ပြိုင်ဘက်ကင်းသိုင်း၀ိဉာဥ်(ဟောင်ရှောင်လုံ) Book 1

61 - 65

သူရှေ့မှာ ရုတ်တရက်ပေါ်လာတဲ့ လူကိုကြည့်ရင်း လီချန်းလဲ နဲနဲတုန်လှုပ်သွားကာ သူလက်ဖက်ကို ဝှေ့ယမ်းရင်း သူ့ကိုယ်သူကာကွယ်ဖို့
ကြိုးစားလိုက်လေသည်။ အဲ့အချိန်မှာပဲ လီချန်ထက်ပိုမြန်တဲ့ အရိပ်တခုက လီချန်ရှေ့ရုတ်တရက်ပေါ်လာပြီး ဝတ်စုံစိမ်းနဲ့လူကို လက်ဝါးနဲ့ ရိုက်လိုက်လေသည် ။ ဝတ်စုံစိမ်းနဲ့လူလဲ နာကျင်စွာအော်ရင်းလွှင့်ထွက်သွားကာ ဆိုင်ရှေ့က အဝတ်အစားတင်ထားတဲ့ စင်နဲ့တိုက်မိပြီး မြေကြီးပေါ်ကို ပြန်ကျလာသည်။ သူခန္ဓာကိုယ်က အခဲတခုလို တွန့်လိမ်နေကာ ကြည့်ရတာ လက်ဝါးတချက်ထဲနဲ့ အသက်ပျောက်သွားတဲ့ပုံပဲ..... ။

လီချန်ကို ဝင်ကာကွယ်လိုက်တဲ့သူကတော့ စစ်သူကြီးအိမ်တော် စစ်သားတွေထဲက တယောက်ပဲဖြစ်လေသည်။ ဒီအဖြစ်အပျက်ကိုမြင်လိုက်တော့ တခြားဝတ်စုံစိမ်းနဲ့လူတွေလဲ သူတို့တိုက်ခိုက်ဖျက်စီးနေတာတွေကို ရပ်တန့်လိုက်ကာ သူတို့လူကိုတိုက်ခိုက်လိုက်တဲ့ အစောင့်စစ်သားကို ဝိုင်းအကဲခတ်လိုက်ကျသည်။

ဝတ်စုံစိမ်းတွေထဲက သတ်လတ်ပိုင်းအရွယ်လူကြီးက မြေကြီးပေါ်မှာ
မလှုပ်ရှားတော့တဲ့ သူလူကိုကြည့်ရင်း သူမျက်နှာက တည်ကြည်သွားလေသည်။ အဲ့နောက်မှာတော့ ရှောင်လုံတို့လူစုကိုသေချာအကဲခတ်လိုက်သည်။

"... မင်တို့ဘယ်သူတွေလဲ....  ? ဒါက ငါတို့ သိမ်းငှက်စိမ်းလူဆိုးဂိုဏ်းရဲ့ ကိစ္စပဲ.....  မင်းတို့ မနက်ဖြန်နေထွက်တာမြင်ချင်သေးရင်
မြင်သမျှကိစ္စတွေကို ဝင်မစွက်ဖက်တာကောင်းမယ်... "
  ဝတ်စုံစိမ်းနဲ့သူက ရှောင်လုံတို့ကို ခြိမ်းခြောက်သတိပေးလိုက်သည်။

တခြားလီချန်တို့ဆိုင်ထဲက ပိုးထည်တွေကိုဖျက်ဆီးနေတဲ့သူတွေကသူတို့ဖျက်စီးနေတာတွေကိုရပ်လိုက်ပြီး ဝတ်စုံစိမ်းနဲ့ လူကြီးရဲ့ အနောက်မှာ အကုန်ပြန်လည်စုစည်းလိုက်ကျသည်။

"... သိမ်းငှက်စိမ်းလူဆိုးဂိုဏ်း..."
အဲ့နာမယ်ကိုကြားတော့ လီချန်မျက်နှာအမူအရာတွေ ပျက်သွားလေသည်။

သိမ်းငှက်စိမ်းဂိုဏ်းဟုတ်လား.... ? ရှောင်လုံမျက်လုံးထဲမှာတော့
သူတခါမှမကြားဘူးလို့ စိတ်ရှုပ်နေတဲ့ပုံစံပြနေလေသည်။ အဲ့အချိန်မှာ ရှောင်လုံနောက်က အစောင့်စစ်သားတယောက်က ရှေ့ထွက်ရင်း ရှင်းပြလိုက်သည်
".... သခင်လေး....  သိမ်းငှက်စိမ်းဂိုဏ်းက နန်တွင်းမြို့တော်မှာတော့ အကြီးဆုံး လူဆိုးဂိုဏ်းတခုပဲ.....  သူတို့လူဆိုးဂိုဏ်းချုပ်နာမယ်က ဂျန်ဝေပဲ.... သူကမြေကြီးအဆင့်၁၀ သိုင်းသမားပါ....အဲ့ဂျန်ဝေက နန်းတော်ထဲက တော်ဝင်မိသားစုတချို့နဲ့လဲ မကင်းရာမကင်း
ကြောင်းဆက်ဆံရေးရှိတယ်...."