إجتمع فيك كل الحسن وخربه حُبي

٤

كانت طالعه من الباب لما سمعت صوت تعرفه لفت وشافت نواف ولد خالها واقف مع مجموعة شباب برا نصهم بالسياره و الباقي عند الباب
لفت ومشت تمسك عبايتها لأن الهواء قويه شوي
سمعت صوت ضحك وجاها فضول و إلتفتت بشويش و شافت الرجلين الي بالسوق واقفين مع نواف يضحكون، إتسعت عيونها بتفاجأه تردد: وش جابهم هنا؟؟!!
ناظرت فيهم كان رائد يتكلم ويضحك بينما سند مبتسم يناظرهم
بلعت ريقه ولفت تمشي بسرعه لبيت جدتها
دخلت وهي تخلع كعبها بتوتر وجلست بالصاله تضم الفروه تتخبأ فيها تكلم نفسها: 'ليكون هم الي من حايل خويا نواف؟؟'

كنت منهار ضحك بس لما طلعت حاولت امسك نفسي حسيت فيها تناظرنا انا ورائد كأنها متفاجأه!
يمكن ماتوقعت نتقابل.. تقولين عني غبي؟
هين نردها لك يابنت الناس

رجع الكل لبيته يستعدون لعرس سالم بكره
وكانو رائد وسند بمجلس نواف يكوون ثيابهم
تكلم سند: رائد
رائد: هلا؟
سند: فيه احد موظفك متحدث رسمي عني؟؟
رائد: لا ليه؟
سند: وليش اللقافه وتوافق على عرضهم؟؟
رائد: يالله ياسندووه تبينا نجلس عندهم ونروح لعزايمهم و لانسوي شيء لهم فشله
سند: وانا شدخلني بك اذا انت متفشل انا مانيب بتفشل
رائد: نام نام بس
سند وهو يقرب منه: مو كأنك مسوي مستقوي و قيادي هنا؟
رائد: وش بك انت قلت نام في كل الحالتين مبلشنا
سند: لاشكلك تحسب لطلعت من حايل مانيب بقايدك
رائد: شتقصد؟
مسح سند على كتفه وقال: ابد ياخيي مانيب بقاصد شيء
مسك رائد يده وقرب وجهه: ترا ببيت ناس مانبي هواش و نخرش خلق الله
بعد ما خلص جملته بدو هوشتهم المعتاده
وهم يضحكون
سند بنفسه: 'ماكنت اعرف وش انا بدونك يا رائد'ضحك'لو يقولون بع الدنيا عشان رائد بعتها'
طاحو بفرشهم بتعب والنوم اخذهم والمكان حولهم حوسه

'يمه البس الأسود و الا الفُستُقي'
زفرت ام خالد بتعب: يُسرى روحي عني هناك ماني فاضيه لك
يُسرى بزعل: ليه محد مهتم فيني؟؟
راحت لغرفتها وهي تطلع فستانها الأسود
ناظرت بالمرايه وإبتسمت وهي تشد عليه: يسس

في بيت نواف
كان يفطر معهم سند يفطر بعيون نصف مفتوحه و رائد قاعد يسولف ومليان طاقه
سأل سند فجأه: نواف
لف له نواف: هاا؟
سند: هواه
ضحك رائد على نواف الي انحرج وهو يقول: شبغيت؟
سند: ابو شماغ احمر و ثوب ازرق الي كان جالسً
جنب ابوك منهو؟؟
نواف: هذاك خالد ولد فيصل الي كان جالس جنب ابو حسن
سند: اهاا يعني ابو خالد اسمه فيصل؟
نواف: ايه ليه؟
رائد: مابه شين بس له هاله تجذب
نواف: ياخي خالد و أخته يُسرى يصلحون مخابرات
رائد: منهي يُسرى؟؟
نواف: اخت خالد الثانيه ياعليها عناد و عصبيه
حس سند انه يتكلم عن البنت الي في المول وناظره بتساؤل!
رائد: صغيره هي؟
نواف وهو يشرب كاسة الشاهي: لا الحين عمرها ١٩ بس انا اتكلم عنها يوم انها صغيره
كانت هاديه وحليله بس الحين لا عناد وعصبيه و ان تكلمت ماتسكت
ضحك رائد و إبتسم سند بجانبيه وهو يحك ذقنه
وكمل نواف: لا و بنت خالته الثانيه ميثاء ياخي اذا اجتمعن يخلن الدنيا هبل و ضحك
رائد: جوي جوي
نواف: طس بس
ضحك سند عليه ثم قال: يقربون لك؟
نواف: خالد ولد خالتي
رائد: اوووه
وقف نواف: يلا يلا تجهزو عشان نروح لغداء ابوسامر
قامو يتجهزون وبعد ماطلع نواف
رائد: شكلي بتزوج ميثاء و يُسرى و نسوي جو الهبل ذاك
طقه سند وقال: اهجد بس ماحنا بناقصين هرجك لاتفضحنا
رائد: لحضه يعني اسمه خالد يعني اسم البنت يُسرى صح؟؟
ناظره سند بطرفت عين: بدري يالاخو!

وقت المغرب كانت ام خالد وبناتها يركبن السياره رايحات لعرس سالم ولد ام سعد
وصلن هناك وكان العرس بحوش ام سعد الكبير
نزلن ثم دخلن يسلمن
وراحت يُسرى تنزل عباتها وتعدل شكلها

في دورات المياه(انتم بكرامه)
فصخت يُسرى عباتها ودخلتها الكيس و عدلت شعرها الويفي
كانت لابسه فستان اسود ميدي علاق لامع له اكمام منفصله لنص الساعد و شعرها ويفي بالجهتين و ميكب ناعم يناسبها مرره ولبست كعب
اسود فيه لمعه فضيه'

عدلت ساعتها الفضيه وإبتسمت برضاء على شكلها و طلعت تمشي بثقه لأمها و خواتها
تكلمت: يمه بروح للبنات هناك
ام خالد: خوذي راحتك
هزت يُسرى راسه وراحت للبنات
وجلست معهن تسولف لين جاء وقت البنات يرقصون
يُسرى: بنرقص الخطوه امانه
اريج: ايوالله خلونا نرقصها وناسه
فرح: مااعرفها الصراحه
سديم: مو مشكله سوي مثلنا وتعرفين
نُهئ: يلا
قامن البنات وشابكن يديهن ببعض وبدت الشيله و هنا يرقصن عليها
كانت يُسرى تبتسم بفرح و ميثاء جنبها تمسك يدها و ترقص
مرر الزواج بفرح و وناسه وجاء وقت العشاء
كانت يُسرى مع البنات جهة البوابه وطق الباب فجأه وواحد يقول: ياام سعد العشاء العشاء
قامن البنات بسرعه وام سعد فتحت البوابه عشان يدخلون العشاء
دخل نواف و ناصر معهم سند ورائد شايلين الصحون ويحطونها على السفر

كانت يُسرى واقفه وراء الحريم تلبس عباتها و تلف لفتها و غطت فيها الجزء السفلي من وجها ثم طلعت من بين الحريم رايحه لأمها و خالاتها تركض بشويش
وقفت بسرعه يوم نادتها ام سعد: يُسرى يابنتي تكفين خوذي كرتون المويه ذا وزعيه
ناظرت يُسرى حولها بتوتر و قربت تاخد الكرتون من ام سعد

:

كان المفروض احط العشاء واطلع لكن ليش؟؟؟
ناظرت بطرفت عين جهت الي نادتها ام العريس
كانت مقفله بس ازارير العبايه من فوق فستان قصير لامع و عيون واسعه مكحله و حواجب تشبه الهلال!!!
لاتقولون ذي بنت المول اخت خالد ليكون ذي يُسرى؟؟!!
اخذت الكرتون وهي تبتسم من تحت اللفه الشفافه صديت بسرعه اخذ كرتون الببسي من ناصر واحطه على السفره
وبأسرع ماحط ربي من سرعه طلعت من البوابه راكب السياره و مشينا راجعين للعرس

يتبع..