" كيف ما احبك وانتي كل ما تشوفه عيوني "

25

بعد اسبوعين قبل عرس عفاف بثلاث ايام

رغد نزلت للسوق مع الهنوف و ليان يشترون لعرس عفاف : وش اخذ ياربييي ، ليان اشرت على فستان كحلي من ورا شبه طويل لتحت الركبه بشوي ومن قدام قصير لفوق الركبه وناعم بدون اكمام ومفتوح من ورا على شكل x : شوفي ذا يجنن مره ، رغد بأعجاب : والله حلو بس ابي اسود ، كشرت ليان : ترا رايحين عرس بنت خالك مو عزا ، رغد لفت للعامل واشرت على الفستان : في نفس هاذا لون اسود؟ ، مشى العامل ل المستودع و طلع نفس الفستان بس لون اسود واعطاه لرغد : يوووههه يموت باخذه ، هزت ليان راسها بطيب وراحت مع الهنوف يدورون فستان من محل ثاني اما رغد طلعت من المحل وراحت لديور شرت منه شنطه سوداء في الوسط شعار ديو ذهبي وشرت كعب اسود وعطرها الي تحبه ، عند الهنوف و ليان راحو لمحل ثاني واخذت الهنوف فستات بني بأكمام شفافه وشبه منفوش ومن ورا مفتوح بالكامل ما يغطيه الا خطوط مربعه وكعب ابيض ، اما ليان اخذت فستان بيج موديل ريفي بأكمام مموجه ناعم من الخصر خطوط بقماش ابيض نحيف مزخرف بورود خفيفه وكعب ابيض وشنطه قوتشي ، طلعت رغد من ديور ومشت لمقهى واخذت لها قهوه وبان كيك من اليوم ما كلت شي اول ما قامت من النوم راحت مع البنات السوق يشترون للعرس وجلست تاكل بهدوء وهي تطالع جوالها تشوف رسايل العيال والبنات في القروب ولفتها اضافه من سعد وقبلت تشوف وش يبي : هلا سعد شبغيت؟ رد..

'رد سعد بترقيع : انتي عفاف؟ ، ضحكت رغد بخفه : لا تبي اعطيك سنابها؟ ، سعد : اي ابي ابارك لها ما لحقت ، رغد : لحظه ارسله لك ، طلعت رغد من المحادثه و ارسلت سناب عفاف لسعد : بارك لها الحين راح تنشغل اليومين الجايه وماهي بحول الجوال ، سعد : مع السلامه ، وطلع من المحادثه ونفس الشي مع رغد ونست تحذفه من عندها ، حطت جوالها على الطاوله وهي تتأمل الرايح والجاي ، رفعت طرحتها البيضاء بدون ما تغطي شعرها وعبايتها الكحليه بعد ما سمعت خبر ان عادي يلبسون عبايه بس لازم تكون مفتوحه

حطت جوالها بشنطتها و وبيدها الكوفي واليد الثانيه اكياس من محلات مختلفه و هي من الصبح تحس بدوخه بسبب انها ما اكلت كثير ، طلعت جوالها تدق على ليان والهنوف : وينكم؟ ، الهنوف : عند ونتر لاند تعالي بسرعه ، ابتسمت رغد وتوجهت لونتر لاند وهي تشوف ليان والهنوف يلوحون لها من بعيد : هنا رغد!!! ، ركضت رغد لهم وابتلشت بأكياسها : وين احطهم ابلشوني؟ ، الهنوف : تعالي سيارتتس هناتس ، مشت رغد لموقف السيارات ولقت سيارتها وفتحت الباب تحط الاكياس وقفلت السياره بالمفتاح ، نزل سعد من سيارته وهو يشوفها تمشي للمدخل : ليان ، كتمت رغد ضحكتها ولفت عليه بأبتسامه : والله ناويه اصارحك بشي بس خله بعدين ، ابتسم سعد ومشى جنبها : وش قوليلي جاني فضول ، تجاهلته رغد وركضت للهنوف وليان بسرعه : اسمعو سعد يحسب اني ليان فنادوني ليان و ليان نادوها رغد فهمتو؟ ، ضحكو الهنوف وليان وهم يهزون راسهم بالموافقه ، جا سعد وما استغرب وجود ليان والهنوف : والله اني داري انكم بالشيني بكل مكان ، الهنوف : اقول كل تبن وادفع لنا نبي نلعب ، تجاهلتهم رغد ومشت للعبه الموزه ، رغد طلعت من شنطتها فلوس واعطتها للعامل وهي تطالع الاكواب الي باين انها مثبته زين ، وترميهم بمسدس لعبي ولفت على صوت ولد من وراها : لا تحاولين محد قدر يفوز فيها ، مسكت رغد المسدس والهنوف وليان وراها يشجعونها وسعد يناظرها بأبتسامه ، ميلت رغد المسدس وهي تغمض عينها اليسار والعين اليمين مفتوحه تناظر لعدسه المسدس ورمت اول طلقه واصابت الكوب الاول وباقي 9 اكواب ورمت الكوب الثاني والرصاصه اصابت الكوب الثاني و الثالث ، صارخو الناس يشجعونها مع الهنوف وليان وسعد يصفق بهدوء ، رجعت رغد شعرها لورا و رمت ثلاث رصاصات اصابت الكوب الرابع و الخامس اما السادس خربها العامل عليها عشان ما تفوز ، تأففت رغد بقهر وبحركه سريعه اصابت الكوب السادس من جديد و الكوب السابع رغم محاوله العامل انه يخرب تصويباتها ، تنهدت من ازعاج الناس وغطت اذنها بيدها اليسار بما انها تصوب باليمين ، لاحظ سعد انزعاجها ورفع يده للناس يسكتون وبالفعل سكتو ينتظرون تطلق الكوبين الثامن و التاسع