إجتمع فيك كل الحسن وخربه حُبي

٦

دخل نواف البيت و راح سند للمجلس
نواف وهو ينادي امه: يمهه
ام نواف: نعم نعم
نواف: الرجال بالمجلس لااحد يروح لهم
ام نواف: زين زين وانت رح لهم بعد ميثاء و يُسرى بينامون عندي الليله عشان نروح من العصر للمزرعه
نواف: زين
اخذ فراشه وطلع للمجلس

دخل وكان رائد نايم و سند يلعب بجواله
ناظره سند وقال: وش بك؟
نواف وهو يضحك: ابد بنام عندكم الليله بنات خالتي هنا و طردتني امي
سند: طيب انت نام بالغرفه وقفل عليك
ضحك نواف وقال: احلف بالله.. والله حتى الجنون ماتجلس هذول صراصير ليل
ماقدر سند يمسك إبتسامته وربت على المكان جنبه وقال: تعال تعال هنا وسولف علي شكل حياتك مغامرات
ضبط نواف فراشه جنب سند و انسدح يسولف عليه
كان سند وده يقول سولف علي عن يُسرى بس ماقدر و سكت يسمع سوالفه لين قال: عاد عندنا وحده بالعايله تموت على الرقص والعيد والعرس و الحفلات هي الي ماسكه المنصه ياخي فاضيه والله فاضيه
سند: منهي؟
نواف: يُسرى
رفع سند حواجبه وإبتسم وقال: ماخذينها رقاصه
نواف وهو يحس النوم غلبه: يقولون رقصها بالعرس مرتب وحلوو والباقي هبددد عاد تهاوشوو وحلفت ماعد ترقص ومن يومها العروس طافيه
وضحك وهو يتكلم بنعاس: البنت ذي يبيلها الي يروضها قويه قويه
على اخر جمله اخذته النومه و غفى
بين ما سند غطى ذنيه كعاده لما يحس انه انحرج والا بيضحك
شاف جواله يهتز و ناظر وكان اخوه الي يدق
قام بشويش وطلع بالحوش يكلم

كلمت اخوي الكبير عبد الرحمن وهو يسأل عن مكاني و يقول تأخرنا هو صدق تأخرنا!!!
قفلت و جلست شوي اخذ نفس و انا في الحوش
شفت سيارة وغدان زرقاء وعرفت انها سيارة اخو نواف نادر
سمعت صوت الباب من جنبي ولفيت شوي شفت فرشه عند الباب
لحضه هذولي ليكون بيطلعن هالحزه؟؟!!
قمت بسرعه اوقف ورا الجدار و سمعت اصوات خافته ضحكت بصمت على هالبنات ومكاناً الا يُسرى و وحده ثانيه اتوقع انها ميثاء
حاولت اقاوم نفسي وارجع المجلس بس طلعت ببيجامه نيليه داكنه معها كوب كابتشينو و رافعه شعرها فوق و تسولف وتضحك سمعتها تقول: الله تخيلي في بيتنا ماراح نسهر هالسهره ابد
هزيت راسي وحكيت ذقني وهمست: كذا يعني تحبين السهر يابنت فيصل!
لفيت ورجعت للمجلس لقيتهم على حالهم نايمين انسدحت جنبهم انام بعد ما تطردت صورتها للمره السادسه من راسي

في الصباح كانو سند و رائد يشيلون اغراضهم
نواف: عيشو عندنا يارجل
ضحك رائد: لاعاد العيشه عندكم
نواف: شتقصد يالخوو؟؟
سند: يقصد ان مافيه مثل الديره الي تربى فيها
نواف: ايوالله صدق
جت ام نواف من ورا الباب تنادي: يانواف
لف نواف: هلا يمهه
امه: الشباب للحين هنا؟
نواف: ايه
قالت: بسلم عليهم
نواف: امي بتسلم عليكم
تقدمو سند ورائد واقفين عند الباب وام نواف تتكلم: وشلونكم ياوليدي عساكم طيبين
رائد: بخير بخير ياام نواف
سند: الحمدلله
ام نواف: عاد هاا لاأوصيكم زورونا مرةً ثانيه وهاتو امهاتكم مشتاقتن لهن
سند: خير انشاءالله ياام نواف مدري عن الوالده يمكن تصير مشغوله
ام نواف: لا لا شغل ولا شيء انا اكلمها تتجهز و متى ماجت الفرصه تعالو
رائد: ابشري يالله تامرون بشيء
ام نواف: ماتشوفون شر
ودعوهم و ركبو سيارتهم منطلقين لديرتهم

يتبع..