يحبها قلبي مع حبها لي

البارت السابع عشر

دخل سالم: عز الي ما ترضى على زوجها
خالد: يوووه يشينكم هههههههههههه بسلم على اختي فاقدها انت شتبي
سالم: دامني زوج اختك بتشوفني كل ما تشوفها
خالد صد وهو يمثل انه يهمس: والله البلشه
هيفاء ضحكت: معليك يا خالد بتتزوج وترد حركاته
سكت خالد وتنحنح وهو ماسك ضحكته وسالم يناظر فيه ومات ضحك : بتردها بتردها ههههههههههههه
راح خالد المجلس ودخلوا البنات يجهزون ملابس لميس معها ويسولفون الين يرجعون بيتهم ويجهزون اغراضهم
ومرت ذيك الليله بنفس حماس سفرة الديره
وفالصباح صحى خالد وهو يتمغط بفرحه وراحه عشانه ما بيداوم هالصباح وزاد فرحته اتصال ياسر الي يقول فيه انه بيجي معهم الديره بس بسيارته وبيقابلهم عند باب بيتهم
وجهزوا كلهم العصر والكل راكب سيارته ويسلمون على حسين لانه ما بيروح معهم
حسين: توقوا بالطريق

سعود والي معه ما علموا احد انهم بيجون ولما دخلوا الديره دقوا بوري بعد ما شافوا عزيز ومحمد بالشارع جالسين يسولفون وانصدموا لما شافوهم
عزيز: ارحببب شهالخير الي جانا
وقفوا السياره وهم ينزلون
وليد سلم على عزيز بالخشم وضحك: انصدمت ها ههههههههههههه
عزيز كان يناظر فيه وضحك وهو يرجع يحضنه: هلا والله
فهد وهو يسلم على محمد : ابد طفشنا وشفنا الديره على يميننا
نزل سعود وهو يسلم عليهم
محمد : العب ولد جده معكم هههههههههه
سعود سلم عليه: نادني ولد الشرقيه لو سمحت هههههههههه
دخلوا داخل وهم يسلمون على فالح والجد فهد
وانبسط الجد فهد بجيتهم ودخلت رغد تسلم على عمها وجدها
الجد فهد: كيفك يا بنتي
رغد وهي تضحك وماسكه يده: تمام يا جدي وانت شخبارك شمسوي
الجد فهد: ماني مسوي شي
رغد ضحكت: اقصد علومك هههههههههه
ضحك مقبل: باقي على شخصية الشرقيه بنتي
دخلت رغد عند البنات وهم منصدمين ويصارخون ويحضنون بعض
جود: رغغديي متى جيتي ومتى قررتي اساساا
هدى وهي تحضنها: غرييبه جيتكم هالوقت
رغد : والله اخواني طفشوا قالوا مشينا الديره ههههههههههههه
التفتت لشموخ : شكلنا جايين نزوج اخوي هههههههههه
شموخ: يمه خير هههههههههه
دخلوا البنات ورغد تفصخ عبايتها وهم حولها ويسولفون
جود: اي شخبارك مع العله الي لحقك للشرقيه
رغد: خير شفيك على سعود
هدى: اييه صح هو كان عندكم
جود: وخالد عند لميس يووه
رغد: خلوكم مني الا جانا كلام يا جود
جود ضحكت: وشو
رغد : مبرووك مازنوه خطبك
جود: يوه امي بغت تقوم الدنيا بس يحليله عزيز مسكها وهو مدري وش سوا غسل عقلها وجتنا موافقه
شموخ جتهم بعد ما قفلت: بناتت ترا عمتي شيخه جايين بعد
جود وقفت: احلفيي شعندهم ذولا
هدى ضحكت: ما صدقنا على الله تخلص المدارس هههههههههه
مرت ثلاث ساعات وقاموا البنات يزينون العشاء
شموخ: يمه نحسب حساب عمتي شيخه على العشاء؟
ام فهد: ايه ايه ما راح يزين الا وهم عندنا ان شاء الله
وفعلًا بعدها بنص ساعه وصلوا وهم يدقدقون بواري عشان يفتحون باب الحوش
وفز سعود وهم يفزون معه وفتحوا الباب ويرحبون ويهللون
نزل خالد من السياره بسرعه وهو يضحك لما شاف سعود ركض له وحضنه: ارحب ارحب تراحيب المطر يا عضيدي
سعود وهو للحين حاضنه ويضحك: والله ان لك فقده يا وصخ ما عادني مخليك
خالد طبطب على خصره عشان يفكه ويروح يسلم على الباقين وهم يسلمون ودخلوا البنات وقفت سيارة ياسر جنب سيارة خالد وهو ينزل ويتنحنح
واتجه له وهو يمسكه من يده ويجيبه : معي ضيف يرجال
فزوا العيال وهم يسلمون على ياسر ويرحبون فيه ويقلطونه فالمجلس وكانوا يحوفونه حوف لدرجة ياسر استحى
وجاء سعود يقهويه وفز وليد : عطني القهوه
سعود سحبها: لا ماني معطيك
وليد ناظره وهو يضحك بصدمه : نعم ليه ما تعطيني هههههههههه
سعود: وشو خلني اقهوي الرياجيل
وليد: يرجال انت مرقوع
وقفهم ضحك ياسر: شكلكم وليد وسعود هههههههههه
وليد انحرج: الله يسلمك شعرفك
ياسر ابتسم: خالد كان يسولف لي عنكم ويقول من معجزات الدنيا وليد وسعود يتفقون على شي
سعود دف وليد: شف ما خلتني اقهوي الرجال
خالد جلس جنبه وياسر دقه : والله اني مستحي يا ولد
خالد: يرجال معليك هههههههههه شف انا قد سولفت عنهم كلهم بس بعلمك عنهم الحين
بالبدايه ذا جدي فهد ممشي الكل على المسطره والي يمينه خالي صالح وخالي مقبل وذاك الي تخاف حتى تناظر فيه تحس انه بيهاوشك ذا ناصر والي تحسه نفس ناصر بس بشكل اصغر ذا سويلم خوينا بالرياض وشفت ذا الي جالس وتحس الكل يحبه ورزين ذا عزيز خوي الروح والي جنبه وعكس شخصيته حتى بالشماغ ذا محمد وذولا الاثنين محد يدري كيف ربي مسخرهم لبعض وشفت ذا الي ٢٤ ساعه فاتح جواله ويتبسم ذا فالح وبصدمك تراه اخو ناصر وما يخليه ينزل جواله الا لا هبده ناصر بأقرب شي عنده وشفت ذا الي يسولف مع جدي وتحس كل الشياب يحبونه ذا فهد اما ذولا الي يتساسرون ذولا انتبه منهم لا ناظروا فيك الي تحسه مرقوع ودايم متحمس وجاهز لكل شي ذا سعود اخوي والي هادي بينهم ك شكل بس انه السوسه ولا هو وين والهدوء وين ودايم يطلع نفسه من المصايب ذا مازن اخو سالم بس هو وسالم محد قد شافهم يتهاوشون والكل مستغرب وذا الي لا شفته بتحسبه توه راجع من هوشه وينام بكل مكان واي وقت ذا وليد اخو فهد وذولا الاثنين ما تجي مناسبه الا وهم متهاوشين وسارقين ملابس بعض وما يفكهم الا اختهم تجي تعلمهم ذا سروال من و وين سروال الثاني
ياسر انصدم: يا ماشاءالله عليكم صدق
خالد ضحك: ترا باقي اثنين مو منا بس متزوجين بناتنا علي ومصلح هههههههههه
ياسر: يرجال انتم خذيتوا نسلنا شكلكم
خالد: اما بالاحفاد تونا جديدين مغير ثلاثه
ياسر: ماشاءالله الله لا يضركم
الجد فهد: ياسر ياولدي
ياسر فز: سم
الجد: ان شاء الله انك بتمسي عندنا هالايام الي يتقعد فيها
ياسر كان بيعترض بس قاطعه مقبل: لا تحاول يرجال هههههههههه
ياسر ضحك: ابشر
ابو عزيز: اجل بكره غداكم عندي
عزيز يهمس لمحمد : يارب مو فالعزبه يارب مو فالعزبه
وكمل ابو عزيز: فالعزبه
ضحك محمد على عزيز وناظروهم الباقي وفهموا ليه ضحك وانفجروا يضحكون معه وياسر يناظر بعدم فهم الين قال خالد: هذا ابو عزيز ودايم كارف ولده فالعزبه وان شاف معه احد خذاه ولا شافنا كلنا متجمعين سحبنا كلنا
قاطعهم الجد فهد الي نزل راسه وهو يمسح دموعه بشماغه وفزوا عياله
صالح: يبه يبه قل لا اله الا الله
لما سمعوا العيال فزوا كلهم من مكانهم وراحوا عند الجد حتى خالد وياسر يناظر من بعيد
سعود: جدي وش بلاك
الجد فهد ضحك وهو يمسح دموعه: والله ان هالمجلس دونكم ما يسوى شي
ضحكوا العيال وهم يبوسون راسه ويسولفون معه ويضحكونه
سعود: تخيل وبعدها وليدوه البقره فوق ما انه ناسيني عند المحطه ما تعب على نفسه يرجع لي وقال شف لك تاكسي هههههههههه
الجد ضرب وليد بعصاته: وراك ساحب على اخوك هذا وهو ضيفكم
وليد وهو يحك مكان الضربه: يا جدي والله اني انا الضيف مهوب هو نقوله نام فالمجلس القاه نايم في غرفتي
خالد: اييه مهوب مثل اخوه
سالم: والله توقعت خالد يدخل ينام بفراشي بغرفتنا
مازن: يولد والله اني استحيت ورحت انام معه فالمجلس هههههههههه
فيصل دخل عليهم: العشاء يله
قاموا العيال وهم يتفرقون الي يجيب السفره والي يجيب الاكواب واللبن والسلطات وياخذون العشاء ويحطونه على السفره ويقلطون ياسر ويتجمعون حول السفره
قاطعهم عبود الي دخل وفيصل يقولهم: عبوود جاء
وقف خالد وهو يشيله: ارحببب هو انتم جيتم
عبود: ايه بابا جابنا بس راح
خالد رجع جلس مكانه بعد ما مشى عبود على العيال وسلموا عليه وجلس عبود بحضنه
ودخل محمد وهو شايل رند وجلس وهي بحضنه وفيصل كان جالس جنب ابوه ويتعشون ويسولفون وخالد يوكل عبود ومحمد يعشي رند وقاموا يغسلون وصادف ان ياسر يغسل ومحمد جنبه يغسل يد رند
: ماشاءالله بنتك؟
محمد ابتسم: لا بس بحسبة بنتي ...... هذي بنت اخت عزيز
ياسر وهو يمسك خدها ويبوس يده: يحليلها وين ابوها
محمد عقد حواجبه: لا تجيب طاري هالرجال عند احد
ياسر سكت وانصدم من ردة فعله ورجع للمجلس وجلس جنب خالد
ياسر: الا بسألك
خالد التفت له: سم
ياسر: سم الله عدوك البنيه الي مع محمد ابوها مين
خالد: اييه هذي رند بنت اخت عزيز ابوها طلق امها فيوم ولادتها ومن هذاك اليوم محد عينه
ياسر: يا جعله العمى مير احس محمد عصب يوم سألته
خالد:بس بعد طلاقها بيومين رجع محمد ف تالي الليل وكان حالته حاله ونسأله وش فيك يقول عطيت واحدٍ ما يخاف الله درسٍ بحياته وكلنا ندري انه يقصد ابو رند وقام هو بكل شي يخص رند من هي بزر ما سمح لخالها وجدها يسوون شي