(الجزء الرابع من البارت الاخير)
صداقة النمر،،،،،
بقلم... ♕BATOSA ♕
مشو ريعي غفل ياريت ماذيهم
كدام الشماته بست رجليهم
لااعرف عليمن لاعرفت الصوج
شنهي الغاثهم شنهي المبجيهم
ونوب التكتلك شادلها احزام
فرگتهم جبيره اشلون احاجيهم
مشو عني وجفوني حته ماكو وداع
لاحاجي بضهرهم لامأذيهم
نخيت الله ايردلي الراح مني ابعيد
حته اعرف شكله ومن رحت شتريد
ابشرك من عفتني الرمش بعدك شاب
وضهري صار قوس وباقي اتانيهم
ـــــــــــــــــــــــــــــــــــــــــــــــ•♡•••
ميار..
بقه ابوي بلمستشفى اسبوع يلله صحه
بس من يومها وصار ابوي عايش عله ابر الانسولين ولازم يوميه الصبح ابره وامي هم.. بسبب كلام نيمار وكشف اسوالف حوراء اتدهورت حالة ابوي ثاني يوم رجعها سالم لاهلهاا وبلش بمعاملة الطلاق وكرار ماهتم الاي شي لان جان كلشي يفهم وحته هوه يشوف هذا القرار صح. اما نيمار بقه عله حالته وبيوم الي طلع ابوي من المستشفى دز علي ايريد ايشوفه
نيمار..
سنه عبرت من حياتي ماذكر منهاا شي.
ليش ادور عليهم وليش ماكدر اتقبل خسارتهم
وليش من اكول راح يرجعون اكو صوت داخلي يكلي لااا ميرجعون ومن اكول راحوو اكو صوت بداخلي ايكلي مستحيل ايتركوك.. تضارب مشاعر وافكار.
سنه مااذكر منها شي وكان هاي السنه مو من حياتي لاكن بعدها صار عندي نوع من الغضب الي ماكدر اسيطر علي صرت اشوف الشفقه بعيون الناس.. واحس الناس اتباوعلي وكانو اني خبل.
لااا اني موخبل بس يمكن مصدوم احيانا الانسان يشوف الشي بعينه ومايصدكه اني هيج صار وياي شفت خسارتهم كدامي وماصدكت واشلون يردوني اصدك بسهوله يعني اني كل حياتي وياهم اجمل ايام عمري وياهم اتمنه لو مامسافرين لو زعلانين لو مريضين او مخطوفين اتمنيت اي شي ولاهاي الفركه الي تكسر الضهر هاي لفركه الي ماوراهاا رجعه
،، خدران كلبي من التعب ميت عدل مادري،،
، سلمولي علخان الوعد كلوله جرحك دافي
گلوله من يوم الرحت اليهسه ابد ماغافي،،،
حاولت اتناسه وتعايش ويه الواقع بس الغضب دمرني ولي يسلم عليه احسه يشفق ويتشمت بيه
اليوم رجعت للبيت دخلت المطبخ. لكيت اكدور اعلطباخ اخذت واحد فتحته لكيت بي دولمه اخذت الكدر وكعدت اكل ومثل اني مامهتم بس كلبي بركان وعله طول يفور.. دخلت ميار
ميار.. ابوي طلع اليوم وطلب يشوفك
نيمار. اخلص اكلي واروح
ميار.. تره كل احنه مامتغدين شنو راح تاكل الكدر كله
نيمار.. روحي اشتري من المطعم
ميار.. ليش ماانته تاكل بره
نيمار.. انجبي اولي من يمي
ميار.. راح اصيح الامي عليك
ماهتملي وكعد ياكل وهاي الطبيعه الجديده مايكوم اذا مايمسح الكدر مسح.. رحت صحت الامي. وكعدت يمه وصار تاكل وياه اتخاف علي وتاشرلي حته اني اكل
كعدنه اني وامي ناكل وياه وامي عزلت ماعون المنير وهوه يعر ف احنه انسوي هيج حته ماياذي معدته اكل الكدر وكام اكل ماعون منير وانجبرت اجهز غده مره ثانيه
