شوي ووقفت سياره فهد
رغد : بدري يا الاخ؟
فهد : باسل طلبني ارجعه للبيت وما قدرت ارده
رغد بتأفف : هات الكيسه هات كافي الي صار قبل شوي
فهد : وش صار
رغد : اسكت احسن لي
اخذت رغد الكيسه ورجعت للبنات وهي تحاول تعرف من الي كان يكلمها؟
دخل على البنات و ما لقتهم
ام عبد القادر : وش تسوين هنا اطلعي برا طلعت روحتس
رغد ببرود : وياك
ام عبد القادر بصدمه : ياويح حالي انتي تردين علي يا الي ما تربيتي؟!
طلعت رغد بدون اي رد عشان ما تلقم محاضرات من جدتها عن الاحترام و غيره
راحت للخيمه الثانيه لعل وعسى تلقاهم ولقتهم
رغد : حسبي الله ونعم الوكيل فيكم ما علمتوني
قامت ليان تساعد رغد في الاغراض : اسفين
الهنوف : دلعتينا وحنا ساحبين عليتس ياعمري انتي
حصه : انتي الصديقه الصالحه
ميرال : احلا صديقه
جلست رغد و حطت البطاطسات و الحلويات و البساكيت للبنات و جلسو ياكلون
دق جوال ليان و علطول ردت ليان وهي تضحك : هلا هلا بالزين
تالين : وااييي ما اشتقتو لنا
ريم وهي تدف تالين : ابعدي خليني اكلمها
لين : لا انتي ولا هي انا بكلمها
نوره : خير حتى انا ابي
بيسان : اعقلو
قامت رغد و جلست علطول جنب ليان : هااييي
صاحو البنات : هاايي رغودتنا اشتقنا لكك
ليان : وانااا؟؟
ريم : انتي اكثر من اشتقنا له
بيسان : كيفك رغد ان شاء الله بخير؟
رغد : بخير من يوم كلمتونا
الهنوف : من ذول؟
تالين : انتم الي من؟
اخذت رغد الجوال من ليان و بدت تعرف البنات على بعض
مشاعل : اجل انتم شله رغد الي ابلشتنا فيكم
تالين : معليش الا بلوشتنا
مشاعل : انتي تالين ام المصايب صح؟
تالين : وي شدراك فيني
مشاعل : ليان علمتنا عنك
تالين : انتي مشاعل
مشاعل : ايوه طلعنا نعرف بعض
رغد : اصلا انا يم كنت في سويسرا كنت اعرف البنات عليكم و الحين العكس
ساره : كم لكم صديقات؟
رغد : امممم 16 سنه
الهنوف : واو مشاء الله
حصه بأبتسامه رضاء : الله يديمكم
نوره : احسش امهم
بنات الديره : احساستس في محله
ساره بفخر : هي احسن ام
ريم : وبيسو بعد افضل ام
بيسان : وانتم افضل بنات
رغد : لازم تصيرون صديقات
نوره : اول مره احس بوناسه
رغد : لماذا؟
نوره : بنات خلاتش و بنات عماتش يجننون مو مثل بنات عمانش و خوالش الي خايسات
حصه : علامتس تهرجين بالشين؟
نوره : انا كويتيه مفروض اتكلم بلهجتي بس تعودت على لهجه رفيجاتي
الهنوف : عانتس تهرجين بلهجتس
ريم : لفو الجوال لكم كلكم اي باشوف اشكالكم
ليان : طيب
تالين : جتني فكره اسطوريه
نوال : وشهي
تالين : شرايكم نجتمع كلنا مع بعض؟
رغد : كيف
تالين : حنا بنجيكم ولا العكس
ساره بتأييد : صح
رغد : خلاص حنا بنجيكم
ليان لرغد : الساعه كم؟
رغد : ١٢:٠٠
'
بيسان للبنات كلهم : بنات ممكن تروحون شوي ابي اكلم رغد
مشاعل : ليه؟
بيسان : بس شي يخصنا
ليان و تالين : وحنا؟
بيسان : كلكم روحو ابيها هي لحالها
البنات : طيب بس بسرعه
راحو البنات و ما بقى الا رغد وبيسان
رغد : ها شتبين؟
بيسان : تذكرين سلسالك؟
رغد بتفكير : اي سلسال؟
بيسان : حق.....
رغد : اي
بيسان : سويت الي قلتي لي عليه و برسله لك في صندوق قريب
ابتسمت رغد : طيب توصين شي؟
بيسان : لا سلامتك
قفلت رغد و راحت للبنات الي حاولو يسمعون وش تقول
نقزت ليان قدام رغد : وش قلتو؟
رغد : لو كنت بقول لكم كان ما طلعتكم
الهنوف : رغودتي حبييتي علميني انا صديقتس
ليان : لا لا علميني انا اختك
رغد : بالرضاااعهه مو الحقيقيه
ليان بدمعه : جرحتي مشاعري
حصه : ياليل انتم وذا المشاعر
ساره : انتي الوحيده الي متأكده مليون بالميه ان ما عندها احساس
حصه بنظره حاده : لحظه عيدي وش قلتي
قمطت ساره : ولا شي طال عمرتس
حصه : زين
الهنوف : شرايكم ننام مع بعض هنا
مشاعل : لا تعبانه
ساره : جعله دوم
قامت مشاعل تلحق ساره : انتي ما منتس خير ما تتوبين؟
ميرال لنوال : الفلم حلو صح؟
نوال : فانتاستك يا اختي الحبيبه
مشاعل : وش فلمه بعد انتن؟
ميرال : ولا شي طال عمرتس
ساره : الا كلمتي لحد يسرقها
الهنوف : انا بروح اغير ملابسي
رغد : عطيني معتس ما جبت لي شي
ليان : انا بعد
نوال : اخذي من ملابسي بتجي طولتس
رغد : خلاص تم
حصه : بروح اجيب مرقوقه تبون؟
البنات : ايه
الهنوف : جيبي معه سمن
رغد بملل : ليان معك ربطه
فتحت ليان شنطتها وطلعت ربطه سوداء
ليان : هاك
ربطت رغد شعرها تحت انظار الهنوف
وراحت معها تلبس و نفس الشي مع ليان راحت مع نوال تلبس
مسكت الهنوف شعر رغد : شعرتس كان طويل ليه قصيتيه
رغد : ما قصيت الا شوي
الهنوف : تسذابه زمان كان يوصل فخذتس الحين يوصل خصرتس
رغد : صراحه كان مره يضايقني فقصيته وشعري حاليا ما يعتبر قصير بالعكس من تحت كتفك شوي الين تحت يعتبر طويل اما من فوق كتفك يعتبر قصير
الهنوف بزفير : اهم شي ما تهورتي وقصيته كثير
رغد : ترا ريم قاصه بوي
الهنوف : ليه حرام
رغد : هي قصته بالغلط
الهنوف : كيف
رغد : قالت لنا انها كانت تبي تجرب تقص شعرها من تحت بالمكينه وبالغلط زلقت وحلقت نص شعرها
الهنوف : فلم هندي
رغد : المهم هي زعلت وحنا واسيناها وقصيت شعري بوي معها عشان ما تزعل
الهنوف بصدمه : ياعهور ما تتوبين انتي؟
تتشبهين بالرجال والرسول صلى الله عليه وسلم قال { لعن الله المتشبهين من النساء بالرجال و من الرجال بالنساء }
رغد : ترا الي حلقت شعري هي ليان مو انا وانا عاد استغليت الفرصه
'
عند العيال
دخل عليهم سعد وهو للحين باله مع الي كانت عند المدخل ونسى العامل
عبد القادر : هاه
سعد بعد ما تذكر انه نسى العامل : ما جا
فراج : اخو جوري للحين ماجا؟
سعد : عاد الله اعلم
دخل فهد
فهد : السلام عليكم
العيال : عليكم السلام
فهد : علامكم اصواتكم اسمعها هناك؟
فراج : بس كنا نبي عامل بس ما جا للحين وانا وين كنت
فهد : ابد كنت عند العيال وسويت لهم رصيص ورجعت
كمل فهد : وترا في عامل عانوه عند المسبح يزينه
عبد القادر : لا والله جا بدون ما يقولنا و يصلح المسبح بدون علمنا
مشاري : تحديث جديد
فهد : تعالو عند الرجال ابو هادي بيجي
حسين : من ذا بعد؟
فهد : هاذا خوي ابوي سلمان ما تذكرونه؟
فارس : الي ولده اسمه هادي؟
فهد : اي الله يرحمه
العيال : آمين
ابراهيم : كيف مات؟
مسلط : صار عليه حادث ومات الله يرحمه
حمزه : والحين ابو هادي عنده عيال ولا بس هادي
فهد : لا بس عنده ليان صديقه رغد
مسلط : وهي جت مع رغد هنا
حمزه : رغد مشاء الله واجهت كل اعمامي و خوالي عشان عبايتها ونقابها انشهد انها بنت رجال صدز
عبدالله : لكان بتنزله بعد بكره
فهد : علي الحرام انها ما تنزله الا بطيبتها غيركم ما راح يمنعها انها تحافظ على حجابها
مسلط ووهو يشرب الشاهي : حتى ليان مو عشان ما عندها اخ سند لها تنزله لا والله ما نخلي اختنا
فارس : كيف اختك؟
مسلط : ام هادي رضعت رغد وصارت ليان اخت رغد بالرضاعه وهي اختنا بعد
عامر : احس علاقة رغد وليان قويه مشاء الله
فهد : من اول ما انولدو وهم مع بعض يعني 20 سنه مع بعض ومعليش اهرجو بكل شي الا خواتي
تركي : مشاء الله انا خابر واحد للحين يذلني على قلم رصاص مكسور
مؤيد : انا عايز انام ماتخلونيش اصحى كل ثانيه بسبب ازعاجهم
احمد : بيحكي مصري احسن من المصري نفسه
معيض : ما في احد هادي غير امير ومشاري وحسين واحمد ووفهيد
مشاري : حنا مو هادين الا انتم من ازعاجكم معاد صرت اتكلم زين
حسين : صح
فهيد : عايلتكم يا مشاري هاديه كلكم ساكتين
مشاري : الا عفوف ما تسكت
حسين : مغير تهرج ما تنطم الا اذا سدينا فمها بشطرطون ( لصقه )
فهيد : حتى الهنوف الله لايوريكم سوالفها و طلباتها الي ما تخلص
سعد : انشهد
فهد : رغد بس صياح و ازعاج ما تسكت الا بحليب فراوله ولا اسكريم فراوله
مسلط بضحكه : هي والفراوله قصه عشق
حمزه : حليب فراوله مره وحده
مسلط : مع بطاطس ليز ملح
تركي : الله يعينكم على المغص
فهد : بس بصراحه رغد لو كانت تقرا كتاب ما تشوفون اهدا منها كأنها صنم لا حركه ولا كلام
مؤيد : هل تقبل رغد الزواج بي
فهد : فأحلامك انا ماخليت محمد و باسل عشان اخليك انت
مؤيد: مالت عليكم
فهد : مشينا بس الرجال ينتظرونا
العيال : طيب
أنت تقرأ
" كيف ما احبك وانتي كل ما تشوفه عيوني "
Short Storyالسلام عليكم انا الكاتبه رعد آل فيصل شخصياً وهذا حسابي انستا : Xilm1_3i جيتكم بأول روايه لي " كيف ما احبك وانتي كل ما تشوفه عيوني " للبطلين سعد & رغد واتمنى تنال اعجابكم والروايه موجوده في حسابي الانستا اذا ودكم تقرأونه هناك وعالعموم ما...
