(33)
صداقة النمر،،
بقلم.. 🌹BATOSA🌹
اول سالفه الحاجيها وياك
جانت ولله بس مدري شوراها
احبك مدري احبك مادري اهواك
المهم حسيت كل ذن بگفاها
حبيتك گبل كل التفاصيل
طولك.. مشيتك.. عينك.. ضواها
نضرتك لزمت اجفوفك معانيك
احبك.. اني احبك من عداها
يأول بشر شفتك تارس العين
گبلك عيني بس ربك ملاها
صح شاعر ولاكن شفت العيون
مالكيت كلمه بمستواها
ردت موضوع حته اتقرب اعليك
مدري شلون فز گلبي وبداها
حجيت وياك راسا كتلي يفلان
حجيك يرجف اجدامك شجاها
سولف گتلي كتلك شحجي وياك
انته السالفه بكل محتواها
*"*"*"*"*"*"*"*
مجيد...
كلش فرحت من ميار اتصلت بيه وطلبت مني ادزها المينا..
اني صح ماعندي اخت.. بس ميار صدك حسيتها اختي
مجرد ماشفت شكلها حبيتها.. كعدت يمنه كم يوم شفت هدوئها وخجلها ونضافتها وترتيبها.. حسيتها نسمه وتفتر بلبيت كلش مريحه
واحله شي بيها ابد ماانطت بنيمارر
ولاشكت منه... عله لرغم هيه شكد مجروحه
شكد اتمنيت سحر مثلها اتمنه سحر هيج نقيه وطيبه وشفافه...
احب سحر بشي واحد
من اطلب منها بوسه لو حضن ماتقبل. احبها لان اتحافض عله نفسها حته مني الي عتبر اني زوجها وحلالها مافكرت مااثق بيه
بلعكس فكرت ابنيه متحفضه. تحسب البعيد.. ماتهين انوثتها وتنطي الرجال قبل لايصير زوجها وتجمعهم غرفه وحده..احب هاي الصفات البيها
لاكن هيه غثيثه...حته كلام حلوو متحجي بس بلدراسه تفتح حلگها بعد ماتسده..احيانا..افرح من تستعين بيه اساعدها..واحيانا اتمنه تتصل حب وشوق الي
مو بس علمود الدراسه..كل احلامي وامنياتي
ناوي احققهن من اتزوجها وخليها ابيتي وتنور غرفتي وحياتي
وصلت ميار المينا واني كلش معجب بيها اتمنيتها اتصادق سحر حته تتعلم من هدوئها وصفاتها الحلوه
مجيد..
هاي اجتج مرت احميد يلله انزلي ومن تكملين رمشيلي تلكيني يمج
ميار... شكرا اخي العزيز.. هههه
مجيد... تكرم عينك ياختي ههههه
ميار.. نزلت المينا سلمت عليها ودخلتني گبل الغرفتها حته ماشغت اهل محمد
مينا..... شعجب اليوم ذكرتينا
مياررر... سولفتلها باجر عيد ميلاد نيمار اريد اسوي شي حلوو ومميز واني كلشي ماعرف عن نيمار وذوقه وطبيعته
مينا... 😁😁هلله هلله باجر يلعب لعب النمر. هسه اگلبج عله البطانه وداعتج..
ولو هذا الكرش متعبني.. بس يمون نمورر
ميار... هههههه صدگ ليش اتسمونه النمر..
بس ولو هذا القب كلش حلوو.. صدگ. اعيونه تشبه اعيون النمر خاصه من يعگد حاجبه
مينا... اي جنه انلقبه النمر بس من توفه حسين كام ما يقبل انصيحه بهذا القب.. بس مرات ننسه ونصيحه لان تعودنه علي
ميار... ليش مايقبل
مينا.. تعالي خل نشتغل ونسولف
حضرت مواد تنضيف الجسم.. وكالت انزعي
ميار... ابتسمت☺️ شنزع
مينا..🤨 لا ولله لاتگليلي تستحين خل انضف جسمج. وبعدين نتفق شنسوي ليله النيمار
