(41)
صداقة النمر،،،
بقلم... 🥀ВΆŢΌŞΆ 🥀
يعافيتي
الجمال البيج يحتار الورد منه
وذا طاريج مره انجاب ماينگال يتغنه
سألتج ليش تبتسمين واني ادري الخجل فطره
وعرفت الببج ولمابيج من جان الحجي بنظره
جمالج مو سوالف طين..
بس فهميني اريد ارتاح انتي ابنيه لو شذره
*!*!*!*!*!*!*!*!*!*!*!*!*!*!*!*!*!*
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
محمد....
مينا ابد ماهتمت اليوسف وحته متباوع علي
امي الي اترضعه ممه وتسبحه وحته بليل من يبجي
اني اكعداله لو امي وهيه اتخلي المخده عله راسها وتنام
اتضوج من الصوت
حاولت اركز عليها وهتم بيها حته ماتغار من يوسف
بس هيه حته اني مزاعلتني
محمد... شلونج حبيبي
مينا... لاتسالني معليك بيه عليك بس بابنك
محمد... واني ليش احب ابني غير لان قطعه منج ومن روحج.. اي شي منج اني احبه
ابتسمت
مينا... كول ولله
محمد.. ولله وداعت اعيونج
ابقه اسولف وياها حته ماكدر اشوف يوسف لان اذا اسولف وياها ولتفت تزعل
واني اريدها تتقبل ابنا وتحبه ماريدها تبقه اتغار منه
لان هيج الطفل راح يتاذه
يومين وياها بس بليل اشوف يوسف وشيله
شكد حلوو اتمنه انيمه بحضني بليل ابقه ابوس بي
وشمشم بي براحتي لان مينا نايمه
بليوم الثالث.. رجعت من الدواام
لكيتها كاعده علجربايه وهوه يمها بلا ملابس
لابس بس حفوضه.. امبين هستوه ماخذ حمام
شفت مينا اتخلي اصبعها بين ادي وهوه يلزمها
جان اكو شبح ابتسامه عله وجها
بقيت واكف اباوع عليها.. شويه وهيه لزمت ايده
بعدين دنگت وباستها. وهوه ايطلع اصوات اينوص
شفتها ابتسمتله كيفت بلكت الله يهديها علي
مو مره شلعت كلبي.. اتقربت عليهم حضنتها وبستها
مينا..هله الله يساعدك حبيبي
محمد.. ويساعدج ياعمري اشلونج اليوم
مينا... الحمد لله
محمد... باوعتلها شكد حلوه وشكد اني احبها
لو ماهذا دلعها الماصخ حته ماكدر ابوس يوسف من وراها.
مينا... شبيك صافن بيه
محمد... كلش حلوه انتي.. وهسه صرت احبج اكثر
وكل يوم حبي الج يكبر وتحلين ابعيني
مينا... اي شو ماسلمت عله ابنك المكطع روحك علي
محمد.. قصدج ابنا.. بس اعذرني بابا شفت امك ونسيتك
اجذب عليها واني بلصدگ كلبي طاك علي بس اريد ابوسه وشمه
بستها بشفتها ورجعت بست يوسف
مددنا وخلينا بنصنا
