" كيف ما احبك وانتي كل ما تشوفه عيوني "

27

طالعت موضي لنايف الي كان واقف وواحد من ازرار ثوبه مفتوح وابتسمت بشر ولفت لرغد المصدومه : بنشره اذا ما سويتي الي ابيه شي واحد بس ، رغد زفرت بضيق وسكتت تنتظر طلبها ، موضي : السكوت علامه الرضا اجل ابيك تقفلين زر ثوب نايف ، شهقت رغد بصدمه لدرجه الكل لف عليها بأستغراب : لا مستحيل ، موضي دخلت اليوتيوب حطت الفديو : احس شي حلو اني انشره واشوفك تتعذبين صح ولا لا؟ ، شدت رغد على يدها بعصبيه وقامت من الكنب وتوجهت لنايف تحت انظار الكل ، قفلت رغد زر نايف بهدوء ونايف يطالع فيها بصدمه ووجه احمر من الخجل ، قفلته رغد وما لحقت ترجع الا وكف طرحها على الارض والصدمه من صاحب الكف!!! ، رفعت نظرها لمشاعل وعيونها تطاير شرار معصبه وصوتها يملي المكان : خخخيرررر ترا سكت لتس كثير وسكت عن حب نايف لتس ادري انتس تعرفين اني احبه من زمان واستغليتي هاذي الفرصه وحاولتي تتقربين منه من الاول؟؟ خلاص انا احبه وابيه ليه تبين تقربين منه مره ثانيه شكلتس شفتي ان محد يحبتس وكلهم يسلكون لتس ورجعتي له يا راعيه الشباب الي ما تستحي ولا تفكرين انه للحين يحبتس ولا حتى انتس اذا قفلتي زر ثوبه بيحبتس وكذا بتصيدينه يا كلبه العيال الي ما خلت ولد في الدنيا الا وحبته!!! ، شددت مشاعل على آخر كلمه وعيونها دموع ، سكتت رغد تتحاول تتدراك صدمتها * كيف اعز شخص لها من بنات خالتها من بعد الهنوف تسوي كذا؟ مشاعل!!! مشاعل الي رغد باعت كل شي عشانها ورفضت حب نايف عشانها وحاربت كل خوالها عشانها وفي الاخير تضربها؟ * ، موضي كانت تطالع وتضحك بشر وتنتظر رغد تنفجر هي الثانيه وتفضح نفسها! ، رغد قامت بهدوء تمسح على نفسها وتمسك نفسها ما تبكي قدام الكل وتبين انها ضعيفه وكلمه وحده من شخص تحبه يأذيها : تصدقين ماراح امد يدي عليك لأن لو غسلتها بكلور وفلاش ماراح اتخلص من نجاستك عليها ، صارخت مشاعل بقهر وتحط يدها على اذنها : ما تسكتين انتي ترا مايضحك ابدا يا راعيه الشباب ، ضحكت رغد وسحبت كرسي تجلس عليه وحطت رجل على رجل وايديها فوق رجلها المرفوع : اول شي يا الي ما خليتي احد الا وخقيتي عليه انا ماني مثلك كلمه من ولد توديك وتجيبك ولا تحسبين بسكت عنك وانتي ضربتيني قدام الكل لأني اعزك بس العزه ذي مصلحه ابي اشوف لوين توصلين وانتي تكلمين عيال بأسمي على اساس انها انتي وتتهميني في المواقع اني راعيه شباب والدليل عندي ، طلعت رغد جوالها واتصلت على رقم ورد : نعم رغد؟
رغد : اوه سطام اسفين ازعجناك بس وش رايك بحبيبتك وهي تكلم الف واحد غيرك وتكلمك بأسم ثاني على اساس تخرب سمعته؟

'

سكت سطام بصدمه : رغد تسوي كذا؟ ، مشاعل بصراخ وهي تطالع الكل : شفتو شفتو الكذابه يعرفها ، انصدم سطام ونطق : لحظه ذا صوت رغد وينها ، تصنمت مشاعل مكانها ورغد ضحكت بصوت عالي وهفت على نفسها : ياربي فضحتي نفسك بنفسك يا راعيه الشباب!!! ، مشاعل اخذت نفس ونطقت لعل وعسى ينقلب الوضع على رغد : وانتي وش جاب رقمه عندتس اكيد مخططه معه ، رغد زفرت : ياليل منك اعترفي وبس انك اخذتي جوالي ودقيتي عليه عشان جوالتس مع ابوك وخايفه يتصل عليك والجوال مع ابوك وتنكشفين فدقيتي عليه من جوالي وسمعك تقولين لا تدق علي سطومي جوالي مع ابوي ، انصدم ابو غلا مو قادر يستوعب شي ونفس الشي مع باقي اهلها ، مشاعل : كيف حافظه رقمه عندك؟ ، رغد رفعت يدها الي عليها رمز غريب : عشان ذا الرمز ما تذكرينه؟ ، ارتخت مشاعل مو قادره تتحمل الصدمات ورا بعض كذا ، رغد لفت للكل الي يطالعونهم بصدمه موقادرين يفهمون شي من الرمز : هاذا الرمز رسمته انا ومشاعل على اساس اننا بنبقى صديقات للأبد واننا ، شددت على النطق : ماراح نفشي اسرارنا ابدا ، وكملت تاخذ نفس : وانا بما اني سمعت كل شي وعرفت انك تحبينه اشفقت عليك وخليت رقمه عندي على اساس اذا كنتي تبين تدقين عليه تاخذين جوالي ، مشاعل ارخت نفسها بالكامل على الارض تبكي وتشاهق بصوت عالي هز المكان تحت انظار نايف الي حاله مايفرق عن البقيه ،
نايف طالع رغد : انتي تحبيني صدق؟ ولا كنتي تكذبين علي ذاك اليوم؟ ، رغد زفرت بضيق : شوف يا نايف انا قصدي يوم قلت ابعد عني قصدي ابيك تروح عني وتحب غيري انا تعبت من الكل .. صارو ينادوني ياراعيه الشباب لين متى؟.....لين متى تنهدم سمعتي بسببكم؟.... ويوم قلت اني احبك بعد ماكان قصدي كذا قصدي اني بعد ببعد عنك بس فهمك لي وسوء تفكيرك وصلك لذي الحاله ، قامت من الكرسي وطلعت برا تهف على نفسها وتجمعت بعيونها الدموع تشوف * الكل خرب سمعتها بسبب اولاد كل همهم يعاكسون البنات ويقعون بحبهم....معيض نايف فاهد سالم خالد كلهم يحبونها كيف تتصرف؟ " رغد نست شي نست ان معيض صار من الماضي وماصارت تهمه ابد بس فيه شعله بسيطه في قلبه وسطها انتقام و قهر وحقد لها ' ونست ان نايف باقي له مشاعر من حبه لها ومشاعر اكبر من حبه لمشاعل ومع ذلك يخفي جانب مشاعل ويبين جانب رغد ' فاهد انتهت مشكلتها معه وصار يحب وحده ثانيه ومايبي غيرها ' بس نست سالم المنحرف الي لو يشوف وحده لحالها يسوي شي ما يتسوى وحبه لها مجرد اعجاب ' ونست خالد المغترب عن الدنيا عشانها مايبي يشوف وحده غيرها يعرف لو شاف وحده غيرها بيميل قلبه لها ويترك حبه لرغد للأبد!! ' بس رغد من من يفهمها انها خلصت من العلات الي حبوها؟ من يفهمها انها ماراح تعاني ابدا الا من شيئين احدهم خير * حب سعد لها بدون علمها - الاشخاص الي يكرهونها وش بيسوون فيها ؟ * لا تتوقعون ان سعد راح يكون الخير ما تدرون! .. لا تنسون ان الحب يتحول للغدر مثل " فلان " لا تنسون الحب يتحول للهوس مثل " معيض " لا تنسون ان الحب يتحول لكرهه مثل " نايف " لاتنسون ان الحب احيانا يكون مصلحه مثل
" سالم " ، وكثير من لا تنسون من انواع الحب الي يتحول لكرهه لعشق لأنتحار لقتل لزنى لجنون ، لذا لا تبنون اعتقاداتكم على شيء 90% ممكن ماراح يصير!! ، لاتحسبون ان نهايات الروايات حب وعشق لا يا حبايبي احلا مافي الروايات انتهاء العلاقاااتتت