك
خالد: كلمته وانتهينا التفاصيل بعدين
سعود تقدم وهو يبوس راس خالد: والله انك اطلق اخو بالعالم
خالد وهو يوقف ويضحك: معليه معليه انا مااشوفف كنت انتظركم عشان اعلمكم بهالخبر وعاد بكره خير
دخلوا العيال وهم ينامون بعد يوم مليئ بالمفاجآت
"صباح جديد على ابطالنا"
صحوا وهم عازمين علي ومصلح وحسين ومحمد على الفطور
حسين وهو يشرب شاهي: من الي مسوي الشاهي
ناصر عقد حواجبه: ليه مااعجبك
حسين ضحك: لا بالله كأنه شاهي لميس بنتي
سالم ضحك: انها هي الي مسويته
محمد نزل كاسته: الا ياابو فهد
مقبل: يا لبيه
محمد ابتسم: متى ودك ملكة عيالنا
سعود شرق وقام يكح ومازن و وليد يضربون ظهره
ضحك مقبل: والله العيال وش ودهم
الجد: شرايكم بكره
محمد: ها يا سعود يناسبك
سعود ناظر فيه وابتسم: الي يناسبكم يناسبني
وبعد نقاشات ويعلمون البنات وبعد معارضات وهم يتناقشون قرروا وتم تحديد الملكه بكره
ناصر ونوف جمعوا كل الاحفاد بدون استثناء بالحووش
كانوا كلهم صافين جنب بعض وقسمين البنات والعيال
ناصر وهو واقف قدامهم: حدثنا لليوم ملكة ( أشر على سعود) اخونا سعود و ( أشر على رغد) اختنا رغد
سعود ورغد ابتسموا وهم يناظرون في بعض بس وقفت بينهم نوف: لا لا لا مافيه خلاص بعد ٤٨ ساعه بتشوفون بعض الحين خلصوا اشغالكم
ناصر ونوف وهم يمشون رايحين جايين قدامهم وبيبدون يقسمون اشغالهم
ناصر وقف قدام محمد: انت خذ سالم وعزيز واختاروا اربع ذبايح زييينه
نوف وهي ترفع اصبعها: للمعلوميه العشاء بينطبخ برا
ناصر لف عليها وابتسم: ابشري
رجع يناظر فالعيال ورجع ملامحه جديه: فالح وفهد بعد ما يختارون الذبايح تودونها المصلخ وامور العشاء عليكم
( ناظر فمازن وسعود) شغلتكم واضحه
مازن: خلاص بنغسل الحوش
وليد رفع يده وناظر فيها ناصر: تفضل
وليد: عادي اساعدهم عشان تدري يعني سعود العريس ما يصلح يشتغل واجد
سعود ناظر بناصر وهو يسوي نفسه مسكين وناصر تنهد: يله انتم الثلاثه عليكم الحوش
سكت وهو يناظر فيهم و وقفت عينه على عزيز: الثياب وبشت العريس عليك بما انها ملكه هو بس بيلبس وانا وخالد بنجيب العمال ونعزم ونخلص اشغالنا
نوف: لو سمحت ممكن طلب
ناصر: آمري
نوف: نبغى بس واحد منهم تعرف اشغالنا يمكن تتطلب سياره ونحتاج سواق
ناصر ناظر فيهم وجت عينه على مصلح وعلي
مصلح وعلي كانوا واقفين على جنب ويتشمتون بالعيال أشر عليهم ناصر: عندك هالاثنين واقفين عند الباب منى ما بغيتي شي قولي يا مصلح ولا يا علي
انصدموا وهم يناظرون بس جت عينهم بعين ناصر وهم يمشون بهدوء ويوقفون جنب العيال
نوف صفقت: الحين دوري
نوف كانت عجله وما عندها تفكير ولا نقاش بتعطيك الشغله وسويها: لمى ودانه وهنوف خذوا كل البزران مع ملابسهم واغراضهم لبيت دانه وخلصوهم وجهزوهم جود وهدى ولميس عليكم الطلبات للتقديمات خلصوها كلها الليله وانا وشذى وهيفاء بنخلص الاغراض الي بنسويها فالمطبخ وبما ان الملكه بكره ف لمى ودانه وهنوف عليكم تجهزون الاستقبال
رغد استغربت ما قالت اسمها ورفعت يدها: طيب وانا
نوف ابتسمت وهي تتقدم لها وتمسك وجهها بيدينها: انتي اليوم ارتااحيي تروشي حطي ماسكاتك وكريماتك لا اشوفك جايه شي
رغد صح انه ما عندها خوات بس عمرهم البنات ما حسسوها بهالشي ونوف ما تعاملها الا بنفس معاملة لميس ورغد لو تتحمس شوي بتعتبر نوف بنفس مكانة امها
رغد ابتسمت بإنكسار وهي ماسكع دموعهااا بهاللحظه بس ما قدرت وقالت وهي تنهمر دموعها على خدها: نووف
قالتها ونوف تحضنها وهي تبكي معها ونوف هرمونات الحمل زادتها عليها
والبنات يتجمعون على نوف ورغد وهم الي تبكي والي ماسكه دموعها والي تضحك عشان تخفي دمعتها
العيال كانوا واقفين يناظرون فيهم بإستغراب وسعود ابتسم بحزن وهو يرفع راسه ويمسح على وجهه
مسك كتفه مازن وقال بضحكه وهو يمسح محاجر عيونه: لا يا سعود لو بكيت ببكي معك لا تفضحنا
ضحك سعود وهو يمسح دمعته بسرعه والعيال كلهم تأثروا وساكتين وهم يضحكون عشان يخفون هالشي
تقدموا فهد و وليد وبعدوا البنات وهم يوصلون لرغد
وليد: افا يا اخت وليد تبكين!
رغد ضحكت: يخسى البكاء هههههههههه
فهد ضحك وهو يمسح على راسها ويبوسه: ايه هذي رغد بنت مقبل واخت فهد و وليد هذي اختي
حاوطوا كتفها وهم يمزحون معها ويطقطقون عليها
تنحنح صالح: طيب واحنا علينا شي يا نوف وناصر ولا
ناصر ضحك: لا ابد انتم اجلسوا فالدكه وتقهوو واذا ودكم اخلي واحد من العيال بعد يقعد يقهويكم ابشروا
حسين ضحك: لا لا ودنا ابو عزيز يعزمنا على عزبته
ابو عزيز ضحك وهو يفز: ابك ابشر ما طلبت شي هههههههههه
الجد: اجل نادوا حريمكم وخلونا نسمر هناك وهالوغدان
يخلصون اشغالهم ومحمد امك بتجي معنا من الحين اقولك
محمد ضحك: سم
مقبل: سمره شبابيه ما نبيهم ههههههههههههه
ضحكوا وهم يقومون يخلصون لهم عزبة القهوه والعشاء وكل شي ومسكوا الشيبان خط للعزبه من الظهر
والباقين قاموا يخلصون اشغالهم وناصر طلع يجيب غداء من برا
فالح: فقرة الحلاق نخليها للزواج الحين تونا محلقين ل زواج خالد ما راح يضبط
سعود شرب كوب مويه وقام وناظر فيه خالد: تعال تغدى
سعود: يا ولد بطني مدري شفيه
فهد ضحك: اول مره؟ ههههههههههههه
محمد ضحك: معليك نصيحه لا تدخل عليها جيعان هههههههههه
سعود انحرج من كلامهم وجلس جنب خالد الي يضحك وقام يقطع له لحم ويصب له لبن
بعد فتره قصيره خلصوا وطلع كل واحد يخلص شغله ومصلح وعلي فالمجلس وكل شوي نوف مرسلتهم لمكان
والبنات يخلصون اشغالهم ورغد كل شوي تاخذ رأيهم بشي ومر الوقتتت الين آذن العشاء
خلصوا كل العيال وجلسوا بتعب فالمجلس وهم الي منسدح والي متكي على المركى والبزران يلعبون عندهم
محمد صدع راسه وقال بصوت حاد: خلاص انت وياه اهجدوا عاد
فالح: علامك على الورعان
محمد: راسي مصدع يا ولد والصداع بينزل على عيوني
محمد كان دايم اذا صدع وما سوا شي يخفف صداعه يا انه يدوخ او تجيه دوخه
ناصر جلس وهو يناظر فيه: رند قولي لامك ابوي يبي بندول
رند هزت راسها وقامت وهي تدخل عند البنات الي حالتهم ابدًا ما تقل عن العيال : ماما ماما
لمى ناظرت فيها: هلا
رند: ابوي يبي بندول
لمى عقدت حواجبها: ليه؟ يوجعه شي
رند مسكت راسها وهي تشرح لها وضعية محمد وقامت لمى وهي تعطيها كوب مويه وحبتين بندول
اخذها محمد من رند وهو يحاول يقاوم الم راسه ويبتسم لها
لمى ما تطمنت وهي تبي تشوف محمد بنفسها وقالت نوف للبنات انهم يطلعون الحوش كلهم
لمى كانت واقفه قدام الباب تنتظر محمد بعد ماارسلت له رند تناديه
ومحمد طلع وابتسم لما شافها تنتظره وهو يتقدم يوقف قدامها وهي كانت فوق عتبة الدرج ف تقريبًا صارت نفس طوله
محمد اسند راسه على الجدار جنبه وهو يناظر فيها بعيون شبه مغمضه وهو مو قادر يفتح عيونه: آمريني يا روح محمد شبغيتي
لمى ناظرته بخوف وهي تحط يدها على جبهته وخده: شفيك ليه طلبت بندول ايش الي يوجعك
محمد ابتسم من حركتها ولما رفع راسه رفعه بسرعه مما خلاه يفقد توازنه وهو يحس ان الدنيا تدور قدامه
وفهاللحظه كانت على طلعة خالد الي اول ما شاف محمد يترنح ركض له وهو يمسكه ولمى شهقت بخوف وتغطي فمها وعيونها تمتلي دموع طلعوا البنات بسرعه وخافوا لما شافوا محمد طايح بحضن خالد الي يضرب خذه ويحاول يصحيه
طلعوا العيال بسرعه لما سمعوا الصوت وناصر فتح عيونه بصدمه لما شاف محمد طايح وهو يركض يروح له وهو الوحيد الي كان عارف سبب صداع محمد المستمر وعدم حبه التعرض للشمس بعز الصيف
ركض له وهو يحط اصابعه على اماكن النبض وينزل راسه يتفحص تنفسه: خلاص اسكتوا تصير مهيب اول مره يدوخ محمد تعالوا ساعدوني خل ندخله المجلس بس خلوه يرتاح وياكل وبيقوم
ركضوا عزيز وسالم وهم يساعدونهم يوقفون محمد ويدخلونه المجلس ولحقتهم لمى
ومحمد فعلًا اول ما سدحوه فالمجلس صحى وهو يناظر فيهم واول ما لمح لمى ونظراتها الي مليانه خوف له ورند الي متمسكه فيها وعيونها كلها دموع فز وهو يجلس
سالم: ارتاح يا ولد
محمد: مافيني شي مغير ضربة شمس شفيكم انتم
ناصر ناظر فيه بحده: محمد لا تتحرك من مكانك الين يخف الصداع
محمد ناظر فيه وسكت شوي: ابشر
التفت بخوف لما سمع شهقة رند وهو يبتسم لها: ليه يبابا تبكين
رند تركت العيان لدموعها وبدت تبكي بصوت وهي تركض لحضن محمد الي حضنها لصدره وهو يبتسم بإنكسار ويطبطب عليها
التفت خالد وهو يناظر ب لمى الي تناظر فيهم وناظر بسالم وناصر وهم يقومون يطلعون ويسكرون معهم باب المجلس
نوف فزت اول ما شافتهم طلعوا ومسكها ناصر عشان ما تقوم بسرعه: صحى؟
ناصر: ايه ايه صحى ومافيه الا العافيه
تنهدت براحه وهي تجلس على الكرسي والباقين يناظرون بعض بصمت وهم خافوا يصير فيه شي
لمى التفت على صكة الباب واول ما جت عينها بعين محمد ما قدرت تمسك نفسها اكثر وهي تنهار وتمسح دموعها بعشوائية
محمد ابتسم وضحك بخفه وهو يفتح حضنه لها وهي تحضنه وتدفن وجهها بكتفه وهو يحاوطها بيد واليد الثانيه رند
محمد تنهد وهو يمسح على روسهم ويسمي عليهم وهو اول مره يتمنى من كل قلبه ما يصيبه اي آذى ولا يخلي اميراته بدون احد يحتويهم
محمد رفع راس لمى وهو يناظر فيها: والله مافيني شي بس ضربة شمس
لمى وهي تمسح خده وتناظر فيه بتمعن: متأكد؟
محمد ضحك وهو يرفع يده ويمسح دمعتها بإبهامه: متأكد يا روحي متأكد
ناظروا برند الي فقدوا صوتها ومحمد يرفع راسها بهدوء: ياا حياتي نامت وهي تبكي!
لمى ضحكت: عوايدها كل ما بكت نامت
محمد عدل رند وهو يسدحها جنبه: ننام هنا ولا نرجع بيتنا؟
لمى وهي تعدل اللحاف عليهم: الي يريحك
محمد مسك يدها الي عدلت اللحاف فيها وهو يبوسها: راحتي معك والله بعد العشاء بنرجع
فالح تنحنح عند الباب مما خلى لمى توقف ودخلوا العيال ومحمد يأشر لهم يسكتون: نامت نامت
مازن: يا حبيبي نامت وهي تبكي؟
محمد ابتسم وهز راسه
ناصر ناظر فيهم: يله يله اطلعوا خلهم يرتاحون واحنا بعد نتعشى وننام ورانا يوم حافل بكره
وفعلًا سوو العشاء وتعشوا كلهم ومحمد شال رند وهم يرجعون بيتهم
وفالح اخذ شنطة راكان وطلعت وراه دانه ومعها راكان
والباقين دخلوا المجلس والبيت وهم ينامون نومة تعبب وحمااس وراحه كانت مشاعرهم ملخبطه كثييير
فالصبااح مرت الساعات وهم للحين نايمين ولا حسوا بالوقت اليين رجعوا الجد والي معه الساعه ١٠ وانصدمواا ان الكل نايم
شيخه: محد صاحي!
نوره: لا يكون راحت عليهم نومه وما سوو شي؟
دخلوا نوره وشيخه يصحون البنات وقاموا مستعجلين وانخرشوا من الوقت ونفس الشي عند صالح ومقبل الي قلبوا العيال وابو عزيز وام عزيز راحوا يصحون عزيز وجود
وام محمد دخلت بيتها وهي تدق باب غرفتهم وتصحيهم
وطلع صالح يدق باب بين فالح يصحيه
وبثواني نفضوهم كلهم وقاموا العيال مستعجلين ويلبسون ثيابهم بس وقفهم حسين
: لحد يطلع قبل يفطر جبت الفطور معي
صحوا البنات وهم يساعدون شيخه ونوره ويقدمون الفطور وعيونهم كلها نوم والعيال يجون ياخذون الصواني وهم ما يشوفوننن من النوم
وافطروا كلهم بسرعه وطلعوا يخلصون اشغالهم الي طلع يشيك على العشاء والي يجيب الثياب والي قعدوا يجهزون الحوش والجلسات
والبنات يدقون على المناديب ويشوفون طلبياتهم للتقديمات والعيال يستلمونها ويدخلونها لهم ويجهزون الاستقبال وينظفون البيت
ودانه ولمى وهنوف خذوا كلب البزران ل بيت دانه وسوو لهم فطور هناك وجهزوا ملابسهم وبدوا يتجهزون هم في بيت دانه والباقين في بيت الجد جلسوا يتجهزون وهم كلهم ملابسهم جاهزه
وليد ومازن كانوا رايحين يجيبون الثياب والعامل طلعها وهو يدخلها: الحساب على مين هالمره
ضحك مازن: هممم صبر
وليد: شقصده ما راح تدفع؟
مازن: لا طبعًا كل ما ودوني اخذ الثياب حطيت الحساب على واحد منهم
وليد ضحك: احلف ههههههههههههه
مازن: اي والله حطه على سعود ها عشانه العريس عازمنا
ضحك العامل: هذاك الصغير بيتزوج هههههههههه
وليد ضحك: ايه ايه ذاك الصغير ههههههههههههه
مشوا وهم يرجعون ويمرون بيت دانه يحطون ثياب العيال الصغار وياخذون الباقي للبيت
دخلوا والحوش والجلسات جاهزه ومصلح وحسين راحوا يتجهزون في آل تركي ومحمد راح لبيت اهله آل فايز
وعلي راح بيت اهله بعد
لقوا العيال ماسكين سرا على الحمام والبنات مانعينهم يدخلون الحمامات الي داخل
فهد طلع لهم بسروال وفنيله وشعره مبلول والمنشفه على رقبته: جبتوا الثياب
وليد انصدم: اماا عاد فهد اخوي متروش ومخلص بدري!!
فهد ضحك: عشان افتك من لسانك هههههههههه
ضحكوا ويحطون الثياب بالمجلس وكل واحد ثوبه عليه اسمه
وليد من غرفة المخزن الي العيال يحطون فيها شناطهم: فهههد جعلك بالماني قايل اني داري غريبه خلصت بدري اقاريك سارق فنيلتي
فهد وقف عند الباب: معليش ما لقيت فنايلي وانت اخوي اغراضنا وحده
وليد تخصر وهو صدره عاري: حبيبي من قال اغراضي لي انا بمشيها لاننا متأخرين بس
ضحك فهد وهو يمشي ويلبس طاقيته ويخلصون العيال ويلبسون اشمغتهم وجوهم عبود وفيصل عشان يسوون اشمغتهم
ناصر: نوف يله البخور
نوف طلعت له وهي لابسه فستان حمل وبطنها بارز فيه ابتسم وهو يناظر فيها من فوق لتحت واخذ البخور ويطله وقبل يطلع قال: لو بس الرجال ما يدوا يوصلون كانن سويت شي
نوف ضحكت: رح رح لا ينتظرون واجد هههههههههه
راح ناصر للمجلس ودخل وهو يشوف العيال متجمعين على سعود وهو لابس بشته وابتسم لما شاف ناصر يتقدم له بالبخور ويبخره: عشنا وبخرناك عريس
سعود ضحك: لا تكبر نفسك ترا توك هههههههههه
قاموا العيال يتبادلون البخور من يد ليد ودخلوا عليهم مصلح وعلي مستعجلين: تأخرنا؟
مصلح: والله ياان قلبي طاح وانا اسوق لا اتأخر
فهد ضحك وهو يروح يبخرهم: لا لا ما تأخرتوا تعال تبخر
دخل عليهم الجد وابتسم: يله يله يعيالي الرجال وصلوا ومافيه احد يقهويهم
فالح ضحك وهو ياخذ البخور: عشت ياابو فهد من العريس انت ولا سعود هههههههههه
ضحك الجد وهو يضرب فالح بعصاته: انت علومك علوم يا فالح امشوا بس
طلعوا العيال وهم يستقبلون الرجال ومرت ربع ساعه والعيال ما جلسوا وكل يقهوون ويقدمون
ونفس الشي عند البنات الي يا ما راحوا ويا ما جو ويراقبون حنان وعمر وراكان ويروحون ويجون
واخيرا وصل الشيخ وهو يدخل المجلس مع الجد ومحمد ومقبل وفهد وليد وسعود
بدت عادات كتب الكتاب وسعود يردد الكلام وهو قلبه بهاللحظه يحس انه شوي ويمسكه بيده من قو ما ينبض وفهد و وليد يناظرون فيه ويضحكونن ومقبل يقرصهم عشان يسكتون والجد يعطيهم نظرات
ولما اخذ وليد الكتاب عشان يدخله على رغد سعود تنهد وهو يتكي على ورا بس فز اول ما تذكر انها باقي بتدخل
رغد كانت واقفه وتلعب بأصابعها من التوتر وكل شوي تناظر بالمرايه وتتأكد من شكلها الين دخل عليها وليد: والله حلوه خلاص ههههههههههههه
فزت وهي تلتفت: يمه جيت
ضحك وليد: ايه جينا
رغد وهي تاخذ نفس: يمه وليد خايفه
وليد عقد حواجبه: مو انتي تبينه؟
رغد نزلت عيونها: الا ابيه بس يعني
دخل عليهم فهد وهو يضحك: لا تخافين يا رغد انتي اختنا الوحيده احنا ما عندنا غيرك والله ان قلبي يعورني لما ادري ان سعود بيشاركنا فيك بس السنه هذي ما نقدر
وليد تنهد: اي والله ودي تقعدين بيننا دايم شرايك نكنسل الزواج
ضحك فهد بصدمه وهو ياخذ منه الكتاب: انهبلت عاد ههههههههههههه
رغد ضحكت وهي توقع وفهد وليد باسوا راسها و طلع فهد بالكتاب و وليد كان بيطلع بس رجع وهو يحضن رغد وضحك الضحكه الي فيها دموع: والله مدري كيف بدخل البيت وانتي موب فيه ومافيه احد احارشه واوديها بيوت صديقاتها ونتهاوش بالروحه والرجعه وفوقها تخليني امر مطعم قبل نرجع
رغد بادلته الحضن وهي تبتسم وتناظر فوق عشان دموعها ما تنزل: معليك بنشب لك هههههههههه
ضحك وليد وهو يقعد واقف معها ينتظر فهد يرسله عشان الشوفه
لما دخل فهد بالكتاب فز سعود بإبتسامه وناظر فيه فهد وهو يضحك ويهز راسه
راح سعود يبوس راس جده وابوه وخاله وبعد ثواني دخلت رغد مع وليد وهي مستحيييه ومنزله راسها قدمها سعود عشان تروح تبوس على راسهم وهم يضحكون ويحرجونهم اكثر
طلعوا الخواتم و وقفوا رغد وسعود بالنص بعد ما جو شيخه ونوره وام فهد
سعود لبس رغد الخاتم وهو ماسك اصابعها بكل رقه وخفه وهو يشوفها كلها تحتاج هالرقه رفع نظره بهدوء لعيونها وهو لأول مره يناظر لطول هالمده بعيونها وهو كان موقن ان عيونها اجمل عيون ممكن يشوفها بحياتها واليوم تأكد
رغد ابتسمت وهي تسحب يدها عشان يسوعب وخذت الدبله وهي تلبسه وهم يصفقون والجد يضحك ويطلع وطلعوا وراه الكل وقعدوا رغد وسعود و وليد وفهد
وليد قعد: انا ماني طالع
سعود: اقول اخلص اطلع
فهد: ترفع صوتك عليه؟
سعود: لا محشوم
رغد تخصرت وهي تدري انها بتفاجئهم لانهم بيحسبونها بتستحي: اقول امش اطلع انت وياه اللحظات العاطفيه الي تحتاجهم خلصت
سعود ناظر فيها بصدمه وضحك: حي عينها حرم سعود هههههههههه
فهد: افا يا رغد
رغد ضحكت: خلاص امزح مقدر على اخواني ههههههههههههه
ضحكوا وهم يطلعون وبقوا رغد وسعود لوحدهم
رغد كانت لابسه فستان وردي ماسك ومسويه شعرها ويفي وريحة عطرها وصوت كعبها يسبقونها
التفت على سعود لما مسك يدها وبكل هدووء مشت وهي توقف قدامه
سعود كان يناظر بكل تفصيل تطيح عينه عليه ما يبي يفوت شي الين تنهد وهو يناظر بوجهها وعيونها
رغد ضحكت: وترتني طيب
سعود ضحك: مو بيدي يا رغد والله هههههههههه
سكت وتلاشت ضحكته الي ابتسامه هاديه وراها مشاعر عظييمه ونطق: كنت دايم اتسائل ليه يقولون الله يعين الناظرين ليه الله يعينهم اذا العيون حلوه بس اليوم وبهاللحظه لقيت الجواب
رغد الدلع بفطرتها ولا هي تتصنعه ولا شي وبهاللحظه اي حركه تسويها تخلي سعود يذوووب حطت يدها على صدرها وابتسمت وقالت بهدوء: وش الجواب
سعود تنهد لما حطت يدها على صدره وهو يحاوط خصرها: اي والله عيونك الله يعين الناظرين من كمية الاندهاش والإعجاب الي بيحسون فيه
رغد ناظرت بعيونه وهي تبتسم: الاندهاش والاعجاب هي ادنى وصف للشعور الي اعيش فيه الحين بشوفتك
دق فهد الباب: يالعريس المعازيم يطلبونك
رغد ضحكت وهي تبعد عنه: شكله لازم تروح الحين
سعود تنهد وهو ينزل راسه: والله حتى بهاللحظه الاشغال وراي
رغد ابتسمت وهي ترفع راسه: حبيبي باقي الايام تنتظرنا
ابتسمت وهي تأشرله وتطلع قبل يستوعب حتى وضحك سعود وهو يطلع وشافه مازن: ها بشر
سعود: يوووه يا مازن كل الكلام الي جهزته عشان اقوله يوم شفت عيونها قلت ماني قايله
ضحك مازن وهو يحاوط كتفه ويمشون يجلسون وما امداهم الا وأشر لهم ناصر يقومون
ومر الوقت وقدموا العشاء وبدوا الرجال والحريم يمشون الين البيت فضى بالكاامل
وقفوا العيال جنب بعض وهم يشوفون الحوسه وفيصل وعبود نايمين بوسطها وراكان جالس يلعب بالفنجال
تنهدوا وهم يبدون ينظفون الحوش ويشيلون البزران ويحطونهم فالمجلس ويشيلون الجلسات وهم الجد ما يخليهم ينامون الين يخلصون
البنات نفس الشي عندهم وهم يبدون ينظفون البيت ويخلصون وهم حتى ما غيروا ملابسهم
وبعد دقايق الكل كان مخلص وجلسوا البنات فالصاله يتقهوون وياكلون من القهوه الباقيه والي معها شاهي وهم الي غيرت ملابسها بس ما مسحت مكياجها والي رفعت شعرها وباقي بملابسها والي ما غيرت بكشختها شي أصلًا
اما العيال اول ما خلصوا طلعوا مصلح وعلي وعزيز وفالح ومحمد لبيوتهم والباقين دخلوا المجلس وهم ينامووون
حتى سعود حس براحه عظييمه خلته ينام وهو مرتاح مرتاااح من كل شي
وانتهت ليله ثانيه وملكه لأبطال من أبطالنا وعاشوا فيها مشاعر كانوا يعيشونها بملكة كل واحد منهم

اشوفكم بعد الاختبارات 🫵🏻🫵🏻🫵🏻