(5)
بقلم... 🌹BAOISA🌹
بس تعــــــــــال
ولادگ البــاب اذا جيت
الگـــــــــــــلب طشرته علعتبه
مفاتيح
******
نيمار....
رجعنه كلمن البيت اهله..
دخلت غرفتنه لگيت احسين هم گاعد يراسل
نيمار... هلوو اسووو..ولك شنو مامليت النهار كله امدد
حسين... اي من تشتغل شغلتي تفتهم ليش النهار كله امدد
بابا هيه هاي حياة العسكري. يانايم يابلواجب.. ويم اهله كيد بس نووم
نيمار... رحت يمه حضنته وبوسته.. حبيبي اسوو عندي طلب
حسين... عرفتك من الواكتلك وتبوسك.. شتريد
نيمار... فلوس
حسين... حسبالي شو شعندك.. موذن شامرهن كدامك شگد متريد اخذ.. اشو اني من اتعينت لليوم ماصارف منهن.
نيمار... اريد 2مليوون
حسين... شسوي بيهن
نيمار... شغله
حسين.. شوف نيمارر... لو 100.. 200.. 300 هم اكول عادي تطلع وتصرف.ويه اصدقائك.
. بس 2مليون لازم اعرف وين يروحن.. انه مو عله الفلوس تعرفني كلش زين.ماهتم الهن. بس لازم اعرف شسوي بيهن
نيمار... اريد اساعد شخص. محتاج
حسين... منووو
نيمار... اهووووو ماريد احجي بلتفاصيل
حسين... لعد ماكو فلوس
نيمار... واحد ايريد يزوج واساعده
حسين... شوف هاي السوالف التعبانه...
زين ساعدته بلزواج العيشه شلون..
غلط الانسان يزوج وهوه ماعنده شغله ثابته او وارد زين. خو مو يجيب بنت الناس ويگعد گبالها لاشغله ولاعمله. بابا نص مشاكل الزواج بسبب الضروف المعيشيه ليش ماتفتهموون..
ليش ماتنطي افلوس يفتحله مشروع وذا ينجح. يتزوج بعدين
نيمار... عوف محاضراتك رحمه لهلك يا تنطيني يا لا
حسين.. اخذ شكد متريد.. خل اسهل امره بلزواج. بلكت الله يسهل امري وناخذ صفاء
نيمار... بوسته حيل وكتله شكرا اخي الغالي
حسين.. اهلا وسهلا اخي الوگي
نيمارر.. گمت حسبت افلوسي..
طلع عندي بس مليون..
صح اني ماشتغل بس اني دائما اعزل من مصرفي واضمه.. مااصرف اهواي..
من اني وزغير عندي هاي الطبيعه جنت من اشوف ابوي يقسم المصرف عله 3 اقسام نص الامي للبيت ونص يضمه ونص يخلي بلمحفضه.. قبل جنت مااعرف شنو يسوي.. بس اسوي مثله اقسم مصرفي اثنين من اني ازغير نص اضمه ونص اصرفه. حته قبل لا اصير بلمدرسه.عندي هاي العاده
لذالك دائما عندي فلوس. احتياط
حسين.... هاااا شگد طلع عندك
نيمار.... بس واحد
حسين... ولله عمي زين.. عطال بطال وعنده مليون
نيمار... الله يحفضلنه ابو سسالم. مايخلينه نحتاج احد. ولانمد ادينه ونطلب. اكعد الكه المصرف محفضتي
حسين... بس لازم تعتمد عله نفسك مو كله عله ابوي
نيمار.. محد يدخل بيه اني الگعده وبكيفي.. خل اروح المنير وسالم بلكت الله يهديهم. ينطوني
حسين.... روح اكعد اباب جامع وجدي احسلك
نيمار... انجب ماجدي اخذ وقصبن... رحت للستقبال كاعدين منير وسالم هم ونسوانهم كل واحد گاعد بجهه
نيمار... من رخصت اخواتي اريد احجي موضوع عله انفراد ويه ارجولتج بلا زحمه... باوعلي بصدمه
نيمار... لاتخافن مازوجهم.... ابتسمت زوجه منير وطلعت
نيمار.. من عابتلج وعابت هلكشره.. مرت سالم ماحجي وياهه.. طلعن..
نيمارر.... ممكن تنجمعوون ليش هيج متفرقين.. تؤتؤتؤ. هيج النسوان اتفرق. التمو يبعد اخوكم. خل انلم شملنه. حضنت سالم وصحت المنير... تعال ولك احضن اخوك الجبير وعطف علزغير.. اجه منير گعد يمنه وحضني
منير... اشم ريحة الواكه.. شكووو شتريد
سالم... اكيد يقط... وله هوه وين يعرفنه شذكره بينه اليوم
نيمار... مع الاسف عليكم انتم هيج بدمي مو اله اكعد يمكم وسولف.. بعدين اني اخوكم الزغير المفروض انتم تجون تسألون علي اشوفوني شمحتاج شريدمو انه.السال. هسه المهم اريد منكم شي بس لاتفشلوني
سالم.. شگد تريد
نيمار... 2مليون.
منك واحد ومن منير واحد.. دفعني منير
منير.. خاب دولي. واني حديقه
سالم.. شسوي بيهن
نيمار... بلا اسأله ياتنطوني. ياتنطوني.. ولله ماگوم اذا ماتنطوني
منير... صدك شسوي بيهن
نيمار... عمل انساني
منير... ميخالف اني انطيك
سالم... تنطي بدوون ماتتاكد وين يصرفهن.. هوه عمره ماطالب من يمنه. ويوم الي يجي يطلب يطلب ملايين لازم مسويله شي. وله شيسوي بلفلوس
منير... احنه نعرف نيمار وسوالفه وصدقائه اكيد محتاجهم الشي مهم وله مايطلب من يمنه.. وابوي مامقصر وياه
سالم... هوه هذا قصدي. شنو الصار حته يطلب مليونين
نيمار... كل هاي النقاشات عله شنو. كتلك عمل انساني. ونته تعرفني شنو... اكيد مااورط روحي بشغله موزينه
سالم... لان متاكد منك واعي وعاقل. واول مره تطلب من يمنا. الذالك اسالك
نيمار... اني عاقل مع الاسف عليك ليش تجرحني
سالم..... ماتكبر تبقه زعطوط
نيمار... افتخر زعطوط ومدلل يلله جيبو الفلوس وتعالو منتضركم... خابر منير زوجته اتنزله افلوس وسالم صعد جاب واجه
دخلت للغرفه حسين يضحك
حسين... هاولك قطيتهم
نيمار... دايما منتصر بحول الله وقوته
حسين.... ههههه شكد صار عندك
نيمار... بعد اقط ابو سالم
حسين... ولك حته ابوي.. هسه يفتحلك تحقيق ماتخلص منه
نيمار... مع الاسف عليك.. لك بوستين هسه ينطيني حته اهدومه الا بسهن. هذا ابوي ابو گلب الطيب
حسين.. نشووف
نيمار.... تراهن
حسين... لاا. انته لوتي اتقنع اكبر واحد
نيمار... لعد... ماشي اقنع الحجي... رحت دكيت الباب
همه يعرفوون محد يدك عليهم الباب بليل بس اني.. حته ميصيحوون منو. گبال تعال
ابوي... تعال. ماخلص منك.. لازك بعلباي
نيمار... دخلت وگتله...😁. شنوو قابل گراده
ابوي... شوايت الله حته الگراده تنشلع اله انته
نيمار... رحت حضنته ومددت بصفه... مع الاسف عليك ابو سالم اتريد تشلع ابنك الزغير... ولله اخلافي انتم متعيشوون. انه نكهة البيت. وحلاته
ابوي... اي يلنكهه يمته تكبرين مو ملينه من يمك
نيمار... هاا يابه شنو قصدك بس لا تريد تنفرد وانه مضايقك
ابوي... انته وراي ونفرد
نيمار... اگول امي تمشط من طبيت الهسه. اثاري عدها ليله حمره... بلعافيه عليك يابه.. بس انه ماطلع.اخاف اجيبولي اخوو تالي وكت شگل للوادم.. لا ولنوب ينافسني علحضن غير ادفره
ابوي... لاتصير ادبسزز.. وگلي شتريد
نيمار... هااا... يابه شلون عرفت اريد شي
ابوي... كل مره تدحس راسك وتنام.. ليوم گاعد تلغي معناها رايد شي وتمهد الموضوع
نيمار... اي ولله... ويلوموني لان احبك ونام ابحضنك... اسولف واشر عله امي
ابوي... ههههه عوف امك لاتگب علينه
نيمار... تخاف اتگب وتخرب ليلتك.. هههههه
امي.. تنجب لو اكوملك
نيمار... يابه اريد افلوس
ابوي... افلوسك ابمحفضتك
نيمار... لا يابه اريد 2 مليوون
گعد ابوي عله حيله.. ونخطف لونه
نيمار.. اسم الله بويه شبيك. 😁لاتخاف مامسوي شي ولله
ابوي... شسوي بيهن لعد
نيمار... مساعده
ابوي.. المن
نيمار... مساعده وخلاص.. لاتسأل يابه عليك الله
ابوي.. ادري مساعده الشنوو مثلا.. عائله. واحد محتاج. تتبرع بيهم. اذا ماعرف المن مانطيك
نيمار... شخص محتاج وريد اساعده
ابوي... بس. مليونين مو هواي لو لا
نيمار... مو هواي عليك
ابوي.. انطيهن بس بشرط
نيمار... شسالفه يابه ☹️
ابوي.. تشتغل وياي بلمحل
نيمار... 😢يابه ماشتغل مو كلهم يشتغلوون...لو اله اني يعني... اذا تريد انته اشتغل ابمكاني
ابوي... تشتغل انطيك ماتشتغل ماكوو
نيمار... يلله انطيني امري لله
ابوي... ام سالم انطي فلوس وخل يولي من يمي
نيمار... بسته وكمت.. انطتني امي الفلوس...گتلها
يمه شعجب ماادخلتي
امي.. انته وابوك شعلي اني
نيمار... لا ولله خايفه عله ليلتج تخرب.... كفختني
امي. امشي ولي من عابتلك
نيمار... كملوو بسرعه تره ويه الصلاه يمكم.. هههه عفتهم وشردت الغرفتي.. طبيت اركص..
نيمار.. جبناهه وجت ويانه من شيل الهدم تعبانه
حسين... هاولك
نيمار.. النصر النا عاده. 😂😂😂😂
اكلك اسووو
حسين.. هااااااا
نيمار... اووجعا.. جنك هايشه. ههههههه
شمر عليه بطل مي....
حسين... ماكو غيرك هايشه وزعطوط
نيمار... اي ليش اتصيح كول ها علكيف ليش اتسويها طويله
حسين... مالي خلگك احجي شتريد
نيمار.. هوه العرس شگد يكلف
حسين... ذاك اليوم صديقنه اتزوج.. يگول. الغرفه ب4 مليون. ولذهب 4 لو 3 مليون.. وللبنيه 3 مليون
من غير العرس ولبدلات اتوقع غاليات
نيمار... يبوووو. هذا نهيبه مو عرس
حسين... ولله ماعرف بس الولد ذاك اليوم يسولف هيج مكلفه العرس
نيمار... انام احسن.. انعل ابو العرس الابو الحب زلم ماعدها شغل وعمل تروح تحب وتزوج ولله بطرانين
حسين... يجي يوم وتوكع وتكول بس زوجوني.. راح امووت
نيمار.. انشاء الله مايجي هذا اليوم
حسين.. يجي وداعتك يجي. ونشمت بيك
نيمار... صلاوات كلكم متحلفين بيه... شجاكم.. حته اذا احب ماگللكم..احبها بلسر
حسين.. معقوله جامعه شگدها شكبرها ماعجبتك وحده
گلبك ابد مارجف
نيمار... لا ولله ابد... اكيد اهواي بنات حلوات.. بس ماهتز گلبي الوحده ولا عندي اي احساس بگلبي غير حبي الكم ولاصدقائي.. ماعندي حب من نوع اخر
حسين... شنو ولك گلب احجاره
نيمار... قابل مثلك مهيلك
حسين.. انه وحد ونته وحد
نيمار... شنو الفرق
حسين... انه جندي.. نادرا ما أشوف ابنيه..
من اشوف ابنيه جني شايفلي كائن من غير عالم
ههههههه
نيمارر.... هههههه لاتجذب
حسين... شبيك اني حته ناسي جنس حواء حسبالي الارض بيها بس زلم
نيمار... ههههههه انته اله اشويه اتلزم البنيه تاكلها حسبالك اكله تمشي بلكاع
حسين... حسبالي حلاوه ناسينها بلشارع
نيمار... حلاوه ونته ذبانه تفتر وراها
حسين... هههههه اي صحيح... صدك ولله من اني هناك
بلجيش وأسمع واحد يتغزل بحبيبته او خطيبته او ذول الي يحاجوون زوجاتهم لو اولادهم.. تتحرك داخلك مشاعر تتمنه احيانا اتكون مثلهم ترجع وتتلگاك زوجتك.. او ترجع ملهوف حته اتشوف خطيبتك لو حبيبتك... من غير أشياء اخرى اتخليك تتمنه تزوج
نيمار... هم صحيح.. بعدين الناس تنزل حته تشوف حبيباتهم انته تلتحق حته اتشوف حبيبتك.. حته بهاي. عكس
حسين.... اي ولله... لو انحرم منكم لو منهه ماتكمل عندي عكس الناس
نيمار... هسه انته تتمنه اتبقه بلجيش ماتنزل
حسين.. لا ولله اريد انزل مرات حيل اشتاقلكم.. اما صفاء اشوفها بلختله لو بليل.. اروح يم بيتهم لو من تطلع اوصلها ورجعها. حته اختها وامها اوصلهم ورجعهم
نيمار... لواكه يعني
حسين... لا ولله بس حبيتهم وحسيتهم اهلي خاصه امها مره طيبه وحته ابوها بس اختها ماحبها ماعرف ليش
نيمار... انشاء الله.. اتصير مرتك وخلص منك وتبقه الغرفه بس الي العب بيها بكيفي
حسين.. علساس اني مانعك
نيمار... ليل ونهار تراسل متكلي شنووو ماتمل اصابعك راحن
شمر عليه المخده
حسين... انطمر مالك شغل بيه...
نيمار... سوي صامت موتني صوت الكيبورد مالتك عفته.و صدگ نمت
نيمار....
ثاني يوم الصبح اخذت الفلوس خابرت حسن
نيمار... وين انته
حسن.... بعدني بلبيت
نيمار.... جايك لاتطلع
حسن... خير خو ماكو شي
نيمار... لا ماكو شي
حسن.... يلله منتظرك
وصلت دگيت الباب شويه طلع حسن
حسن.... صباح الخير نمور قلقتني شكوو
نيمار.... كتلك خير ماكو شي
شگد عندك فلوس حسن
حسن.. اربعه مليون
نيمار....اني. محتاجهن
حسن... نمور گدامك.. هسه اجيبهم
نيمار.... اي يخوي مطلوب ولديانه تركض وراي .استعجل رحم الله والديك
حسن.... اوكف راح اجيبهن وجيك ونروح للكليه مناك
رايد ادخل للبيت لزمني نيمار من ايدي
نيمار.... اوكف.. خاف مهر مرتك .هاي الفلوس
حسن..... مرتي ومهرهه فدوه الك.. سلامتك يلغالي بفلوس الدنيا ولو عندي اكثر ولله ماابخل عليك
رأساً حضنته حيل وگلت لحمد الله الف مره لان عندي هيج أصدقاء واخوه
حسن... وسفه شنو هاي نيمار لاتخليني اكتل روحي وعلي. عله بختك عندك شك بخوتنه
نيمار... ماعندي شك...... اجيت جايبلك ذن الفلوس
حسن.... شنو ذن
نيمار..... هديه مني الك كمل مهر سمر وزوج
حسن..... لا ماخذهن نيمار ماگدر ولله... اني اكون نفسي بايدي.. عساك سالم خويه يكثر خيرك كافي ذيج المره ساعدتوني ولهسه مامرجعهن
نيمار..... هاااا.. لعد اني من اجيت اخذ منك مافكرت هيج فكرتك اخوي وجيت وردت تنطيني بدوون ماتعرف السبب ونته ماعندك غيرهن هسه من انطيك تدور كرامه وياي.. وعلي حسن اذا ماخذتهن صدگ ازعل عليك
حسن..... نيمار ولله صعبه شلون اخذ افلوس منك ونته تاخذ مصرفك من ابوك .... اصلامنين جبتهن
نيمار.... تعيرني ولك بعدين اخذ مصرفي من ابوي لان عدنه خير من الله.. مايحتاج اشتغل وله اني گد الشغل تعرفني وذني الفلوس هديه.... ولهديه ماتترجع يلله رتب امورك وفرحنه بيك
رأساً حضني ونزلت دمعته
حسن.... ولله ماعرف شلون اجازيك نمور
نيمار.... امسح ادموعك عيب عليك... وشلون تجازيني سمي اول طفل نيمار حته اسمي ايعيش خاف اني اموت
حسن.... تسلم خويه.... همزين ماخذت فلوسي وقشمرتني😁
نيمار..... ههههههه.همزين تعرف روحك قشمر تيلله ضمهن وخلينه نروح للدوام
بعد مرت 3 اشهر
كلشي عله حطته الحمدلله لامور تمام
وراهه نزل حسين كلش مريض وبقت امي مخليته بحضنها ليل ونهار ومابتعدت عنه ابد لحد مارجعت عافيته
حسن...
انطاني نيمار افلوس واني عندي اربعه مناك
وشتغلت بهاي الاشهر الثلاثه صار عندي مبلغ مرتب
كلت ابوي انحدد العرس
خابرهم ابوي وحددو بعد اسبوع
رحت للولد
حسن... سلام شباب
الشباب.. هله بابو كشره
مجيد... اللهم صلي على محمد وآل محمد
الكشره واصله للاذن اليوم شكووو
حسن... حددت موعد العرس
نيمار.... صدك ولله. شوكت
حسن.. السبوع الجاي
محمد... وشتلحك بهذا الاسبوع
حسن... اني.شعليه.. كله عليكم.. مو بلخطوبه مارحتوو وياي وبلعرس ماتساعدوني هلمره اني ازعل
مجيد... وزعلتهم
حسن.. انجب مجيد تشتغل وغصبن عليك
مجيد... لاولله ابو كشره يغصبني تالي وكت. غير هسه اذا اكوم اخليك اتفل اسنون
نيمار... هههههه ونسميك ابو ثرمه
حسن... تفاههه خرب يوم التفاهه العدكم
نيمار... هسه انته شتريد
حسن... اريدكم اتحضرون ترتيبات الغرفه ولعرس لان اني الحد لان كلشي مامسوي
مجيد.. اني اكول انجب احسلك وخلي العرس وره عشر ايام
حسن... لاولله.. اني لو بيدي هسه اجيبها واجي
انته اتريد اطولها..واني موزين مني صابر 3 اشهر
محمد... الله يساعدك ياخوي احس ابوجعك
نيمار.... ههههههه اشتغل الانحراف عند محمد
حسن... انجب اني مومثلك
محمد... بس لابيك خلل
حسن.. انجب محمد
محمد... اني متأكد هذول الثنائي. اشرت عله نيمار وحسن بيهم خلل. وين اكو واحد مايحب.. اوين اكو واحد يزوج ويكتفي بلنظر الزوجته.. وين لاكينها هاي الكلاوات.. الك الرجل عراقي اول شي يشتغل عنده الغريزه الحيوانيه
مجيد... مايعرف الحيوانيه بس الحيوان
نيمار... ماكو فرق بين الحيوان ومحمد
محمد... اني ليش صادقتكم لان انتم نفس صنفي
بس انتم اعقول ماكوو. وغرائز ماكو.. اني عقل اكو وغرائز اكو
حسن... هسه انته شتريد
محمد... لاتجذبوون عليه. كول انته اتريد تزوج لان امفلفل وماتكدر تتحمل بعد
حسن... ماشي مثل ماتكول.. وتجهيزات الغرفه كلها عليك وملابسي عليك لان انته ذوقك حلووو
محمد.. شكرا هذا من ذوقك حبيبي
مجيد... هههه واني شنو شغلي
حسن... صبغ الغرفه وتروح وياي تختار غرفه الاخشاب
ونيمار وياكم علي شغل الحنه ولعرس وكل التحضيرات
ونتم العمال ونتم الخلفات ونتم الطباخين واني كلشي ماسوي بس ارتاح😂😂
نيمار... تدلل😂
وفعلا بلشنا ويه حسن.
هوه ومجيد يصممون ديكورات بشكل كلش حلوو خاصه مجيد اختار الالوان ولرسمه
وحنه صبغنه مثل ميريد حسن نص الصبغ ضاع بلعب وهوه بس كاعد ويباوع علينه.. ويصيح
حسن... ولكم خلص الوكت ونتم مامكملين.. جا يمته اعرس.. عله هذا العب
نيمار... ههههه ضاع نص الصبغ بلكاع.
مجيد يصبغ خليت الفرجه قريب يم وجها هوه امركز يرسم علحايط
نيمار... هااك مجيد... التفت... جان ينصبخ نص وجها
مجيد... خرب ابليسك نيماررر. طاحضك
نيمار... هههههه صرت اتخبل
مجيد.. هسه اسويك احله من يمي
كملنه صبغ ورسم بقه بس احفر النقشه بلحايط
راح حسن جابلنه غده... كعدنه نتغده ونقلد محمد مو ويانه راح يتسوك افراش للغرفه
كملنه غده نيمار رجع يحفر وينقش يكمل النقشه مالتي
شلت كاسة المرك وصبيتها عله راسه
نيمار... ااااه هاي ليش خرب يومك ليش ولك
مجيد... ههههههه صرت اصفر هم ريحه وهم لون
نيمار.. طاحضك
مجيد... اجمعين
3ايام كملنه الغرفه رابع يوم جابو الاخشاب نصبناها
رحنه كل احنه ويا من اشتره ملابس.
نيمارر... بيوم الحنه اسوكت مسواك كامل ونركض هيج وهيج
وهوه بس كاعد ويخابر بسمر
مجيد... اصبر باجر يمك شمالك ملطلط
حسن... اشتغل ونته ساكت حبيبي
مجيد... وعلي تره ابطل
حسن.. حباب اروحلك فدوه.. يمه فدوه الاخوي مجود شلون يشتغل عاشت ايدك. اتروحلك فدوه كل شباب المنطقه
مجيد.. اتلوك بعد اتلوك الكبر اي ولله
محمد... شعدكم
مجيد... شنو حسيون بس كاعد وحنه طاح حضنه
حسن... غير عريس شبيك.. ليش اتعبني وراي ليله وسهر
بعد شويه سويلي مساج
مجيد.. تدللل. هسه اسويلك مساج بلنعال وكطعه عله ضهرك
حسن... ههههه ماتسويها
محمد... شبيك غير عريس ويدلل خلي براحته اليوم وباجر.. وراهه طيح حضه
حسن... كمت حضنت محمد.. اروح فدوه الهل حلك
مجيد.. قصدك طشت مو حلك
محمد.. هههه اتغار
حسن.. يغار لان اني راح ازوج وهوه.. الهسه ماعنده رقم سحر
مجيد... طفرت عله حسن خنكته
شنو قصدك ولك.... وانته شنو حته اني اغار منك
اغار من كشرتك مثلا... بعدين اني مو مفلفل مثلك
نيمار.. شبيك مجيد عوفه
مجيد.. ماتشوفه يتحرش بيه صارله ساعه مايكعد وينجب.. فوك مايكرب علينه.. شايف روحه
نيمار.. دفعت مجيد عن حسن.. عوفه مجيد لايموت وبعده مامتهني بسميره😁
بليل.. جهزنه حسن ولبسناه قاط الحنه
جبنه اثنين ديجي اكبار وخليناهم بلشارع وشغلنه اغاني. وصارت الوادم تردح النعرفه ولمانعرفه
وحنه وياهم نشتغل ونركص وحسن ذب فلك
محمد...اول مره اشوف عريس مهيلك
حسن... عرسي وفرحان شحارگ كلبك
نيمار....
حسن ايهز جتف بجداره ولا فيفي عبدو
ومحمد راقصه شرقيه كل الحر كات يعرفهن
مجيد.. يركص رقص عادي شبابي
واني اموت علجوبي بس هم اركص مثل مجيد
بس حسن ومحمد ركصهم مال راقصات اني ومجيد ميتين ضحك عليهم
مجيد.... محمد افتحلك ملهى تكسب خير من الله
نيمار...گبل يطك للستار.. وكتب علي ملهى( الراقص الشرقي حماده)
مجيد.. لا اااا ملهۍ الراقصه الشرقيه حمديه
نيمار. ههههههه
محمد... انجب
مجيد... اموت عله هذا الاختصار
محمد.. تدلل حبيبي
ثاني يوم
وصار عرس حسن طبعا ماسوو عرس جبير بس احنه اولد المنطقه وكرابتهم سوينا عرس معدل
محمد ومجيد راحوو وياه حته يجيب العروس
اني مارحت بقيت حاير بلعشا ولناس التجي لان حسن ماعنده اخوان احنه شلنه عرسه
عنده ولد عمام وخوال.. بقو بس صافنين علينه متعجين كل شويه يسالون ابو حسن ذول منوو
وهوه يكللهم ذول اخوة حسن
بس بلعرس ساعدوني لان محد موجود بس اني
اجه حسن جاب العروس شكله يخبل ولكشره واصله للاذان. يمشي ويركص وبوو يندس بي
حسن...
كلشي ماسويت كل الشغل علولد اني اسبوع بس كاعد
وبيوم العرس جلب محمد وحسن اله يسبحوني
مجيد...اليوم اطلعك صدك عريس
حسن...شلون يعني
مجيد..اني اسبحك
حسن...هههه انجب احسلك...سبح روحك لو بيك خير😁
محمد..لا روح الحمام الصيني هم يسبحونك وهم يسولك مساجات
حسن..تحجون صدك😁
مجيد... اي ولله لو اسبحك اني لو تروح الحمام الصيني
ونته بكيفك
حسن.. لو اسبح وحدي😁
مجيد... لااا ماكو وحدي
حسن.. شبيك مجيد نحجي صدك 😁
مجيد.. اي ولله
محمد... بس لاتستحي من يمنه
حسن... صح مااستحي من يمكم بس مو الدرجة اتسبحوني طبعا ماقبل😁
محمد... اذا تستحي انسبحك شلوون راح تزوج
حسن... هوه اريد اكلك هدا الجسم بس اسميره اشوفه محد يشوفه غيرها...هذا ملك بس الها
مجيد... ههههههه خاب دگم.... لزمته وبقيت اكركر بي
ملك اسميره اله العب بيك طوبه اليوم
شكينه قميصه وهوه لابسه ونركض وراه بهذلنا
نيمار...
شايل العصاير اريد ادخلهم جوه لاگاني حسن يركض بطرك البجامه ومجيد يركض وراه
خييرررر شكووو
مجيد.. ايكول هذا الجسم بس السمر مايقبل انلزمه
نيمار.. هههه عوفه ولك مجيد لاتعبه وتروح علي اليله
ماتشوفه جنه هيكل.. الله يستر بس لا يفشلنه
حسن.... ههههه لا ولله مو اني نيماررر
نيمار.. اني مامتزوج ومفشلكم
محمد.. شوفه مايقبل انسبحه ولا يقبل ايروح حمام صيني
نيمار... ليش تسبحونه... وليش ايروح للحمام
محمد.. حجه الزعطوط بلله هذا شتكله
مجيد... نيمار اسكت لاسبحك وياه
حسن... ولله ماتسبحوني
نيمار... ولله عحيبه قابل هوه جاهل وتسبحونه
مجيد... انجب انته.. هاي سبحه العرس تختلف عن كل السبحات لازم واحد يسبحه.. ماتفتهم بهاي السوالف انته
بعدك زعطوط
محمد... اول انسويله مساج
نيمار... هههه اروح اكمل شغل احسن... مجيد عليكم الله لاتعبونه خطيه اليوم عرسه
حسن... ولله انتم ماتستحوون... شنو اتعبوني. شو جاي تهينون كرامتي
نيمار... اني رايح باي
حسن... لزموني كوه مساج واني ميت ضحك
وكل شويه محمد يكلي استرخي ميصير هيج
كوه يلله ثبتت بس صدك ارتاحيت حته اجيت انام
بعدين سبحوني سبحت العرس الماعرف شنو فرقها عن السبحه العاديه
ولبسوني قاط العرس بس نيمار مشغول خطيه طاح الشغل الثكيل كله علي
وهوه هم امركز بلشغل ومهتم مايسخت مثل مجيد ومحمد
سوينه عشه بس النه ولگرايبنه اما العصاير للشارع
عله حساب نيماررر هوه شتراهم
رحنه انجيب العروس
زفه مو جبيره بس سيارات كرايبنه
سيارة العرس الخالي زينها مجيد.
كتب عليها اسمي وحرف سمر جانت كلش حلوه
صعدنه بيها اني وابوي وخالي
نزلنه اكبال الصالون. طلعو سمر كلشي ماشوف منها
صعدنه بالسياره.. واني لازم ايدها وساكت.. بس كل شويه اضغط عله ايدها حيل حته احسسها بالي يمها واني وياها
بس ماكدر احجي لان ابوي كاعد
خطيه اختنكت عله ماوصلنه الاستدوو دخلنه
بسرعه ذبيت الكبوس لعله راسها بس اريد اشوفها گلبي طاگ عليها
حسن... صوفرت... ووووووواووو.. شنوو هاي
انتي منووو
بس تضحك حضنتها حيل ورفعتها من الگاع وفريتها
المصوره اخذت النه صوره وحنه ماندري من نزلتها
المصوره.... هاي احله صوره
حسن... مرحبا
المصوره... مراحب
حسن.. اخذنه كومه لقطات. بعدين باركت النه. المصوره وطلعنه صعدنه بلسياره
فررنه خالي ورجعنه للبيت
دخلتها وطلعت للولد
نيمار...
نصبنه عله حسن..قبل لايزفونه
محمد... هااا حسن شلونها المعنويات
حسن... تمام
نيمار... متأكد شو وجهك مخطوف
مجيد.... انطيك حبايه خاف ماادبرها وحدك ولله ماثق بيك
محمد.... لا يمعود الحبايه تموته انطي شيشه عسل هوه من القديميين
نيمار.... خويه اشوفك فلم خاف تنسه و تيه الاول ولتالي
حسن.... اسكتو رحمه الهلكم من غير هاي وهاي اني مرتبك لاتهبطون معنوياتي
نيمار.... انطيني رقم مرتك خل اوصيها ادير بالهاعليك
مجيد.... كلها احنه منطينج طفل بريئ علكيفج وياه
محمد.... بيض وجوهنا يمعود تره انعنس اذا فشلت بهاي المرحله. مصيرنه كل احنه مرتبط بيك
حسن.... اكوم من يمكم احسن صدك ضوجتوني
نيمار..... يمعود بس گلي من وين راح تبدي
مجيد....بس سؤال باقي يفتر بعقلي صرله اسبوع. اول ماطب شسوي
محمد..... انته بس الزم الشفايف هيه تتبربد
حسن ضرب محمد بكلاص مي
حسن.... ادبسزز محمد موكافي تره مصختوها... صحت
حسن.... يابه. يابه. تعال هنا فدوه
ابو حسن.... شبيك يابه
حسن... اطرد ذوله فدوه لا كوم وعلي هسه اسحلهم
ابو حسن... وسفه عليك غير ربعك وشايلين عرسك ورفعو راسك گدام عمامك
حسن.... يابه طردهم عليك الله لا تخليني اگلب الدنيا هسه... بهذلوني ولله. اطردهم.. بداعتي
احنه واكفيين ميتيين ضحك مانكدر نحجي
مجيد كض بطنه وگعد بلگاع من الضحك واني ومحمد اختنكنه عله حسن وهوه ميت قهر وشرايينه نطت
نيمار...هههههه. كافي يمعودين لا ينظرب جلطه وميلحگ يعرس
مجيد... انوب يگولون مات من الفرح.. ولله عيب شمالك
ماشايف. هههههه
نيمار.. انجب عوفه خطيه راح يبجي
انته عليمن ضايج بعد كم يوم يعرس محمد ونردها اله
ويخطب مجيد وردها اله
حسن... ونته يمته اردها الك
نيمار.... الله كريم يجي دوري بس الله يعلم شوكت
نشاقه وياك خويه برد اعصابك
حسن... صدگ انتم حسبالكم ماگدرادبرها ليوم.... ولكم منتظر هذا اليوم من عمري 12 سنه بس كلامكم ينرفز خاصه مجييد الحقير
مجيد.... جيب احب راسك ولله نشاقه ونته تعرفنه ماكو داعي نبرر
ابو حسن.... يلله وليدي گوم انزفك
حضناه وبوسنا وباركناله مقدمه
نيمار... ب6 اجيبلك الريوگ
مجيد... ترجع بلسلامه انشالله
محمد.... حضنته وكتله.. ولله خايف عليك.. يارب يقويك ودبرها
نيمار..
عوفه ولك كافي هههههه مبروك خويه رمش النه من تكمل
حسن... ولله اتمنه ماعوفكم مو حبا بيكم بس اريد اعرف شتحجون وراي
مجيد... سهله راح اسجلك سوالفنه ودزهن الك
حسن ... خوش فكره
ابو حسن... يللله ولك وين رحت
حسن.... اجيت يابه
نيمار...
زفيناه للغرفه دك ورگص دخل عله زوجته عفناه ورجعنه لمينه الهوسه البشارع وغراض العرس كلشي مابقينه
نيمار....ها عمي كملت شغلي بقه شي لو اروح
ابو حسن...الله يستر عليك بويه رحم الله والديك تعبناك
نيمار...شو تكلي بويه وتشكرني ولله عجيبه غير ابنك اني لاتشكرني هذا واجبي اتجاه حسن
ابو حسن...الله يحميك يابه
مجيد...واني عمي شو ماتدعيلي
ابوحسن...هههههه ادعيلك الله يوفقكم كلكم ويفتحها بوجوهم
محمد...شكرا عمي..هسه انروح لو بقه شي
ابوحسن...طببتو الطباخ ودبات الغاز
نيمار...اي عمي
ابوحسن...اتوكلو بلله ورحو.ارتاحو
مجيد...يلله تصبح عله خير
ابوحسن...اجمعين بويه
رجعنه الاهلنه تعبانين كلش لان اسبوع كامل مارتاحينه
انروح من الصبح نرجع 11 بليل هاي يوميه هيج
كرايب حسن تفاجئو
رفعنه راسه.. عله گولت ابوو
نيمار 5ونص الصبح خابرت مجيد ومحمد
نيمار... الوووو ها مجيد نايم كاعد
مجيد.. شعندك ولله تعبان
نيمار... امشي خل انروح الحسن انزعجه
مجيد.. مابيه حيل
نيمار... كوم مجيد عليك الله
مجيد... يلله گايم.... سديته
خابرنه محمد
مجيد... يلله حميد كوم
محمد.. شكووو
مجيد... اندز ريوك الحسن
محمد.. يلله كايم
نيمار...
رحنه جبنه گيمر واجبان وبيض وصمون حار وجاي بلترمز وكلاصات سفري
وگفنه اباب بيت حسن ودكينه علي بلتلفون
اربع مرات اندگ يلله فتحه
اجانه صوته نايم
حسن... الوووو
نيمار... صباح العسل
حسن.... صباح النور
نيمار..... كوم افتح الباب
حسن..... بشرفكم هستوني نمت
نيمار... كوم لاندك الباب ونهبط اهلك
حسن.... نعلعله والديكم
نيمار..... مشكور غسل وجهك مو تجينه بحمرتك
سده
ختل محمد ومجيد يم الباب اول مانفتحت الباب طفرو علي وكمزو خطيه گلبه وكف
حسن.... هم الله يخلصني منكم انجبست من وراكم راح اگطع الخلفه من وره هاي الهبطه
ضحكنه علي وباركناله مجيد ايدور برگبته وبجسمه بصمات اله شويه جا نزعه تشيرت بلشارع
حسن... وخر هاي شبيك الگبر
مجيد.... شبيك خل اشوف عمق الحب
محمد.... مو هسه ولك وره اسبوع اكثر هسه بعدهم جدد يستحون
نيمار.... هاك هذا الريوك
حسن... بشرفكم مگعديني علمود هذا
نيمار..... كتلك من البارحه اجيبلك الريوك 6
حسن.... ولله حسبالي تشاقه
نيمار... مع الاسف عليك. كلمتي ماتثنه
حسن... بس بلخباثه ماتثنه
يلله احنه رايحين بارك الاختنا نيابه عنه
حسن... مشكورين ماقصروتو بس ياريت اسبوع ماشوف شكولكم
هههههه يلله باي
نيمار... اني كلش تعبان
مجيد... حته اني
محمد..... دايخ وعلي بس اريد الزم المخده
صعدنه بسياره محمد دك تلفونه فتح اسبيكر
قبل لاتحجي مينا كالها ...... دير بالج تحجين فاتح سبيكر ولولد كاعديين
مينا.... صباح الخير
الشباب.... طكيناها ضحكه صباح النور
مجيد... سدينه السبيكر خويه وخلينه هتفونات بأذن محمد احجي براحتج
مينا.... لا ماكو داعي راح اروح
محمد... احجي حبيبي
مينا.... صدك سديت السبيكر
محمد.... اي
مينا... شعندك گاعد من الصبح
محمد.... رحنه باركنه الحسن
مينا.... صدك ولله ولاتستحون شوف الساعة بيش
محمد.... هم انبارك وهم نخبث علي حضري روحج بعرسنه هم يخبثون علينه
مجيد.... اذب جوه رجليكم طكاك لو العاب ناريه وخلي طفاركم ماله والي
مينا..... هههههه يلله باي من توصل خابرني
محمد.... حبيبي انعس من اكعد اخابرك
مينا... ماشي باي
محمد... باي حياتي
وصلنه مجيد اول نزل البيتهم وبعدين اني
وراح محمد البيتهم
يتبع.....
