(83)
صداقة النمر،،،
بقلم..💫 BATOSA 💫
يسألوني شعجب صار الوجه متعوب
وجاوبهم العاشگ من صدگ يتعب
شفت روحي ودريت المايحب مرتاح
اثاري القوس العيون السهم حدب
اضحك بلجذب؟؟ بس انعرف معيوف!
شنو اتفسرها عمري ازغير ومشيب
يجيبولي دوه واضحك واهز الايد
وگلهم بس صورهم تگدر اطيب
"" "" "" "" "" "" "" "" "" "" "" ""
مجيد...
دخلت وره نيمار ورفعت راسي ابطئ وخوف من نفسي من مشاعري من كلبي اعرف نفسي تخرح عن السيطره كدامها.. بس من باوعت وركزت اكثر شفتها،، صرخت
اااااخ ،، شكت كلبي وحنجرتي بس ماوصلت اشفافي
ادموعي وكعن بشكل عجيب اريد اشهك اريد ابجي بصوت...احس نفسي اختنكت
نيمار..
انصدمت من شفت شكلها جنها مومياء
جنها هذول مصاص الدماء
ء الي اتكون بشرتهم بياض ناصع عله صفار الشراين الخضره امبينه بوجها.. اني من يمي اجيت ابجي عله حالها.. مجيد انهار. وصار يرجف مثل السعفه
همست بكلبي..
انعل ابو الحب الابو الساعه السوده شنو من طيحان حظ هذا
حسيت مجيد اتقدم بخطوات من وحده مثل الفاقد وماحاس بنفسه ابتعدت عنه وتركته يتقدم
هيه فتحت عينها بتعب.. ومن شافته راسا فزت مبتسمه كعدت عله حيلها.. سحبت لكنوله بسرعه من جف ايدها وجانت ترجف ،، ركضت شمرت نفسها بحضن مجيد وتبوس بصدره وركبته وتشمشم بي. وتحجي
سحر..
عرفتك ماراح تتركني، عرفتك راح ترجعلي انته مستحيل تتركني هيج بهل سهوله مجيد انته اتحبني واني احبك اني اموت عليك مجيد اموت اذا اتبتعد عني
نيمار...
تبجي وتحجي اتبوس بي وتحجي رفعت معصمها اكبال وجها. اني جنت ورا ماشوف ملامحه
بس اتخيله ادمر اتخيله انتها.. بس لازم ايواجه لان الجرح اذا مانعالجه مراح يطيب ومجيد بعده عن سحر يحتاج مواجهة ثانيه رفعت معاصمها وكالت
سحر..
بس تبعد عني امووت مااابقه عايشه لو وياك لو ماريد... ماريد الحياة بلياك انته حبيبي.. حبيبي اني وبس.. رجعتلي واخيرا رجعتلي اعرف انته ماتتركني اعرف انته اتحبني
مجيد
شمرت نفسها بحضني لوحسيت الدنيا كلها صارت بحضني،، اتمنه اضمها واصرخ اي احبج اي اموت بلياج اي مشتاقلج اتمنه اكلها ليش سويتي هيج. ليش اذيتي نفسج حاضنتني بكل قوتها وتدفع بنفسها الصدري
ردت ارفع ايدي وحضنها رفعت ايدي وتمنيت ادخلها ابصدري وبكلبي
بس خطر ابالي ذاك الكلام وذاك العتراف
لزمت تجتافها وبعدتها
لاتتتقربين مني اني حاليا محرم عليج
نزات ادموعها
سحر... لااا اني ماموافقه هذا طلاق باطل
مجيد.. لاااا هذا طلاق صحيح ومابي اي فرصه للرجعه لان طلقتج بقناعه تامه صح جنت عصبي. بس لحد لان قراري نفسه
رجعت وضربتني عله صدري بقوتها رادت تحجي شافت نيمارر
سحر.. انته اشعندك اهنا. امشي اطلع. برااا
نيمار.. تركتهم وطلعت بس ماجان ايهون عليه اترك مجيد
