(78)
صداقة النمر،،،
بقلم... 💫BATOSA 💫
كلش غلطتك هاي ماتنغفر
هلمره لاينفع دمع لاعذر
الفرق بيني وبينك من اعشگت
اني لمتت ونته انكتبلك عمر
جانت امنيتي انعيش نفس القفص
ماادري بيدك حضرتلي الگبر
شما اكولن ابالي،، وصلت ورحت
بس الگه روحي ماعبرت الصفر
الدنيا جذبه وجان طولك صدگ
وحته الفهاوه البيك هم تنعشگ
بس هسه ليش اشمالك اشغيرك
وارواحنه الخضره بدت تحترگ
ليش يلبأول احجايه وطحت
وليوم كل ماحجي مالك خلگ
الشيب ولضيم الوجع ولدمع
كلهن هذن يطلعن من العشگ
ماصرت مثلك حته اكولن عشت
عطشان لاكن مستحي من النهر
لوردت اعاتب ابدي من ياجرح
من اليش، من الاخ، من السهر
من احجايتك كلمن يروح بدرب
لو من عفتني وانه وسط الحرب
هيه الاعوفك سهله من تنحجي
بس صعبه لمن تطلع من الگلب
ياريت لو ماجنت اعرفك گبل
اخ شحلاها انعيش وادم غرب
بس المهم ماراح اسامح بعد
وارجع احب روحي وضل مبتسم
لازم يجيس الورد ذاك النده
ولازم يجيس العين ذاك الحلم
هوه انه انه المايكضني جرح
متعود تكوم وتطيح الزلم
♡٪♡٪♡٪♡٪♡٪♡٪♡٪♡٪♡٪
ميار...
اووف شلون سالفه طايح حضها هاي
انه الج ياحوراء
اذا ماخلي يشمرج شمرة الجلب
...
ابحياتي ماحقدت ولاكرهت بشر..
بس اثنين فقط..
اثنين بحياتي اتمنيت كون عندي قوه اوسلطه قويه وامحيهم من الوجود.
شخص بعده يسكن بذاك المنطقه الي عشت بيها.
وشخص ابهذا البيت وهيه حوراء..
هاي الانسانه كلش اكرها وتمنه ااذيها مثل مااذتني.
بلبدايه جنت ماعرفها وعاملتها بطبيعتي الطيبه وتحملتها اهواي كلش اهواي
وحته من طعنت بشرفي ماكرهتها
لاكن من قتلت طفلي لااااا
لو اذبحها بيدي هم مايرتاح كلبي..
اذا اجمع سوالف حوراء.. تطلع هيه اكثر شخص اذاني حته اكثر من ابوي، ، لان ابوي اذاني جسديا لاكن حوراء جانت اذيتها بلصميم.
اولها عينها عله نيمارر، وطعنت شرفي اووكعتني من عين سالم وخلته يكرهني،، ونهايتها قتلت طفلي وماخلتني اتهنه بي
.. كلش اذتني وتمنه سالم ياذيها ويتركها
اعرف بيها مايهمها سالم ،، بس اكيد ماتريد تطلع من البيت حته ماتنحرم من شوفة نيماررر..
مره قذره وقلية حياء.. سالم امدللها وهيه عينها الغيره..
طلعت نضفت المطبخ ورجعت الغرفتي اتصلت عله نيمارر وفصله قبل لاتكمل الرنه.. بقيت كاعده انتظره بس ماجه دخلت بفراشي ومددت.
وشلون سالفه هاي صرت ماكدر انام بلا حضنه
غمضت واني اذكر شكله شلون جان بهاي اليومين،، وهسه رجع شكله مثل ماجان
نيمار..
طلعت من ميار واني كلبي محتار بين كلامها وبين غيرتي،، دخلت للستقبال
لكيت محمد امدد ويباوع للسكف
ومجيد ايكلب بلشاشه وكفت بلنص
.. شبيكم
مجيد..
التفتت شفت نيمارر عاكد حواجبه ومبتسم من اتصير هاي العگده بحواجبه يعني ضايج من شي...
خيرر شصاير
