إجتمع فيك كل الحسن وخربه حُبي

١٥

مر يومين و مشو سند واهله راجعين لحايل
و رجع وقت الدوامات و كل صار منشغل
في الجامعه كانت يُسرى في محاضرتها
و مركزه مسكت القلم بتكتب الملاحظه بس جوالها طن برساله جديده لفت له تفتحت
وسعت عيونها بصدمه وهي تشوف اسمه
بلعت ريقها تناظر حولها وناظرت للدكتوره
ثم دخلت المحادثه بسرعه وشافته كاتب
^الساعه تسع اكيد عندك محاضره^
^ ارسليلي اذا خلصتي^
اخذت نفسه تعدل نفسها
قامت صباح ذاك اليوم وشافت رسالته
وردت بس بسلام بينما هو كتب لها انه بخير 
و مافيه شيء
كانت تضحك على ثقته العاليه بس بنفس
الوقت حست بفرحه صغيره بسبب تفكيرها انه ممكن فكر انها قلقت عليه ويبي يطمنها
ومن يومها ماارسل الا اليوم
خلصت المحاضره و طلعت الدكتوره وطلعت هي وراها رايحه لحرم الجامعه تجلس هناك معها قهوتها، كانت بترسل بس فكرت انها راح تكون غبيه ويفكر انها كانت تنتظر منه اي حركه عشان تكلمه لذلك سكرت الجوال وقعدت تشرب قهوتها بكل ارياحيه تناظر الرايح والجاي
لحضات لتستوعب ان هذي اخر سنه لها
ابتسمت تمدد يديها بتعب فعلاً
كان المفروض تدرس وهي وسط صديقاتها
يدرسن سوا و يتخرجن سوا يسون احلى ذكريات 
مسحت دمعتها وهي تنفي براسها
سمعت صوت الرساله لتفتح جوالها
تناظر الاشعار من فوق كان مجرد نقطه
دخلت المحادثه
^انشغلت شوي.. فيه شيء؟^
شافته يكتب بس ماارسل شيء!
كانت بتكتب بس وصلتها رساله صوتيه منه وترتها، إضغطت باصبعها على رسالته وهي متحمسه تسمع صوته حطت السماعه بأذنها
^صباح الخير، وش نوحك؟ بدري بس ببلغك اول.. انا جاي في الطريق اليوم للقصيم و بوصل حول العصر عندي كم شغله بخصوص البيت بشاورك فيها اذا يناسبك اجي بعد المغرب او نخليها بكره العصر^
كانت تعيد الصوت اكثر من مره وهي تسمعه بتعمق.. حست بقلبها ينبض بقوه وهي تمسك إبتسامتها زمت شفايفها بخجل و كتبت
^ اهلاً، الحمدلله تمام انت كيفك؟^
^نورت القصيم، مرحبا فيك باي وقت^
ارسلتها و شافته استلم بس ماقرا
رجعت للمقطع الصوتي وهي ترجع تسمعه
غمضت عيونها وهي تحس صوته دخل بااعمق نقطه من قلبها..

عند سند بينما ماهو موقف يعبي بنزين
فتح المحادثه وشافها للان متصله
قرا رسائلها وابتسم وهو يحك مقدمة انفه بمتعه
رد عليها ^دووم.. الحمدلله على ماتحبين^
ورد على الثانيه ^منوره بأهلها^
وارسلها شافها قرتهم على طول ضحك و مشى بعد ماخلص تعبيه وهو مشغل مسجل السياره  ويغني سند بصوت رايق: 'بابي لك قبل لاتطكه فتح وابتسم حتى من اللهفه خيالي
حتى شوفي مابعد مثلك لمح
من هذاك اليوم وانتي الي في بالي'
صفر وهو يكمل الشيله و مايفكر الا فيها

يتبع..