ساره : يعني الحين اخر مره شفناتس فيها قبل 8 او 9 سنوات؟
رغد : لا قبل 8 سنوات يوم كنا صف رابع
ميرال بصدمه : مشاء الله مع بعض من متى؟
رغد : من اول ما انولدنا هي تعتبر اختي من الرضاعه لأن امي رضعتها
مشاعل : الله يدومكم مع بعض
ليان : آمين
رغد : الحين انا يوم جيت اسلم عليكم مالقيت كل اعمامي وخوالي ليه؟
عفاف : ام معيض ما جت بس معيض جا و موضي ما تبي و ام عبد القادر كانت هنا يوم جيتي بس راحت اما الباقي مدري
رغد : كل الغثيثين راحو الحمدلله
ليان : صدقتي
حصه : ليه؟
رغد : ام معيض الكلبه معطيه معيض سنابي و رقمي وام عبد القادر كل ما شفتها تقعد تصيح علي عاد موضي كلكم تعرفون ليه
نوال : يقهرون
رغد : لحظه وين الهنوف و ساره؟؟
ساره من بعيد : هييي بنات لقيت انا و الهنوف مكان حلو احسن من ذا
رغد وهي تسفط ( تطوي ) الزوليه : قدام
شالت ميرال الزوليه مع رغد وراحو لالهنوف فوق ضلع
عفاف : مالقيتو الا ذا المكان؟
الهنوف : شفيتس والله حلو احلا من جلستكم هناك
حصه : ما علينا اجلسو بس
رغد : والله طفش ابي دومي وينها؟
ساره : عند الجلسه الخارجيه الي بين الرجال و الحريم
رغد : من تروح معي نناديها
مشاعل : مشينا يالله
رغد : امسكي يدي اقوم
مسكت مشاعل يد رغد وقومتها وراحو
رغد : صارت تطورات كثيره وانا مو موجوده
مشاعل : وش تطورات؟
اشرت رغد يدها للمزرعه : نروح لها ابي اشوف نبتتي الي زرعتها
مشاعل : يله
رغد وهي تركض : اول من يوصل هو الفايز
ركضت رغد بس سبقتها مشاعل بشوي فوقفت وربطت فستانها و مسكت كعبها بيدها و سبقت مشاعل
رغد : هدو هدو هدو ارجع ورا ارجع
قعدت تتنفس مشاعل بسرعه وهي تضحك : كأنتس بزر وش هدو هدو
رغد : تعلمتها من اخو صديقتي بيسو
مشاعل : بيسو؟
رغد : اسمها بيسان بس نلقبها بيسو او بيسون
مشاعل : واخوها
رغد : عندها اخو واحد اسمه جمال صغير عمره الحين 12 سنه
'
مشاعل : بالله انتي كم عندتس صديقه؟
رغد : نوره ولين و تالين و ريم و بيسان وليان ويارا
مشاعل : سته؟
رغد : كنا سبعه وحده اسمها وسن معنا في الشله بس صارت حركاتها وصخه و كلامها كله وصخ فطلعناها
مشاعل : وليه ماعلمتوها ان الي تسويه خطا
رغد : والله لنا ثلاث سنوات نحاول نعلمها ان الي تسويه غلط بس لا حياه لمن تنادي
مشاعل : الله يهديها
رغد : آمين مشينا نشوف زرعتي وش صار فيها
مشاعل : مشينا
مشت مشاعل وقعدت تقول لرغد عن الي صار وقت غيابها
مشاعل وهي تأشر بيدها على شجره كبيره : هاذي هي زرعتس
انصدمت رغد من حجمها : يمه شيفها كبيره كذا اعرفها كانت صغيره؟!
مشاعل بغمزه : نيوفي كان يهتم فيها و يسقيها كل يوم من شوقه لتس
ناظرت رغد مشاعل بحده : من شوقه لي اجل ها
مشاعل وهي تمسك ضحكتها : اقولتس وش كان تبريره
رغد : وش
مشاعل بضحكه وهي تناظر الشجره : كان يقول انه يهتم فيها عشان جدي يقول له كذا وهي خرطي ( كذاب ) يم قلنا لجدي قال جدي انه ما قال له شي
رغد : عندي علتين الله يعلهم
مشاعل : آمين
رغد : مشينا نجيب دومي ونروح للبنات تأخرنا عليهم
مشاعل : طيب
رغد وهي تمشي للجلسه الي بين الرجال و الحريم : اخ ريحه بخور جدي
مشاعل وهي تلحق رغد : صدز ريحتها تجيب الذكريات
رغد : ايام كنت اروح الغنم مع جدتي والعب معهم
مشاعل : بس كنتي تخلينهم ينحاشون
رغد بأبتسامه : كنت اطردهم بالعسو حق خالتي ام نايف
مشاعل : وحنا نلحقهم نبي نرجعهم
رغد وهي تأشر بيدها لجلسه خارجيه : هاذي؟
مشاعل : اي مشينا
ركضت رغد للجلسه وبدت تلتفت يمين ويسار تدور ديمه : هاذي هي
ديمه اول ما شافت رغد : رغد!! ( ديمه مريضه متلازمه الداون )
رغد وهي تضمها : عيون رغد انتي
ديمه : اشتقت لك
رغد : وانا بعد يعمري
ديمه بعصبيه : ليه رحتي عني
رغد : عشان عندي اختبارات
ديمه : كبي الاختبارات وردي علي
رغد : اذا كبيتها راح يطلعوني من الجامعه
ديمه : خلاص سامحتس
رغد : تروحين معي للبنات
ديمه : اي بجي معتس
مشاعل : سحبتو علي
ديمه : انتي مو حلوه
مشاعل : ليه
ديمه : انتي دايم تروحين مع ساره
مشاعل : خلاص انا معاد احبتس
ديمه : عادي رغد عندي
مشاعل : اوريتس تسحبين علي وانا اوديتس البقاله كل يوم
ديمه : كذابه مؤيد الي يوديني بس انتي احيانا توديني
مشاعل : شفتي انا بعد اوديتس
ديمه : خلاص نايف الي يوديني كثير
مشاعل بغمزه لرغد : على طاري نايف وينه؟
انقرفت رغد و راحت بعيد شوي عنهم
اشرت ديمه على نفس الضلع الي كانو البنات جالسات فيه : شوي ويروحون للضلع هاذاك
VOCÊ ESTÁ LENDO
" كيف ما احبك وانتي كل ما تشوفه عيوني "
Contoالسلام عليكم انا الكاتبه رعد آل فيصل شخصياً وهذا حسابي انستا : Xilm1_3i جيتكم بأول روايه لي " كيف ما احبك وانتي كل ما تشوفه عيوني " للبطلين سعد & رغد واتمنى تنال اعجابكم والروايه موجوده في حسابي الانستا اذا ودكم تقرأونه هناك وعالعموم ما...
