(43)
صداقة النمر،،
بقلم. 🥀ВΆŢΌŞΆ 🥀
معروف لو صب الدمع
ينشاف بس ماينسمع
ليش اني دمعي بغيبتك
فزز الناس الغافيه
وليش من اصيحك ماترد
مو تدري كاتلني البرد
واتلمس احلوگ البشر وين الحجايه الدافيه
خايب احساسي البي نقص لو روحك المتعافيه
*!*!*!*!*!*!*!*!*!**!*!***!*!!*
نيمار...
بس اني افوت وحدي انته متفوت وياي
حسن... تحجي صدك.. شنو سالفتك نيمارر
نيمار... اذا تقبل افوت اذا ماتقبل منا ورجع
حسن... يلله ماشي... اكيد اقبل
اخوي انته. ادريك اتخاف عليها اكثر مني
نيمار.... يشهد الله عليه اهلك هم اهلي اخاف علهم مثلك اذا مو اكثر
حسن.. خليت ايدي عله جتفه وكتله... ادري
كاتلني الفضول اريد اعرف السالفه شنو
دخل نيمارر.. وبقه واكف ماكعد ومبين علي كلش متوتر
وكفت اباب الاستقبال وصحتها
حسن... زهراااااء زهرررراء
زهراء... هاااا
حسن... تعالي... فوتي للستقبال
نيمار... دخلت واني واكف بلباب منصي عيني حته استحي اباوع عله حسن
زهراء... شلونك نيمارر
نيمار... هله خويه الحمدلله بخير
حسن... شويه واجي...
طلعت وسديت الباب..
واني الاسئله تقره عندي الالف
اني صح اثق بنيماار واعرفه.. بس صعبه عليه اتركهم وحدهم
لانسان مهما يكون تبقه الغيره غيره
بس اريد اعرف شنو سر نيماار وزهراء
لو مااعرف اخلاق نيمارر جان شكيت بينهم علاقه وشي
بس شدخل سمر بلموضوع.. الف سؤال وسؤال
وتفصلني عن معرفة الحقيقه دقايق
نيمار.... اني واكف وهيه واكفه... كتلها..... اذا اتريدين اگعدي..... گعدت.. واني مدنگ ماباوع عليها
نيمار.... بلا زحمه عليج ممكن اتحجيلي شنوو مشكلتج ويه سمر
زهراء... هاااا
نيمار... اعرف كلشي بس اريد اسمع منج
زهراء... شتعرف شنو قصدك مافهمت
نيمار... احجي شنو سبب المشاكل بينج وبين سمررر
زهراء.. عادي مثل كل بيت بي مشاكل
نيمار.. لاااا...
لان سمر مستحيل اسوي مشاكل. واني اعرف هذا كلش زين.... بس انتي شنوو فلمج
زهراء..بما انو انته تعرف كلشي ماكو داعي اسولفلك
نيمار... اي اعرف كلشي... بس اريد اسمع منج
زهراء... يعني تعرف مشاعري اتجاهك
نيمار... رفعت عيني الها.. ونتي اتعرفين مشاعري اتجاهج
زهراء... لاااا
نيمار.... ماشي.. راح اكلج شنو مشاعري اتجاهج
انتي اختي واختي واختي وغير اختي متصيرين
واذا اتريدين اتملكين اكثر من مكانة الاخت راح اصيرلج عدووو
زهراء... بس اني احبك.. وموو اختك
ونته تعرف هذا كلش زين. وكل مره اشوفك بيها اتمنه اتشوف حبك بعيني وتفهم اني احبك و مووووواختك
