ونوره : تحب الكيبوب مثل لين و امها و ابوها منفصلين وتعيش عند امها وما عندها اخوات او اخوان
ويارا البزره فينا بس تضحك وتفضحنا كلبه بس نحبها
رغد : وبس
مشاعل : يعمري نوره كسرت خاطري
ليان : هي اكثر وحده نهتم فيها كأنها اختنا
رغد : وهي منجد اختنا
حصه : قولي لنا مواقف لكم
رغد وهي تنسدح على رجل الهنوف : ليان قولي بنام
ليان بضحكه : اتذكر مره المديره قفطتنا انا و البنات فوق السطح حق المدرسه نقطع بصل و ومشغلين الدافور نسوي كبسه
الهنوف بصدمه : اوف اوف كيف جبتوهم!
ليان : لا تخيلو بعد المديره قطت معنا وقامت تحرك البصل الي في القدر و تقطع طماط هههههههههههههه
نوال : شذي المديره البطله
ميرال : حنى لو نجيب مويه ناخذ تعهد على طول بدون تفاهم
عفاف : كملي كملي
ليان : وبعد ما سوينا الكبسه اخذتها لغرفه المعلمات وقامو ياكلونها وانا ويارا وتالين عند الباب نتحسف عليها من كثر ما تفقعت عيوننا من البصل بس جت رغد ومعها صنيه ثانيه فيها رز وقالت انها طلبتها لنا اما الي مع المعلمات كثرت فيها ملح لأنها تعرف ان المديره يمين يسار بتاخذها يعني بتاخذها
رغد بنعاس : كريمه مشاء الله علي
الهنوف وهي تحط يدها على راس رغد : نامي نامي الله يصلحتس
رغد وهي تغمض عيونها : ما طلبتي شي
نمات رغد و كملو البنات سوالف
عند العيال
وقفو العيال عند باب الطوارئ في المستشفى ينتظرون نايف يطلع
شافوهم امير ومعيض من بعيد : هي علامكم
عبدالله : نايف حذفته حصاه و اغمى عليه
معيض : لاحول
حمزه بنظرات لأمير : وشفيك تبكي؟
امير بتوتر : استغفر الله وليه ابكي؟
كتم معيض ضحكته وربت على كتف امير : ذا الذيب ييكي تعقب وتخسي
عبدالقادر : وانتو وش طلع لكم؟
معيض : الدكتور ما قال شي غير انه صداع بسبب قله النوم وبس
فراج : الحمدالله باقي بس نايف يطلع بخير
العيال : آمين
عند نايف في المستشفى
الدكتور : وش صار لك؟
نايف : والله مدري كنت امشي مع العيال والا والقا حصا تصحك راسي
الدكتور : الضربه قويه
نايف : كيف؟
الدكتور : على حسب ان الحصاه حاده او كبيره
نايف : الحصاه كبيره
الدكتور : تبي اسوي عمليه عشان اطلع فتاته الحصاه؟
نايف : سو الي تبي بس ابي اطلع للعيال الحين
الدكتور : خلاص تعال الاسبوع الجاي
نايف : طيب
لف الدكتور شاش على راس نايف وطلع
مؤيد لنايف : ها بشر؟
نايف بتصريفه : بسيطه معليكم
العيال : الحمدالله
نايف : الباقيه وينهم؟
فارس : ما جو
نايف : اجل مشينا قبل ما يكشفونا الشيبان
'
راحو العيال كلهم بس انقسمو قسمين مجموعه في سياره امير و ومجموعه في سياره مؤيد
سياره امير
امير الي يسوق و جنبه معيض وورا معيض عبد القادر وجنبه فراج
سياره مؤيد
مؤيد الي يسوق و جنبه نايف
وورا مؤيد حمزه وجنبه عبدالله
راح مؤيد للمزرعه الا امير راح البقاله يجيب حلويات عشان عمته ديم ما تكشفهم
معيض : ليه البقاله؟
امير : امك داقه علي تقول وينك وانا قلت رايحين نجيب حلويات
عبدالقادر : انا بنزل اشتري
حمزه : صادق جوعانين
فراج : انزلو اشترو بسرعه
عبد القادر : انزل معنا
فراج : لا بس
عبد القادر وهو يسحب فراج: يا ورع خل الثقل عنك وامش تراني اعرفك تحب عصير سانتوب
ضحك حمزه : سانتوب مره وحده يا الظالم!!
معيض : ييوههه كنت اكرهه عشانه يجيبلي حرقان ف الحلق
فراج : عشان طقطقتكم ماراح انزل
حمزه : يابن الحلال انا للحين احب كيكه نحول خلك بس
عبد القادر : ترا حمزه بعد يحب سناكولا لا تتحسس عشان قلنا سانتوب
فراج بتهكم : لكن انتم جرحتم مشاعري
امير : متأكد ان عندكم كل شي الا المشاعر
فراج وهو ينزل : حسبي الله فيكم من اقارب
حمزه : هيا بنا لعالم الحلويات
امير : هيا بنا للدكان
دخلو البقاله و تفرقو يشترون
عند معيض احط حليب فراوله وابتسم ابتسامه واسعه وهو يضحك
امير لمعيض : اوف اوف ذا كله لمن؟
معيض : لي انا لمن يعني؟
حمزه : ما عرفناك تحب حليب فراوله
معيض : شريته لجوري
عبد القادر : احم احم اختي يا الاخ
معيض : ترا توها صغيره 6 سنوات وش جوكم؟
فراج : اغار على اختي معليش
معيض : الله يعينها عليكم بس
حمزه : كملو كملو حبيت
معيض : حبوك الجن و العفاريت
امير : مشينا نحاسب
معيض : طيب
حطو اغراضهم تحت صدمه العامل
العامل : الحساب 741
فراج : وي وي ايش هادا ما هادا يا اخي المسلم
حمزه : وانت تلومه شرينا البقاله كامله
معيض : اطلعو وانا بحاسب
امير : لا انا بحاسب
حمزه : لا انا الي بحاسب
معيض : والله ان لأحاسب
فراج : علي الطلاق اني بحاسب
حمزه : جعلها في عيالي اني بحاسب
عبد القادر : هي هي انت وياه متى متزوجين وعندكم عيال
حمزه : شدراني
عبد القادر وهو يحاسب : لا انت ولا هو انا
معيض : جعلك الي ماني قايل
امير : آمين
عند فهد في الاستراحه مع اشخاص جدد في الروايه
باسل : يا عيال ودي اتزوج
بدر بتهكم : عشان تسحب علينا
YOU ARE READING
" كيف ما احبك وانتي كل ما تشوفه عيوني "
Short Storyالسلام عليكم انا الكاتبه رعد آل فيصل شخصياً وهذا حسابي انستا : Xilm1_3i جيتكم بأول روايه لي " كيف ما احبك وانتي كل ما تشوفه عيوني " للبطلين سعد & رغد واتمنى تنال اعجابكم والروايه موجوده في حسابي الانستا اذا ودكم تقرأونه هناك وعالعموم ما...
