(64)
صداقة النمر،،،
بقلم...🍁 ВΆŢΌŞΆ 🍁
امد طولي اعله ضلك وارد اشبگنك
حلات البيك تاخذني الطواري الشوگ
بعيوني الگمر ونته الگمر جنك
اخذني وياك مومنك
اخاف الغيم يندلني ويسوالف للعطش عنك
اخذني اعيون الحديثات
غضن شوفهن وبروحي شافنك
الشرايع سولفني وكشخن بشرعي
وشمع كل ليله من ينجاس
يلتاف بستر شمعي
بجيت وفوگ خد الگاع لگيت اجفوفك السمره
يلمن عافيه بدمعي
شكثر بيك العشگ ومرايتك تربي العشگنه افياي
شيلم روحي من اشوفك ماتطيح اوياي
الضمه شمكبر غلاته ايصير لو مااشوفك انته الماي
اخذ عمري الك بيه سواجي اهواي
اخذ عمري ويه كل ميلاد حته اكبر وروح وياك
وسد بيبان كل غبشه نساها اليل
اذا عابيتني ابملگاك
*؟*؟*؟*؟*؟*؟*؟*؟*؟*؟*؟*؟*؟*؟*؟
ميار..
اخذت الجهاز اريد اخذه اله شفت رساله
؟؟؟؟..« منتظرتك»..
صفنت اشويه فتحت الجهاز.
نيمار....«شوكت عندج مجال»
؟؟؟؟...« ولله مادري اشوف جدول باجر وخابرك»
نيمار... منتظر ردج
؟؟؟...«موعدنه باجر انشالله»
؟؟؟؟؟...«منتظرتك»
ميار...
شفت كلمة منتظرتك لوگبت اخبالتي
وهجمت علي مثل الخبله
نيماارررر هاي منو المنتظرتك
نيمار... منو
ميار... هايي شنو مو عدكم باجر.
اليوم عندك موعد يعني ...عود شنووو موعد...
بس اتروح ولله أموت روحي
نيمار... ههههه موتيها انتي الخسرانه
ميار... نيمار تحجي لو لاااا
نيمار... صوتج نصي لاااكص السانج
ميار... 😭😭😭منو هاي عليك الله كول منو
نيمار... زبونه
ميار... شتريد من يمك
نيمار.. تشتري جهاز يعني شتريد
ميار.. كول ولله
نيمار.. ماكول...
. يلله مجيد امشي خل نطلع
مجيد.. اني متفاجئ شنو هاي..ذول كل عقلهم هيج البارحه بليل جنهم جهال ايركضون
هيه منگعته بلمي وشارده.
وليوم متخبله من وره رساله...ونيمار شايل خشمه ويخبث عليها شبيهم ذول كل عقلهم يعني وميار تحجي وتبجي.بقيت صافن..ولاتوقعت الهل درجه زعاطيط .. كتله
جاوبها نيمارر ليش هيج مو يبست كلبها
نيمار.. شجاوبهااا زبونه زبونه ززبببوووونه اشلون اصيح بلجامع علمود ست ميار اتصدك
بعدين هيه ليش ماعدها ثقه بيه اله اعوفها تحرك بروحها
ميار.... انته متغيرعليه اكيد اكو وحده ثانيه بحياتك
وله شنو سبب هذا التغير ولبرود العندك اكيد اكو وحده وله شنو زعلان عليه صارلك يومين اكيد اكو وحده
نيمار.. قصدج ثالثه
انتي وامي وهيه هاي مجهولة الهويه
ميار.. شوفه مجيد شوفه.. عليك الله
مجيد.....هههههه لاااا اكيد اكو وحده
لاولله ذرت عقل ماعدكم احس روحي كاعد ويه جهال اروح للشغل احسن
