" كيف ما احبك وانتي كل ما تشوفه عيوني "

23

عند رغد

كانت تغني هاصيصان :

هاصيصان طق طق
شو حلوين طق طق
عم بيدورو حولى امن مبسوطين طق طق

جت ليان وطقت راسها : حرام عليك ، رغد رفعت حاجبها : انتي كل يوم تاكلين بروست و برقر دجاج و كبسه دجاج ووقفت الحين علي عشاني شويتها ترا ماهو حرام

'

جلست ليان و حركت العود تشوي الدجاجه من اليسار : ما قطعتي الريش؟
هزت رغد راسها بلا : اذا خلصنا شوي بنقطع الريش عشان يكونون منتوفين ونقدر نقطعهم اسهل ، ليان : وش دراك؟
رفعت رغد راسها فوق : فهود علمني الحين محد يطبخ الا هو ودايم يعلمني كيف اطبخ و الدجاج يجيب دجاج حي و يطبخه ما يحب يشتري الي من البقاله ، ضحكت ليان وجتها لحظه ادراك انها ضمت ناصر وصارخت : لااااا ياربييي لاااا ، انخرشت رغد : وجع علامك خذيتي قلبي شالسالفه؟ ، حطت ليان يدها على وجهها الي قلب الوان : ضميت ناصر بالغلط ، ضحكت رغد وضمتها : عادي انا مشبكتكم من اول ما شفته شايل الشنط معك يارب تتزوجون الصبر فاق حجره ، مسكت ليان الدجاجه ونتفت ريشها بغضب ورغد تطقطق عليها : اختصرتي علي الله يسعدك
سكتت تاخذ نفس : دامها كذا بخلي ناصر يضمك كل يوم ، ضربت ليان كتف رغد وهي للحين تضحك : ياربييي كل ذا عشانك ضميتيه ترا ما راح تاخذين ذنب دامه بدون قصد ، ليان : بس الحين وش بيقول عني؟ غبيه تضم ولد مو محرم لها؟؟ ، قامت رغد تجيب السكين : بروح اجيب سكين و بنادي الهنوف و نوال ، هزت ليان راسها بطيب وراحت رغد داخل وتوجهت المطبخ : دجاجتي كبيره تعيش بالحظيره دجاجتي كبيره تعيش بالحظيره ، دخل حسين يغني معها : ماني حافظها بس دام الموضوع عن الدجاج .... هالصيصان
رغد : طق طق شو حلوين ، حسين : طق طق
ضحك حسين : تخيلي ناصر قبل شوي جانا متخرفن و خشمه يصب دم ، انهارت رغد ضحك تذكرت الي قالته ليان : حتى ليونتي قبل شوي وجهها الوان تقول انها ضمت ناصر بالغلط وتوها تستوعب ، ابتسم حسين بشر : شرايك نجمعهم احسهم لايقين لبعض ، رغد : كفو بس ليونتي احذفه كلمه حب من راسها طالعه علي الله يحفظها وش نسوي؟ ، حسين توجه للباب يطلع : مدري بشوف ، طلع حسبن ورغد اخذت السكين والحداد بس طاحو من يدها الي للحين توجعها ونزلت راسها بتعب ماقدرت تاكل ما قدرت تكتب ما قدرت ترسم حتى ركوب الخيل ما قدرت و الوجع كل يوم يزيد وكل ما راحت لدكتور قال حطي مرهم حروق و اذا حطت زاد الحرق وتورم اكثر واكتفت بأنها تدعي ربي يساندها ، مسكت السكين بيدها اليسار و الحداد بفمها وطلعت من المطبخ تدور الهنوف و نوال ، توجهه سعد لها وضحك من شاف شكلها وهي معصبه : علامتس ليه حاطه الحداد بفمتس؟ رغد تأففت بقهر : اممممممم
سحب سعد الحداد من فمها : ها تكلمي زين
رغد : مالك دخل هاته ، مد سعد الحداد لها و مسكته بيدها اليمين ( الي فيها حرق ) وبما انه ثقيل شوي اوجعها ، لاحظ سعد انها توجعت و اخذها منها : للحين يوجعتس؟ ، طنشته رغد و اخذت الحداد منه
طنشته رغد و اخذت الحداد منه : اي للحين توجعني ، توجعت رغد كثير بس كابرت ماتبي تبين ضعفها لسعد الي استغرب من اسلوبها معه : وش سويت لتس انا؟ ، كتمت رغد ضحكتها من نبره صوته ولاحظ سعد انها بتضحك : اي اي اضحكي ضحكتس حل... استوعب سعد ورقعها بضحكه : حليّمه ، عقدت رغد حواجبها بأستغراب : حليّمه وش ذي بعد؟ سعد مشى لورى قدامها : مالتس دخل ومشى وهو يضحك ، ورغد ابتسمت ورفعت يدها المصابه : صدق من قال ضحكه تشفي حرق ، سعد سمع كلامها واشر على قلبه : وضحكتتس تشفي كل جروح قلبي ، قالها بهمس ما سمعته رغد وطلعت رغد لليان وتذكرت كلام حسين : لولو تخيلي لو كان في واحد يحبك وش بتسوين؟ ، رفعت حاجب : الله ابي اعيش قصص الحب ويعطيني ورد كحلي واكحل عيونه بجمالي ، رغد مسكت الدجاجه تقطعها بيدها اليسار : كملي ، شافت ليان رغد تقطع بيدها اليسار : وي كيف تقطعين بيدك اليسار؟ ، رغد : سهله ، ليان : طيب خليني اكمل قصه حبي! ، ضحكت رغد بهدوء وكملت تقطيع وتسمع لأحلام ليان : ابي كل يوم كيكه صغنونه كبر كفي بالفانليا و التوت الازرق فوقها كلام غزل و يجي معها الورد الكحلي وابي يجي معهم كرت فيه كلام عاد الحبيب يكتبه وبس هاذي اشياء بسيط جدا جدا ،
رغد سجلت كل شي بمخها بتنقله لحسين عشان يقوله لناصر : هاذي حتى ايلون ماسك ما يسويها فمابالك بمخلوق بنفس عقليك ، مافهمت ليان واكتفت بأنها تضحك ، اخذت ليان السكين من رغد وحددته وبدأت تقطع الدجاج قطع صغار : شرايك نسوي شورما؟ ، رفعت رغد راسها بأعجاب للفكره : قدام عدد الي هنا كثير اولاد و بنات و عشان ناخذ اجر بنسوي 20 حبه زياده للعمال فيعني بنسوي ٥٠ حبه شاورما نحتاج نجيب خمس دجاجات ، ليان : تم انا بقطع ذي وانتي نادي الهنوف و نوال ، قامت رغد وراحت لقسم العيال تركض ودخلت عليهم وتزحلقت وطاحت : الحقو الحقو ، انخرشو العيال من دخلتها و ضحكو يوم طاحت : الله ياخذتس ، رغد تربعت وبصوت عالي : بنسوي ٥٠ شاورما قومو يالله ساعدونا ، قام لها مسلط ومسك يدها يقومها : انتي فيتس عجله ما تنثبرين نفس خلق ربي؟ ، هزت رغد راسها بلا
رغد هزت راسها بلا : ماراح اعقل امشو بس اللحقوني يلااااا ، تنهدو العيال بقله حيله و لحقوها لليان عارفين لو يقولون اي شي راح يتصفقون من عبيد ، طالعت رغد فيهم وارتكز نضرها على ناصر : ناصر انت ساعد ليان وقطع معها الدجاج شرايح صغار ، ابتسم ناصر بفرحهه وربط ثوبه ومشى بأتجاه ليان وجلس قدامها يقطع معها ، رغد :
عبد الرحمن وعبيد روحو البقاله جيبو خمس دجاجات وخضروات
فراج و فهيد روحو جيبو الي ناقص بترسلها لكم شروق
شروق نوره روحو للمطبخ وشوفو الناقص وارسلوه لفراج و فهيد
فهود قطع كل البطاطس
وفراج انت وفهيد لا رجعتو قطعو الخضروات حبات صغار
عبدالله جه....
عبدالله مشى بيروح : لا والله انا ماني خدام اسمع كلام الحريم ، رغد طالعت فيه و شمقت : اجل مافي شورما ، رجع عبدالله بقهر : وش تبين عاد؟ ، ابتسمت رغد بأنتصار : انت جهز الصوصات
مسلوط جيب الخبز
وسالم وحسين تبلو الدجاج
و الهنوف و نوال انتم اطبخو الدجاج

ولفت بتروح و وقفها صوت سعد الي تو جا : وانا
ابتلشت رغد لأن ما عندها شي تخليه يسويه : انت تعال معي ، وبنظره سريعه على ليان : رغد مشغوله ، تعمدت تقول رغد عشان تكمل المقلب وهي بتنهار ضحك ، اما معيض انقهر منها لأنها ما اختارته وراح داخل

عند شروق و نوره

نوره : ناقصنا زيت و فلفل اسود و بابريكا و ملح بس ، طلعت شروق جوالها وارسلت الطلبات لفراج وفهيد : تم

عند عبيد وعبد الرحمن

عبد الرحمن : يا عزتي لنفسي بنت كبر يدي تتأمر علينا نجيب دجاج وياليتها دجاجه وحده خمس الظالمه!!
عبيد : صادق بس من باب المتعه فكرتها حلوه اننا نتعاون عشان ٥٠ شاورما ونفلها
عبد الرحمن : كان شرينا جاهزه ب 6 ريال بس
عبيد : لا وين الوحده الحين ب 12 ريال
عبد الرحمن بتأفف : عادي 660 ريال عادي
عبيد : ذاكن المطعم بيوافق الحد الاقصى 15 شاورما بنفر اكثر من محل خلنا على برنا نجيب دجاج و نريح بس
وصلو عند محل الدواجن و اخذو خمس دجاجات ورجعو

عند سالم وحسين

سالم لحسين : جيب الدجاج الي قطعوه ناصر وليان بسرعه ، قام حسين وراح لهم : وين الدجاج؟ ، اشر ناصر على صنيه صفراء بزخرفه شعبيه : هنا وقولو لخالي عبيد وعبد الرحمن يعجلون قربنا نخلص الدجاجه ذي ، هز حسين راسه بأي و اخذ الصنيه لسالم

عند سعد ورغد

سعد كان يطالعها وهي تشتغل وينتظرها تعطيه مهمه : شكلي اليوم ماراح اشتغل ، سمعته رغد واشرت على الصحون : غسلهم دامك تبي شغل ، مشى سعد للمغسله و لبس قفازات التنظيف :

شاقني شاقني
ياغزال ولعتني
يوم شفته وشافني
شاقني شاقني
هيييييييييههههه
شاقني شاقني
يا غزال ولعتني
يوم شفته وشافني
شاقني شاقني

ضحكت رغد وهي تسمعه يغني وينضف