(87)
صداقة النمر،،،،
بقلم..🕊 BATOSA 🕊
يمه انتي العافيه وكل العزيزين
انه غيرج ابد ماعندي غالي
بكثر خوفج عليه من تحرصين
احبج ياطعم لذه حلالي
احير اشلون اجازي ام گلب الحنين
كبرت وماتبطل من دلالي
حزينه ومن تلاكينه تضحكين
طيبه وحيل تعبنها اليالي
يمه البيت يتعب من تتعبين
ومن تبجين دمعاتج تلالي
من شفتج تغطينه وتبردين
گلب لام عرفته شكد مثالي
ابكلشي وانتي من حصتج توزعين
شليلج عافيه ومايوم خالي
يجنة الله شعجب علگاع تمشين
فدوه الرجلج اني وكل جهالي
•🌺🕊•🌺🕊•🌺🕊•🌺🕊•🌺🕊•🕊••♡
تبارك
اجه علاوي بليل وجايب عشه وياه
كعدنه نتعشا وامبين علي كلش مرتاح وفرحان
ماسالته عله شي.. بس بقيت اباوعله
وهوه كل اشويه ايوكلني ويضحك
علاوي.. شبيج اليوم بس اتباوعين عليه
تبارك. اليوم انته صاير كلش حلووو
علاوي.. وكل يوووم
تبارك.. ههه حته كل يوم حلوو ، بس اليوم احله
علاوي.. اممم ، شنو قصدج
تبارك.. شنوو،،؟ ماقصد شي
علاوي..
سحبتها وكعدتها بحضني
من اتگولين اني حلوو يعني معناها اتريدين شي
.. حومرت اخدودها.. وبتسمت
تبارك.. خليت اصابعي عله لحيته.
و اذا اريد شي، مثلا،، راح تنطيني
علاوي..
اي شي اطلبي راح انطيج ..
بس ابشرط مايأذي حسوون...
تبارك.. ههههههه
علاوي..
ضحكت بصوت يخبل..
لان هيه مو دائما تضحك اكثر شي بس تبتسم لاكن اليوم ضحكتها اخذت كلبي..
.. بهيده وياي ولج انه مو حمل هلصوت الحلوو وهلضحكه.
تبارك..
ليش صاير من ابوسه
يموع علشفه ويذوب
صرت مدمن عله شفافه
وبعد ما اگدر اتوب😶🌫️
علاوي.. افيششش
تبارك.. هههه شبيك اليوم
علاوي.. مابيه.. تعالي خلينه اناام
تبارك..
التفتت الاكل بعده بلكاع. اريد اشيله بس ماقبل..
راسا مدد وشبكني بحضنه
بقه يسولف ويتغزل ،، ومرات يتحرش
الى ان صارت ب 11ونص يلله نام. واني كمت نضفت المكان ورجعت.. شفت جهازه يرن
اتصال من البيت
كعدته .. اخذه من ايدي ورد..
لوو
شنوووو
شبيهااااا
جاااي جاااي
تبارك..
كام يلبس ابملابسه وهوه يرجف ويدور عله محفضته
وجهازه.. شلتهم ونطيتهم اله
خيرر علاوي اشصايرر
علاوي..
امي، امي، ولج امي.. متخربطه
تركت تبارك وطلعت ركض للشارع اجرت تكسي ورحت للبيت.. واني بس الله يعلم بحالي.. ماكو ايه ولادعاء ماقريته
فدوه ربي كلشي ولاامي.. لاتحرمني من شوفتها ولامن بركتها.. لاتيتمني منهااا ، يااالله...
نزلت اكبال البيت ودفعت الباب بقوه وفتت ركض
