Unicode
ဇိမ်းတစ်ယောက် မနက်စောစောဆို စော စောစီးစီးထတတ်နေတာ မေမေတို့ရောက်နေထဲကဖြစ်သည်။မနက်တိုင်း မိသားစုတွေအတူတူမနက်စာစားဖြစ်သလို၊ ဦးခက်စောစောပြန်ရောက်တဲ့ညတွေမှာလည်းအတူ တူအချိန်ကုန်တက်ကြသည်။တစ်ခါတစ်လေ ဦးခက်မမနဲ့လည်း ဈေးဝယ်ထွက်ရင်း ဆက်ဆံရေးတွေကိုတည်ဆောက်သည်။ဇိမ်းအပေါ်လုံးဝ အမြင်ကြည်နေတာမျိုးမဟုတ်ပေမယ့် အရင်ကလိုမျိုးရန်စကားစပြောတာမျိုးတော့မရှိသလောက်နည်းလာခဲ့သည်။
ဇိမ်းနဲ့ဒေါသစိတ်ကြီးတာရော၊ မာနကြီးတာရောတူတဲ့ ဦးခက်မမ ကမျိုးတူမို့ ပေါင်းရသင်းရနည်းနည်းတော့ ခက်ခဲသည်။တစ်ခါတစ်လေဆို နှစ်ယောက်သား စကား ပြောရင်း မသိ၊မသာရွဲ့တတ်ကြသည်။အဲ့လိုအချိန်မျိုးဆို ဦးခက်က ဇိမ်းတို့နှစ်ယောက်ကိုခွဲထားပေးရသည်။
အိမ်မှာ တစ်ပတ်ကျော်ကျော်လောက်နေပြီးနောက် ဦးခက်မေမေနဲ့မမတို့ကအိမ်မပြန်ခင်ဘန်ကောက်ကို ဈေးဝယ်ထွက်မည်မို့ ဇိမ်းလိုအပ်တာတွေဝိုင်းကူပေးနေခြင်းဖြစ်သည်။ဇိမ်းကိုပါအတူလိုက်ခဲ့ဖို့ခေါ်ပေမယ့်၊ဒီအပတ်ထဲ ဦးခက်နဲ့အတူတက်ရမည့်ပွဲလေးရှိသည်မို့ မလိုက်ဖြစ်ခြင်းဖြစ်သည်။
"ဟိုမှာ နင် လိုချင်တာတွေဘာတွေရှိရင်ဖုန်းလှမ်းဆက်"
"ဟုတ်ကဲ့ မေမေ"
"နင့်ယောကျာ်းကိုအလုပ်ကြီးဘဲဖိခိုင်းမနေနဲ့နင်တို့ အပြင်လေးလည်းဘာလေးလည်းထွက်ကြ...နင်တို့ကြိုက်ပြီးယူကြတာလည်းမဟုတ်တော့ ညှိစရာတွေကများမှာဘဲ။"
"ဟုတ်ကဲ့"
"ဟုတ်ကဲ့ မလုပ်ဘဲနဲ့၊နင် ဒီနားမှာခဏလာထိုင်စမ်း။"
ဦးခက် မေမေကသူ့ဘေးကခုံကိုလက်နဲ့ပုတ်ပြရင်း လှမ်းခေါ်သည်မို့ ဇိမ်းဟိုယောင် ယောင်၊ဒီယောင်ယောင်နဲ့ သွားလိုက်ရသည်။
"နင်...နင်တို့လင်မယား ကျန်းမာရေးတွေဘာတွေ စစ်ထားကြသေးလား"
"ရှင်!!..."
"ရှင် မနေနဲ့ မေးတာဖြေလေ"
ဦးခက် မမက ဝင်မေးလာသည်မို့၊ဇိမ်း ကြောင်အသွားရသည်။ဒီမေးခွန်များက ဘာကိုရည်ရွယ်ချင်တာများလဲ။
![](https://img.wattpad.com/cover/315771367-288-k257483.jpg)
YOU ARE READING
11:11 {အချစ်တို့အစပျိုးချိန်}
Romance(Unicode) များသောအားဖြင့်သူ့ရဲ့အချိန်တွေကို သူ့ရဲ့လူနာတွေဆီမှာသာမြှုပ်နှံထားခဲ့သည်မို့ ဘ၀ဟာ ဗလာနတ္ထိဖြစ်မှန်းမသိဖြစ်နေခဲ့ရသည်။ ဒီလိုအေးတိအေးစက် 'ခက်နောင်ချို' ရဲ့ ဘ၀အချိုးအကွေ့ထဲ ပြသနာမလေးတစ်ယောက် စတင်၀င်ရောက်ခဲ့တဲ့အချိန်လေးက ^ 11:11 ^ တဲ့...... ...