(9)
بقلم... 🌹BATOSA🌹
عاشگ وادري زين
العشگ مال ارجال
المو رجال هذا امه التزفنه
يزفوها اعله غيري ابالهم
هيهات الخصرها اجفوف
غير اجفوفي تدنه
لستشهد عليها وولواجيب اشهود
بحضنها الريه شمت ريحة الجنه
.......
نيمار...🙂 صباح الخير ابو سالم
ابوي.. صباح النور اوليدي.. همست
نيمار... شبيهن اعيونك يابه
ابوي... مابيهن شي.
يلله گوم حته انصلي
وحسين كذالك صبح عليهم وسأل امي اليش اعيونها تلمع وبيهن ادموع
نفس جواب ابوي.. باسها براسها وگام
گمنه صلينه بغرفتنه وكملنه نومتنه
... مر اسبوع حجزنه قاعه نحتفل بعقد قران حسين وصرفنه مبلغ كلش جبير عله الحفله . بوفيه مفتوح وعزمنه اصدقاء حسين الجنود الوياه بلجيش
واركان وخوه والرتب اصدقاء اركان هم اجو. وعنده أصدقاء بلمنطفه بس قليل تقريبا 5 وصداقه سطحيه
وصدقائنه اني ومجيد وحسن ومحمد وصارت حفله جبيره ول2 يلله رجعنه تونسنه صدك. وحسين صور الحفله ودز المقطع الصفاء
رجعنه كبل للفراش وللمغرب يلله كعدتنه امي كوه كمنه سبحنه وصلينه ورجعنه نمنه. كعدنه وي صلاه الفجر اني وحسين صلينه
وبقه حسين يخطط الزواجه وحسب فلوسه بس كلشي ماكدر يسوي اله يلكه بيت بلاول
انتها هذا الاسبوع عله خير وبلشنه اسبوع ثاني
رجعنه دوام اني ومجيد سنه ثالثه
ومحمد وحسن رابعه
مر اسبوع دووام مجيد فتح موضوع الخطوبه وي سحر
مجيد...🙂.صباح الخير..
سحر..🙂.صباح النورر هلو مجيد
مجيد.... هله ولله... شلونج اليوم
سحر... الحمد لله تمام.. انته اشلونك
مجيد...😉 الحمدلله بخير مادام رجعت اصبح بهاي العيون الحلوه
سحر... هههه ولاتبطل سوالفك
مجيد....😁 ياابطل گولي اريد أكثر بعد
سحر....😁 اي يابه كثرقابل احنه شخسرانين
مجيد... سحر خل نكعد اهنا.عندي موضوع اريد اسولف وياج
سحر.... عندي محاضره.مهمه. بعدين انسولف اذا مو شغله ضروريه
مجيد..... بلنسبه الي ضروريه... اما بلنسبه الج مادري
سحر... قصدك السالفه تخصنه اثنينه...
مجيد...اي
سحر... ماشي يلله خل نگعد
مجيد.. گعدنه... وخذت نفس. سحر. اكيد تعرفين مشاعري اتجاهج... مايحتاج اوضح وشرح
سحر....🙂 شنو يعني هذا اعترف مبطن
مجيد.... 😐تعرفين لو لا
سحر.... اي اعرف
مجيد.... ونتي شنو؟؟؟
سحر... شنو اني🙂🙂
مجيد.... لاتشلعين گلبي سحر🙁.. انتي تفتهمين السؤال لادورين لوفات عاد
سحر.... مجيدانته ماتكدر تحجي. اتريد اني احجي گبل😕
مجيد.... لان انتي تعرفين مشاعري اتجاهج مايحتاج احجي واوضح بس اني ماعرف مشاعرج... ويابه هم راح اعترف بصوره واضحه وكلج (سحر اني احبج وحبيتج من اول يوم شفتج بلجامعه ودخلتي گلبي وريد اعرف ردج ممكن)
سحر... شوف مجيد. مانكر انته تعجبني.. وحس اتجاهك بمشاعرحلوه. بس مااعرف اذا هذا حب . لولا
مجيد... شنو قصدج اكو واحد مايعرف مشاعره
سحر.... اي. اني
مجيد.... تردين ادگليلي بهاي العطله كلها ماشتاقيتيلي ماخطرت ابالج.. ماتذكرتي مواقفنه. سوالفنه گعداتنه
سحر.... اكيد اشتاقيتلك وتذكرتك.. لان انته اقرب واحد الي ولان ماعندي أصدقاء غيرك. وانته اول صديق بحياتي.. اكيد اشتاقلك واتذكر سوالفك.. بس مااعرف اميز اذا هذا حب او مجرد زماله
مجيد.... يعني لان ماعندج أصدقاء غيري.. اتذكرتيني
سحر...اي...يمكن
مجيد... كلامج ياسحر ايكول انتي متحبيني وتعتبريني زميل فقط.. بس اعيونج ولهفتج اول مارجعنه دوام يحجن اشتياق وحب
سحر.... صاير تقره العيون.استاذ مجيد ههههه
مجيد... سحرخلينه نخطب... ونعيش فتره خطوبه عله مانتعرف.واحد علثاني .. وذا حبيتيني انكمل طريقنه وذا.. لا.. نفسخ.. وكان الله يحب المحسنين
صفنت
سحر.... 🙁مجيد انتت تحجي صدگ... شنو نخطب شنو نفسخ
ولخطوبه شتغير بلموضوع يعني
مجيد... بلخطوبه راح اكدر اتصل بيج ونحجي براحتنه ويصير عدنه وقت نتعرف اكثر.. مو هسه بس بلدوام نتشاوف.. ونتحاجه بس بلستراحه مال محاضرات..حته مااعرف احجي وياج مثل العالم ولناس
بعدين اذا خطبنه اكدر اخذج ونطلع.. وتتعرفين عله طبيعتي واعرف طبيعتج
وافقي عله طلبي وخلينه انجرب ماراح تخسرين شي اذا ماحبيتيني نفسخ وعد. هااا شگلتي
سحر... 🙄خليني افكر
مجيد.... اووووو شكد مكروهه
يلله فكري منا للسترحه الجايه اخذ خبر
سحر... هههه لا ولله باجر لو عكبه... ويمكن اسبوع
مجيد.... 😏بطلت لغيت الاقتراح امشي ولي يلله عابتلج
سحر...😅. همزين سالفتك ماطولت و راح الحك علمحاضره
نيمار.....
اجاني مجيد ضايج
نيمار... خير شبيك
مجيد...🙄 انته ششوف سحر تحبني لولا
نيمار.... ليش.. قابل اني الحاجي وياها انته المفروض تعرف من كلامها وياك..
مجيد.. ولله حيرتني.. اعيونها تحجي شكل ولسانها يحجي غير شكل
نيمار... اذا اتريد اني احجي وياها.. ولو هيه ماطايقتني
ولا حته تباوع ابوجهي. بس احاول الخاطرك
مجيد.... لا ماريدك تدخل.. لان اعرف اذا حاجيتها انته راح تقنعها بطريقتك.. بس اني اريدها تقنع من گلبها
وتحبني بدوون واسطه وشي
نيمار... ولله بعد بكيفك.. بس انته الهسه ماتعرف مشاعرها اتجاهك. يمته اتگلك احبك عوود. من يطلع الشيب ابراسك..
مجيد.... 😁وداعتك هيه الماتعرف اني اعرفها اكثر من نفسها.. مو اقصد طبيعتها.. بس اعرف بگلبها شي الي... لهفتها لمعه اعيونها كلها اتگلي الي مكان اهناك بذاك العميق
نيمار... هههههه ياعميق.. العشق يدوهن يخوي... يعمي حته اعيونك.. مو بس گلبك
مجيد... ولله مادري معقوله الهدرجه اعمه
نيمار.... كتلك راح تشلع گلبك وشوف هاي بدايتها.. واستلم الجاي...
مجيد.... اذا انته مفاولي... شلون تمشي عدل بعد
نيمار.... وداعتك هاي يرادلها طريقه مختلفه مو مثل طريقتك... واحد غيرك هسه سحولها... بس انته الضاهر فطير
مجيد...انته. تدري كلش زين اني بس اكشكل وقلد حجي جدي ماعرف احجي... واول مره اتعلق بابنيه شلون تريد اعرف احاجيها.. واني وياها حته ماعرف اشاقه.. احجي جدي ومو بس جدي جدي مخربط فوگاها
نيمار.... ههههه جدي وجدك عمي وعمك.ههههه صارت كلها اجداوه
مجيد.... هههههههه ماتشوفني جاي اجدي مشاعر
نيمار.... عندك تقشف بلمشاعر😅
مجيد... كلش الله وكيلك😂
نيمار.... خليها عله الله يمعود ولاتفكر زايد
مجيد..... هوه علي لعد عليمن بس كون ينطيني الصبر وينطيني منفذ اگدر ادخل بي الگلبها
نيمار.... ههههههه ولله حجيك وشكلك يضحك... مشي. خل نتريك بلكوفي احسن من سحرورتك.. ولله كرهتك من وراها
مجيد.... يلله امشي مو حته اني كرهت روحي
نيمار...
عبر هذا الشهر وماتغير شي
حسين... مالكه بيت وهوه بقه يتحرگن دز خبر الاهل صفاء يتزوج وبعدين يدور بيت
بس عمها ماقبل..
نيمار... اني الكاتلني عمها.. شعلي هوه.. غير القرار لاول ولاخير بيد ابوها شو عمها بكلشي حاشر روحه
حسين... غير عمها الجبير.. وابوها ازغر منه..مايكدر يكسر احجايه اخوو
نيمار...جبيريش يمعود غير الجبير المفروض هوه اليصلح ويدور خير
شو هذا بس ايريد ايخرب واياجلها.. وهذا ابوها امبين ماله كلمه.. بلعربي عربانه وين ميدفعه اخو يوكف
حسين... هاي بعد شنسوي مدگلي
نيمار... انته مدري بارد.. مدري جاي تمثل عليه
الشهر الجاي اني احجي وياه بس خل يخلص هذا الشهر علمود مايگول تراجعنه بكلمتنه... ولله يالله عود جبير ابمكان مايسوي عمل خير كاعد يلوص
حسين.... يمعود خليها عله الله
نيمار... شو جنك بردت مو جنت مگطع روحك عليها... لو هسه شبعت
حسين.... لاولله هسه وبعد مگطع روحي... بس ولله تعبت.. وحته صفاء تعبت.. يوميه تحرض امها حته تحجي وي ابوها.. بس هوه يگول بكيف اخوي ماكسر كلمته.. وذا علي الرجال راضي تتزوج ابغداد
نيمار... ولله ماعرفك جبان وممل.. ولله لواني احب وحده اله اخذها من حلگ سبع... مو حلك واحد باطل... وامشي بكيف هذا وذاك.
حسين...... ههههههه وين الله توگع ونشوفك
نيمار... شوكت تلتحق
حسين... بنهاية الشهر انشالله.. ويمكن راح يصير انذار وبعد ماننزل احتمال شهر شهرين
نيمار... اكول طولت اجازتك هلمره.... بلكت مجيد يخطب ونته هنا
حسين...😁 ليش...... لازم يريد اني اخطبله
نيمار... 😄لا هاي هيه.. تخطبله انته... علمود يطرونكم من الباب
حسين....😂. افه عليك.. غير اول ماطب اكلهم انه اخو النمر صگار المجالس ولمضايف
نيمار..... هههههههههه لعد اذا هيج ينطونك بلا مهر ولامشيه.. گبل يگلولك گبع وخذ
حسين...😏 اي مو انته شيخ المشايخ
نيمار... مو بعينك شنو. ولك😁
حسين... بخشمي.. وخر من يمي خل اخابر.. اصفيه
تره اشتاگيت الها
نيمار.... ضل اشبع سوالف... واحد غيرك هسه شابع بوووووس
حسين..... هههههههه اي ولله صدك... كلمن وحضه يخوي
نيمار... يلله اخذ راحتك وخابر الصفره.... راح اطلع رايد شي
حسين.... رايد ببسي
نيمار... اكو بلثلاجه.. البارحه شفت بطل
حسين.... شربته... جيب بطليين.. كبار
نيمار... 😁شسالفه تشرب لوتسبح
حسين..... جيب ونته ساكت
نيمار...😁. تدلل.. انته وصفريه
حسين... صفاء صفاء موصفريه خوب جدريه احسن
لاتقلد عله اسم مرتي
نيمار.... خاب دولي.. وين اكو ابنيه اسمها صفاء.. ولله اسميها الصفره.. اي شي يطلع بحلكي اسميها انته معليك
حسين... امشي ولي.. شكد ترطن
طلعت رحت المجيد.. لكيته گاعد بلباب يدخن..
معبس وصافن
احنه ماندخن بس مجيد ومحمد... وبس من يضوجون مو دائما.. افتريت من وراه وغمضت اعيونه
نيمار.... 😁گول اني منووو
مجيد.... اكيد انته سحر😂
نيمار... لا.. عرفتني حرامات😂
شبيك يول علكولت اركان
مجيد... گالت سبوع وردلك خبر..
والهسه راح يصيرلها شهر
نيمار... غير تدلع عليك
مجيد... شتدلع... گول اطيح حضي وذلني
نيمار.... اذا تضل تفكر هيج راح تخسرها نهائي
مجيد... بلله استاذ نيمار شلون اتريدني افكر
نيمار.... عيش مثل ماجنت ولاتفكر..
عيش وياها هاي لايام. مثل ايام الحب. لاتقيد روحك. وتونس ولاتبين الها انته تريد تملكها او تريدها...
اصرف كلش طبيعي.. خليها هيه التبادر وتعترف بحبك
مجيد... ههههه هه هه ههاي ضحكتني ولله بطران انته عوف هاي السالفه انته ماتفتهمني اصلا
نيمار.... مو ماافتهمك.. ماافتهمها هيه.. اني ماعرف طريقه كلامها وياك شلون.. حته اكلك اصرف هيج
مجيد... عوف السالفه تره كلش ضايج. منها
نيمار.... امشي انروح المكانه.. ونخابر محمد وحسن
مجيد... مالي خلك اريد ابقه بلبيت.. روح انته ولولد
نيمار.... لاتسويها كلش. عاد
مجيد... لاكلش ولاتبلش... عوفني نيمار الخاطر ربك
نيمار...😄 وداعتك بنهايه الشهر نخطبلك.. اخذها من هل شارب
مجيد.... ههههه ولله مرات كلامك ينطيني تفائل... واني ماريد انصدم
نيمار.... لا من ناحيه الصدمه راح تنصدم.. اذا مو اليوم باجر... تعرف رأيي بيها.. مامقتنع بيها نهائي.. بس الخاطرك اتنازل
مجيد... صدك ليش انته ماتحبها
نيمار.... صدگني.. سحر مو مثلنه.. ولاتعرف تعيش ويانه
اني ونته نختلف... اذا دخلت حياتك راح تعذبك.. صدگني تكدر اصيرلك احسن اخت وصديقه.. بس زوجه لا.. لا. لا
مجيد.... ساعه تنطيني امل وساعه تنطيني جاسم.. ولله حيرتني😂
نيمار.... ههههههه.. هسه تكوم لو لا
مجيد... 😂اگدر مااگوم
رحنه گعدنه.ابمكانه المعتاد. وكل عاده سوالف وضحك وتقليد. گال
مجيد.. اريد اروح الكربلا مخنوگ كلش. تروحون وياي
نيمار.. شوكت
مجيد... شوكت يعجبكم
حسن... باجر ماعدنه شي
نيمار... شوكت ماتقررون انه وياكم
مجيد... ماشي اتفقنه
نيمار... اگل لحسين يجي ويانه لو متقبلوون
مجيد... عادي هله بي.. ليش مانقبل يعني
محمد... اني مااستلطفه
حسن... عشتوو منو يحجي.. ليش بويه
محمد.... هيج احسه مو مثل نيمار
نيمار... ماكو داعي العد مااكله.. انروح بس احنه
مجيد... لا عليك الله گله... معليك بمحمد مايعرفه زين.. وله حسين ذهب وين اكو منه
نيمار... لا يمعود ماحب تصير حزازيه.بينهم.. وحنه متعودين نطلع وحدنه سوه.. ماريد ايصير خلاف بينهم
فضوها انروح بس احنه باجر وغير مره ناخذ احسين ويانه
مجيد.... كل من وراك محمد هيه زياره... مايعحبك احسين عله اساس انته احسن منه.عوود. شكد غثيث الگبر
محمد... الگبر اليگبرك رئي وكلته بعدين نيمار ماضاج مثلك انته شحارك دمك..
نيمار.... الضاهر راح نتعارك... يلله كلمن ايروح البيته
حسن... ولله احسن حل... اني رايح تصبحون عله خير
مجيد.... خو انته من تزوجت صرنه مانشوفك حته الكشره راحت.. سمر گلبت كل احوالك
حسن.... ولله سمر مريضه ولحمل كلش متعبها.. هاي عود بعدنه بلبدايه
نيمار..... دير بالك عليها
حسن... خليها سكته يمعود.. اضاهر گدامي ضيم جبير ماحسبت حسابه
محمد... اگعد ذب اهمومك ليش رايح
حسن... غير مره.. انروح للزياره باجر بلكت تنحل
نيمار... انشاء لله خير لاتفكر حسون. شيجي من الله حلوو... يلله كلنه خل نرجع بعد علمود نطلع الصبح
محمد... وره الدوام لان محاضرتي مهمه باجر
مجيد... يلله ماشي اتفقنا
رجعنه كلمن البيته.. اشتريت ببسي وحبشكلات لحسين
لان حسين من ينزل نادرا ما يطلع من البيت... يكضيها نووم
دخلت للبيت احسين يخابر.. فيديو.. خليتهن يمه
حسين... بس گليلي شبيدي اسوي.. مو حته اني مليت
صفاء.... لعد نبقه هيج ياحسين صار شهر مامتقدمين خطوه.. ولله مو حجي هذا
حسين.... وزيدج من الشعر بيت.. نقلونه من منطقتكم
التحاق الجاي بغير منطقه. ونذار شهر لو شهرين بدون نزول
صفاء..... لا عليك الله.... كملت.... بعد هوه الفكر شلون يصير
حسين.... ههههه مثل وجهج
صفاء..... صدك حسين كل عقلك تضحك.. ولله نار وتاكل بگلبي ماصدكت نخطب.
. شتغير هسه عن قبل شو نفس الشي هم كاضينها بس اتصالات. حته ماشوفك مثل العالم ولناس
حسين.... ههه لعد شسوي ترديني الطم... مو صارلنه سنه صابرين خل نصبر كم شهر.. منا لمه ربج يحلها
صفاء..... لاامر اركان مايكدر يساعدك
حسين..... لاولله... گال لو اكدر اعفيك من هذا الالتحاق. حته تعذر مني
صفاء.... يلله هيه بعد انسدت
نيمار.... سلام مرت اخويه الغثه... جان وجهها معبس
صفاء.... هلو نيمار شلونك
نيمار..... ليش وجهج جنه جدريه مخسفه وساحكتها تريله محمله 100طن
صفاء.... ماتشوفها يانيمار شلون عوجه ماتقبل ترهم... انوب البيوت طارت اتريد بيت للبيع ماكو
نيمار.....ونتي شدعوه هيج متوازيه.علعرس.اصبري شوي
تثگلي الثگل حلوو
صفاء....صار سنه صابره شصبر بعد. مو راح يطك شيب براسي
نيمار......😁 شنو رئيج اجيبج سفره يومين البغداد... تاخذولكم تصبيره انتي وحسين
صفاء..... هههههه يمعود ميقبلون
نيمار....😁. الخاطر ضحكتج عگب ياجر انتي اهنا
صفاء.... نتراهن ماتگدر.... 😅
نيمار.... 😁من شنو الرهن
صفاء.... التريده يجرالك😅
نيمار.... 😁لعد لازم افكر بشي قوي
حسين.... اذا فاز نيمار بلرهن اي شي اطلبه اتسوينه.. بدوون تردد ومعارضه😂😂
نيمار.... علساس هيه مقصره😂😂بايعه روحها بلف
صفاء..... ههههههه اني مامتراهنه وياك حسين. متراهنه وي نيمار
نيمار.... 🙂من تجين عوود اقرر شطلب
صفاء.... ماشي... انشوف بلله😁
نيمار.... يلله بعد ماريد اشوف هذا الوجه المعبس ونتي تحجين وي اخوي😁 خربتي مزاجه
صفاء.... تدلل😁😁 انته واخوك
عفتهم ورحت البوي... دكيت الباب
