مشى امير بالسياره وهو طول الطريق يناظر معيض اذا تعب او للحين بخير الين وصلو للمستشفى
امير وهو يجيب الكرسي المتحرك : اجلس
معيض : والله لو اني حامل
امير : اجلس وفكني
جلس معيض عشان ما يعصب امير ويبتلش
دف امير معيض واخذه للأستقبال
امير : السلام عليكم
الاستقبال : عليكم السلام
ارخى نظره لنعيش وكمل
الاستقبال : اسمه وعمره و سبب مرضه؟
امير : اسمه معيض رابح آل فيصل عمره 24 سبب مرضه والله مدري شفته لا يسولف و لايتحرك بس منسدح ووجهه تعبان
الاستقبال : طيب تقدر تاخذه لعياده الدكتور عمار محمد في الدور الثاني الغرفه السادسه
مد الاستقبال مقياس حراره لأمير : وهاذا مقياس حراره اذا احتجت
امير : يعطيك العافيه ما قصرت
الاستقبال : هاذا الواجب
حط معيض مقياس الحراره تحت لسانه وقعد يناظر كم حرارته
امير : كم طلعت؟
معيض : 40.4
صفق امير معيض على راسه ونطق : شفت حرارتك وصلت الاربعين وانت معوق
سكت معيض ولا قال اي كلمه غير انه تنهد
سحب امير معيض لعياده الدكتور ومنقهر من حركه معيض
معيض : شوي شوي يا الاخ كسرت ضهري
امير : طيب بس علمني وش فيك
معيض : مافيني الا العافيه رجعني البيت
امير بصبر : يا معيض بالله لا ترفعلي ضغطي امش معي للدكتور
معيض : كان ما وديتني وتعبت نفسك
الدكتور : معيض آل فيصل
وقف امير : هنا
الدكتور : تفضلو معي
مسك امير كرسي معيض ووداه للدكتور
الممرضه : انت معيض؟
امير : لا هذا معيض انا مرافق
الممرضه : تفضل يا معيض
معيض لأمير : تدخل معي؟
امير : لا
ما ناقش معيض امير وقام من الكرسي وراح مع الممرضه للدكتور
رن جوال امير وطلعت المتصله ام معيض
فتح الخط
امير : هلا
ام معيض : انت وينك؟
امير : ليه وش بغيتي؟
ام معيض : العيال يقولون ان معيض معك وينه؟
امير بتصريفه : عند البقاله بنجيب لكم حلويات تسهرون عليها
ام معيض : الله يستر عليكم
امير : وياك
قفل امير الخط وحمد ربه انها ما كشفته
شوي وطلع معيض لأمير ويده فيها مغذي
امير : مشاء الله هاذا الي مافيه الا العافيه
معيض : اي مافيني شي
امير : ياليل اعترف انك تعبان وبس مو لازم تثقل
معيض : مو غصب دامك تدري خلاص
'
امير : خلاص مشينا العيال من ساعه يدقون علي
معيض : طيب
طلعو من المستشفى و ركبو السياره
امير وهو يناظر معيض : ها وش قالو لك؟
معيض : ما قالو شي
امير : وليه حطو مغذي؟
معيض ببرود : سوء تغذيه
امير : سوء تغذيه؟!
معيض : اي
امير : بروح للدكتور اشوف وش علتك
معيض : بصرك ( بكيفك )
نزل امير من السياره وراح على طول للدكتور
امير : السلام عليكم وين الدكتور عمار محمد؟
الممرضه : هنا تفضل
امير : انت الدكتور عمار؟
عمار : اي تفضل وش بغيت
امير : ابي اسألك عن حاله المريض الي قبل شوي جاك معيض رابح آل فيصل
الدكتور وهو يمسح نظارته : صراحه معيض نفسيته تعبانه مره ويحتاج يراجع عند دكتور نفسي و انا عرضت عليه بس هو رفض و اذا تسأل عن حالته الجسديه هو عنده سوء تغذيه و مشاكل بسيطه في القلب وهذا شي جدا شائع هاذي الايام وما يعني انه مريض قلب
امير : يعطيك العافية ماقصرت
الدكتور : الواجب وانا اخوك
طلع امير من المستشفى وراح سيده للسياره
وشاف معيض يعاين في الجوال
امير وهو يدخل السياره : خبل انت؟؟!
معيض : وش فيك ياورع ترا بس سوء تغذيه ومشاكل بسيطه في القلب؟
امير بصراخ : تخيل لو خالتي شافتك بذي الحاله وش تتوقع بتسوي؟؟!
معيض بدا يعصب شوي : هي متعوده ما يحتاج
امير : متعوده على وش؟! على غبائك!!
عصب معيض وصارخ على امير : انا مريض قلب
امير بصدمه : ها؟
وكمل بخوف وتوتر : انت مريض قلب؟
معيض : انا مريض قلب فيها شي؟؟!!!
YOU ARE READING
" كيف ما احبك وانتي كل ما تشوفه عيوني "
Short Storyالسلام عليكم انا الكاتبه رعد آل فيصل شخصياً وهذا حسابي انستا : Xilm1_3i جيتكم بأول روايه لي " كيف ما احبك وانتي كل ما تشوفه عيوني " للبطلين سعد & رغد واتمنى تنال اعجابكم والروايه موجوده في حسابي الانستا اذا ودكم تقرأونه هناك وعالعموم ما...
