(18)
صداقة النمر،،،
بقلم 🌹BATOSA🌹
ادركت مؤخرا ان الحياة عباره عن مسرحيه بائسه..
اصبحت اخسر مالم اكسبه بعد.. وانهي مالم ابدأه..
ولاكثر مراره اني مجبر على الاستمرار للتمثيل فيها
ولخضوع القوانينها وقواعدها!!
*.*.*.**.*.**..*.
أبوي....
راح خطبلك بنت عمك محسن
نيمار.. يابه انته شايف الوقت مناسب للزواج
امي... اي شمنتظر يعني.. لو تريد اخسرك مثل اخوك
وانه مافرحانه بيك....
بس مالكيت غير هاي يابوو سالم
ابوي مارد عله امي.. وكال
ابوي.... اي الوقت مناسب
احسين راح وعبرت سنه اذا انتظرنه اكثر قابل راح يرجع
نيمار... مارديت علي كافي هوه.بحياتي كلهاماحرمني من شي كلشي موفرلي حته ماگدر اطلب لان كلشي عندي مصرفي الكاه بمحفضتي ولايوم منعني من الطلعه ولسفر ولامنعني من اصدقائي وحته اذا اريد شي وهوه مايعجبه ينصحني وييقه القرار الي.
بحياته مافرض عليه..
واني ماحب انسانه حته ارفض الزواج علمودها..
صح ماريد ازوج لان گلبي ميريد ولاامفكر ارتبط
اخر همي وتفكيري الزواج
وبما انو اهلي ايمرون بفتره كلش حزينه ماحبيت اعارض وقبلت بقتراح ابوي عله الاقل يرتاحوون من ناحيتي
وامي النهار كله اتنوح ازوج مازوج اخاف ايصير عليك شي مثل اخوك وماتلحك تزوج
نيمار... بكيفك يابه شتقرر اني وياك
ابوي... انشالله بنهايه الاسبوع نخطب
نيمار.... عله راحتك يابه
ابتسم ابتسامه حزينه وگام الغرفته
خليت راسي بحضن امي وهيه بس تبجي
صار سنه عله هلمنوال تبجي ليل نهار وحته اخواني مايتحملون بجيها..
بس يتعشوون و يطلعون الغرفهم البيت صار اضلم ماينحمل ولاينطاق
هيه تبجي واني ابجي وياها مره تمسح دموعي مره تمسح ادموعها
ماگدرت اتحمل بعد اختنكت..
ضغط الحسره ولحركه الضامها بگلبي عله مصاب احسين..وقرار ابوي المفاجئ ودموع امي. حسيت روحي تريد تطلع
عفتها وطلعت رحت للمكان النگعد بي اني ولولد دائما...
گعدت وضليت اصرخ وابجي بكل حيلي ولغصه ذبحت صدري وخنگتني
مرت ساعه تقريبا واني نفس الحال من الانهيار. ماحس اله
ايد انحطت عله جتفي
مجيد... مو كافي ماخلصت ادموعك.....
گعدت يمه وحضنته وهوه كام يصرخ ازيد من قبل
نيمار.. مجيد ولك اخوي راح وعبرت سنه عله غيابه
ولحد الان جاي اصبر بنفسي...
ولك ماگدر اتحمل بعد. مشتاقله حيل. راح وضلت حبيبته حسره بگلبه. شكد حاولت اخلي يزوجها وفشلت. جانت ارده الله يروح بحسرته
خويه مجوود.. البيت ماينطب وحيل صاير اضلم وماينطاق... وامي بس تبجي.. راحن اعيونها... وابوي هذا ابو الحيل القوي
جان اليشوفه يكول اخونه مو ابونه شايف شلون راسه شتعل شيب وحته ضهره انحنه
حسين عاش كل عمره يتحسر عله حضنهم ومات وهوه ماشبعان منهم
ماگدر اتحمل افراگه حيل مشتاقله وين ماامشي اشوفه گدامي....
مجيد.....
جان نيمارر يحجي ويبجي واني ابجي وياه
... كافي خويه هاي اراده الله.. وذا عله حبيبته فهوه راح يلگه احسن واحله منها. راح شهيد هسه تلكه الحوريات داير مادايره اذا تلاكي صفاء مايعرفها
فكر بينه احنه يمكن يذبونه بخانت الشواذي
وداعتك هسه تلكاه من حوريه الحوريه
