(7)
صداقة النمر،،،،
بقلم.. 🌹BATOSA🌹
ربك بابه ضل للناس
بس مفتوح
بابك ليش دومه
بوجهي اتسده
اذا جالك بشر
ويريد منك خير
انطيله حرام تفشله
وترده
........
نيمار... شفناهم ارتبكنه.همست للولد... ولك شنو هاي بس لا يذبحونه
مجيد... تعالو خل نكعد سوه لاتتفرقون.. علمود انموت سوه
اركان.... اگعدو وسكتوو بلا سخافه
طبينا السلام عليكم
ردو... وعليكم السلام
گعدنه بصف اركان علمود نتصرف مثله صبولنه گهوه شربنه اباوع عليهم يهزون الفنجان سويت مثلهم.. طبعا اني كلشي ماافتهم بلمضايف
اول مره بحياتي اگعد مضيف. بس مو معناهه ماعرف هزه الفنجان لا اكيد اعرفها.. بس خاف اغلط. وعلمود اتاكد اباوع عله اركان وگعدته وطريقة كلامه بتهذيب وياهم. يعني اله هيبه بلمضيف ومحترمينه..
جان المكان اله هيبته وناس مبينه اصيله اهل جود وكرم ولباقه الكلام..
كلامهم مثقف بطريقتهم الاصيله وحته الكلمه من ينطقوها مهيوبه. اتحسها سيف موكلمه .
الكلمه الها مكان اووجود حالها حال الشخص الناطق بيها. يعني صدك حجيهم مالح مثل ميكولون
وحنه گعدنه ابنصهم ابنطرونات بوري وتشيرتات ربع ردن بس حسن لابس قميص هم ربع ردن..يعني نشاز بلگعده ويه ناس شيوخ ومعگله
همس مجيد
مجيد.... ولك نيمار همزين لبست بنطرون جنت ناوي اجي ابرموده من وره هذا الحر
محمد.... يابطرون ولك انته لابس ستريج ملابسنه فضيحه... هسه يطردونه عله هذا البس
حسن..... ولكم ماگدر الم الكشره وضم سنوني. وين جبتنه نيمار الله لاينطيك عله هاي الطلعه. ولك بعدني مامتهني بسمر. وراح تموتني
نيمار..... اسكتو خلوني مركز بكلامهم
رحب بينا الشيخ وضيفنا بعدين اشرلي وكال
الشيخ.... تفضل بويه گول العندك
التفتت عله اركان اشرلي بمعنى احجي
نيمار...... احنه من بغداد. ونريد نخطب مره من هاي المنطقه. مالتكم. ندري ابوها ماراح ينطيها.بسبب اختلاف المذاهب.وبعد محافضتنه عن محافضتكم. وبما انو المكان خطر مانكدر انخاطر بحياة ناس ونجيبهم من بغداد الهنا حته يمشون عليها...وونعرضهم للخطر وحنه ماضامنين الموافقه لذالك اني واخواني اجينه ناخذ موافقة اهل البنيه... وبعدين انجيب اهلنه وسادتنه وتعرف طول الطريق وخطورته. الذلك اريدك تروح وياي نخطب منهم البنيه. . وبلمناسبه وديت عله شيخ افلان وراكم بكم شارع اريدكم اترحون وياي اثنينكم وتحلوها.
احنه هذول الاربعه. اشرت عليه وعله الولد ماداخليين مضيف.. ولاكاعدين بي ولانعرف سوالف الشيوخ
لاكن من دخلت هذا المكان شفت الكرم ولجود ولشجاعه العدكم رغم احنه مااكلنه ابيتكم بس شفت الكرم موجوود بوجوهكم وستقبالكم النه ومن طلبنه انضيفكم البارحه ماترددتو لحضه. وستقبلتونه مثل ولدكم. وبما انو انتم اتصعدون السواتر تحاربون وتواجهوون العدو بكل شجاعه وتساندوون جيشنه اوولدنه الشيعه فاني اريدكم وياي وتساندوني حته ناخذ بنت فلان الاخوي حسين همه شايفينه ويعرفونه وداخل بيتهم. همين
الشيخ.... هاااا يعني المره موالك
نيمار.... لا شيخ
الشيخ..... انته شسمك
كتله بابتسامه
نيمار..... نيمار
الشيخ... شنو نيمار... خوب نمر احله
نيمار.... صيحلي بليعجبك
الشيخ.... نمر احله
نيمار... بقه الشيخ يسال وانه اجاوب ماخله سؤال ماساله منا المه اخذ المعلومات كلها. وهم بقه مامطمئن.. بس وافق ايروح وياي
اركان.... يللله شيخنه انروح الشيخ فلان. حته لولد ايرجعون الاهلهم بقائهم اهنا خطر عليهم. ومانريدهم يتأذوون
الشيخ... يلله مشونه.... بس خل اندز اللشيخ خبر
نيمار.... دزيتلهم البارحه
الشيخ.... مستعجل النمر.. هذا عرس اخوك هيج لو عرسك اشلون
مجيد.... لاهوه ماناوي يعرس
الشيخ.... ليش
محمد..... مكروه محد تقبل بي
خزرهم اركان لان اليحجوون وياه شيخ مو مال شقه
ورحنه الشيخ الثاني.. وهم گعدنه ساعه واخذو معلومات عنا كامله
كال الشيخ الثاني.... عندي معارف ابغداد ونسال عليهم اهناك... اتفقو عله الكلام وعله كلشي.. ورحنه عله اهل البنيه.. وگعدو شيوخهم وماشربو الكهوه
ابو صفاء ارتبك ولونه تغير الان ماشربر الكهوه
أبو صفاء.... ابشرو مگضيه انشالله
حجوو الشيوخ طلبو البنيه... بعد كومه مداولات وحجج وعتراضات. اخر شي گال
ابوصفاء.....شلون واختلاف المذاهب
الشيوخ... تبقه عله دينها ماينفرض عليها شي. وناخذ وعد من عدهم ماتغير دينها
ابو صفاء..... بعيده عن محافضتنا شلون تروح وتجي اشلون اذا احتاجتنا
اشيوخ... يابه التلفونات اتخلي البلخارج بصفك لاتدور اسباب مالها معنى بعدين بغداد اامن من محافضتنه
ابو صفاء..... شلون نسال عليهم... شلون اامن بنتي عدهم وانه ماعرف عنهم شي
الشيخ.... عندي معارف ابغداد ادزهم يسألوون. ويتاكدون منهم ونطمئن كلش زين يلله.نوافق. لان بنتك مثل بنتي ولله شاهد عله كلامي
الشيخ... خويه أبو صفاء انته شايف حسين تعرفه. تعرف اخلاقه لو لاا
أبو صفاء.... اي خوش شاب ولنعم منه اكثر الامور الصعبه هوه يسويها النه مايخلي بنتي ومها يطلعن حته مايتحاككن وي الزلم... شاب غيور الله يستر علي.. ومن يدخل بيتي مايرفع عينه.. حته اتعلمنه علي ونأمن بي
كلش خوش ازلمه
وستمر الحجي كل شويه يطلع ابوها عذر والشيوخ يجابوون الحد ما مابقت حجه.. 3ساعات يتناقشون بلاخير صفت يسألون عمامها
اتذكرت مره كال حسين عمها خطبها الابنه
نيمار.... من رخصت الشيوخ.... وين عمامها
أبو صفاء.... هذا واحد ابو احمد يسكن جارنه. اواحد بغداد خطبها قبل فتره وصارت ضروف وتأجلت...
عمها جان موافق ماعنده اعتراض..بقه بس البغداد
المهم وگفت السالفه يسالون عمامها
رجعنه المكانه.. بليل گاعدين سالت
نيمار.... حسين جيب النه عنوان عمها البغداد
حسين... شسوي بي
نيمار...... اسوي حجاب وخلي بلمخده علمود يطرد الكوابيس. شبيك حسين اروحلهم غير
ولاتكول لااااا وتعترض.
ابغداد من شنو خايف بعد لو هم جبهه
حسين.... ولله اخاف تورط روحك وتورطنه بسالفه مانطلع منها
نيمار..... اصلا انته مكبر الامور.... لو شايفهم شلون يحجون اصلا ناس بسيطه وسباع ولله عجبوني اگلك ماعدها اخت😁
حسين..... صدك تحجي 🤨
نيمار..... جا شناقصني عين اذن ايد رجل😁
مجيد.... لا ونته الصادگ ناقصك عقل😒
نيمار..... انته انجب سحوره😜
مجيد.... لاتخليني اگل الحسين صفاوي😏
حسين..... اني شعليه انته ونيمار شكو حشرتني😡
مجيد..... مو نيمار مامكبل اهدده بيك😁
حسين.... 😡انجب اخر مره اجيب اسمها عله السانك
نيمار... 🙂يللله دك عله مرتك خل تنطينه العنوان
من كتله مرتك رأسا ابتسم
حسن..... 😁كلكم صرتو ابوكشره مو بس اني
مجيد.... انعدينه منك😒
اكلكم محمد وين
التفتنه لگينا مغطي راسه بلبطانيه ويسولف
اتقربنه منه جان نسمع
محمد..... حبيبي وللله مشتاقلج موتت. اتمنه كون هسه اطير واجي يمج. لج مو يومين اليگول سنتين ماصدكت اخذج بحضني انوب اجت هاي السالفه
لاتزعلين حياتي من اجي اعوضج ولله. اله اخليج اتگليلي ارجع بطلت عوفني وروح
ماشي گد كلامج... انشوف
مجيد خبث نعم صوته سوه روحه بنيه
مجيد..... شصار حياتي اتاخرت.. ماطلع تلفون هذا
نيمار....... احضني حبيبي دخلني بضلوعك
حسن...... اووووي لاتكركرني حبيبي هيهيهيهي
محمد.... شبيج هذوله الولد الزباله
لاتصدگين شسالفه...
مينا عليج الله صدگ يبين صوت ابنيه ولج هذا لو مو ينعم صوته يبقه صوت مطي
زعلتي صدك لا يمعوده..
شسالفتج مينا.
شبيج هذا مجيد ونيمار وحسن.. تعرفين بس واياهم اطلع
محمد...... اهووووووو ولي مالي خلك المياعه... وسده
نيمار....... هاي صدك هيج اتسده بوجها.
محمد...... يمعود ثوله. معقوله ماتعرف صوتكم
مجيد....... ههههههه اخر الحب ندم. بعدين مو صارلك ساعه تتغزل شبسرعه گلبت عليها
محمد...... انجب كله البله منك
وتلازم هوه ومجيد وساعه يتعاركو.. اخر شي
مجيد.... جيب تلفونك خل اني ا رضيها
دگ التلفون فتح سبيكر
مينا..... هااا محمد
محمد.... صرت محمد... وين راح حمود. وحماده ومودي
وبعدين ادكولين ها مادكولين الووو حبيبي
هاج هذا مجيد يسولف وياج مو اني
مينا... عزززه
مجيد..... عزه بعينج.عليمن هلعزه. بعدين هذا رجلج يخونج من يجيي للبيت اسحلي سحل. وبعد لاتخلينه يطلع. ابو البنات مايستحي عله طوله بطول النخله
نيمار... وعقله عقل الصخله
مينا..... لا ميسويها
مجيد..... شنو هل ثقه قبل اشويه 3 بنات گاعدات بحضنه.. شفته بهاي عيني المسدوده
مينا..... انته تحب تخرب.... واني احب اگلك تحلم
مجيد.... لعد ليش زعلتي قبل شويه. اذا تدرين جذب
مينا.... ادلع عليي غير حته يراضيني
مجيد... لو تموتين مايراضيج اصلا جاي يخابر من تلفوني عله صاحبته. وگال همزين مينا زعلت صار عندي ساعات اضافيه اتغزل بحبيبتي
طفر محمد اخذ التلفون وسد السبيكر
محمد...... ولج شو نزلتي دوسه ونص اتسولفين ويه مجييد. ولا جني زعلان
مينا...... انته گتلي اخوك واني احجي وياه عله هذا الاساس بعدين انته لو تدري بي موثقه ماتخليني احجي وياه
محمد..... ونتي حته لو مو عسل هم احب اكلج
الشباب... اوووووووو.
نيمار.... راح يترومس
مجيد.... انام احسن.... هاي سحيره الحقيره حته ماكدر اخابرها.. اووووووف. اووف ياربي ارحم عبدك العاشق
حسن..... اني هم طالع اخابر سمرتي
شويه وجانه حسن طاير من الفرح
حسن.... ولكم شباب عندي خبر يفلش.. ماتصدكون.
احزرو شنو😁
مجيد... سحر. خابرت
نيمار..... قبلو ينطون المره الحسين
محمد.... صار علينه هجوم
حسين..... ليش الهجوم يفرح
محمد.... الامر مو يكول من يصير هجوم كشرتك اشك حلكك معناها تفرح
حسن..... الله يطيح حضكم كلمن يفكر بروحه خربتو ابو الخبر😳
الشباب... يلله كول شنو😒
حسن.... راح تصيرووون عمام سمر حاملل😁
مجيد..... سويتها يلسبع😁. عفيه بخوي ابو سمره
نيمار.. عفيه باخوي النشمي.😂. ولله جنت اشك بيك..
محمد كام يهوس..🕺🏼🕺🏼🕺🏼🕺🏼🕺🏼. عمامه سباع ولشارع يسدونه
حسين..🤨 شنو عدكم عركه سادين الشارع
نيمار.. ركضنا حضنا وبوسنا صدگ فرحنه اني وحسن گمنه نبجي من الفرح ومجيد ومحمد يضحكون علينه
مجيد..... 😢شبي هذا نيمار صاير عاطفيّ
محمد...... شمدريني شو حته ابو كشره گايم يبجي
شكو شبيكم بس تتباجون🤨
حسين.. حنين مو بيده.. ولك نيمار من اكلك مايع ماترضه... هسه تتبكبك شنو معناها
نيمار.... ولله مادري طاك بوري بعيني يمكن🥺😁
المهم خلصت حفلتنه البسيطه وكلمن راح الفراشه
بقينه اني ومجيد
مجيد.... باجر نرجع البغداد الحبيبه مووو نمور
نيمار.... اي انشالله
مجيد.... بس اهنا حلوه تونسنه
نيمار...... يمعود تلكه محمد وحسن كلوبهم طاگه بعدهم عرسان مامتهنين بنسوانهم
مجيد..... شبيك نيمار احنه اعلاقتنه اكبر شنو نسوانهم الجيه وياك اهم قابل انعوفك تجي وحدك
نيمار..... اذا انته مزوج سحر جديد تجي وياي
مجيد.... اصلا ماعرفك ولك هاي سحر السحرتني بكل تفاصيلها.لك اموت عليها طولها شعرها لونها وين اكو بشر.هيج جنه گلوب تدري يانيمار اذا صارت حلالي نذر عليه ابوس كل مسامه بجسمها
نيمار..... ولك ولله كتلي هاي العباره الف مره ولله مليت منك ومنها. بعد لاتعيدها.. حته كام تكش روحي منك..
مجيد..... هههههه يمعود حلم قابل يتحقق
نيمار.... شنو رئيك من نرجع البغداد نخطبها
مجيد.... اشلون اخطبها وهيه مانطتني اشاره تبين بيها انو هيه تحبني
نيمار..... نخطب ونشوف
مجيد..... وذا خطبنه وبتعدت عني اكثر
نيمار.. كلها عادي نبقه أصدقاء وهاي السولف بطريقتك رجع الامور المجاريها
مجيد.... ولله مادري. افكر. صدك شبيك انته هليام صاير عاطفي وبسرعه تبجي
نيمار..... احس روحي مخنوگ مدري شبيه يمكن لان بعيد عن امي وابوي بس ارجع انام بحضنها بعد ماكدر اتحمل
مجيد....بس احنه دائما انسافر يومين اتلاثه ونرجع مو اول مره مبتعد عنهم يعني
نيمار...ولله مادري اله اگلك اني مااعرف شبيه بس مخنوگ وريد امي
مجيد.... 😁اعتبرني امك ونام بحضني
نيمار.... 😒ولي ولك امي ريحة الجنه بيها ولك شايف عطرها يموت. من اخلي راسي عله صدرها احس بأمان الدنيا كلها. تعرف يامجيد كل احنه بينه طبيعه من نتعب لو نضوج من شي وحته من نفرح انخلي رووسنه بصدر امي ونمرغ اوجوهنه بي مثل البزازين مثل الجهال حته ا منير وسالم
ذاك اليوم سالم اجه تعبان راح سبح واجه دخل راسه بصدر امي وضل يمرغ بوجهه
امي گالتله وين تريد اتطب ولك شكبرك اتصير بعد روح نام بحضن مرتك..
كاللها يمه عطرج ماكو عد كل مره الله ميزج بي بس انتي بعدين شمالني اخلي راسي بحضن مرتي ونتي ريحة الجنه بيج عله كوله انميير
مجيد..... ولله انته زعطوط زلمه شطولك تنام بحضن امك بعدين هذا سالم شكبره ماتخيله هيج يسوي شكله غثيث مومال هيج سوالف
نيمار.... اي هوه اقل واحد ينام بحضن امي...واني اكثر واحد انام بحضنها..وبحضن ابوي..مرات اگعد بليل اروح ادگ الباب عليهم ونام يمهم ابوي دائما يكلي يمته ازوجك وخلص منك كتله علمود نجي اني ومرتي انام يمكم ههههه گال وعلي اطلعك جلاليق هههههه....بعدين ليش انته ماتنام بحضن امك؟؟
مجيد.... شويه وكوم حته استحي انام بحضنها علرغم اني كبرت.. وهي بحضنها تنيمني بس من بلغت كمت استحي.. ماگدر
نيمار.... الگبر اي ولله جاانته منين جنت ترضع وتغسلك وشطفك وطببك وياها للحمام وتستحي تخلي راسك بحضنها.. ولك اني ادخل راسي حيل بصدر امي وشمشم بي شلون الجريذي
مجيد.... ههههههه لله علوصف
نيمار.... مانكر من بلغت صار عندي خجل بس غلست عله احساسي الحد مانسيت الخجل وبقت طبيعتي انام يمهم
مجيد... اكول ماخلفو وراك... طلعت انته ماتنطيهم مجال ينفردوون
نيمار..... هههههه يمكن صدك
مجيد.... هههههههههه
نيمار..... هههه شسالفه مو الهدرجه مضايقهم.. صفنت شويه.. ولله يامجيد شككتني بروحي هههه يمكن صدگ.
هههههه لاتصمخها اني مانام يمهم يوميه بلسبوع مرتين اتلاثه. بعدين اتركهم وره صلاه الصبح ومرات اروح يمهم وره الصلاه. مامعقوله. انه مضايقهم. لاتششككني بروحي
مجيد...... ههههههههاي.... من نرجع اسالهم
نيمار.... وهو كذالك..
يلله خل انروح انام باجر ورانه غبشه
مجيد..... يللله مشينه
رحنه نمنه
ساعه 2 مانحس اله صار هجوم علينه ولزلم صارطفارها ماله والي كلمن اخذ سلاحه وطفر
اجه حسين علينه يكرض ديربالكم اطلعون ابقو هنا وهذا الرمي بعيد مويمنه الاتخافوون..
وحنه اصلا ماخايفين. هوه وحده خابص روحه
شويه گال شدعي عليك يانمار المن اجيت وين اضمك هسه اني
اجه الامر يركض
اركان..... هااا حسين شعندك هنا يللله گدامي بسرعه
حسين..... سيدي وذول
اركان...... كل واحد انطي اسلاح.ونته ا طلع الحگ ربعك
حسين.... ماگدر اعوفهم سيدي.. خاف يصير عليهم شي
عاط الامر بعلاة صوته
اركان..... يلللله گدامي بسرعه طاحت كومه زلم هوه خايف عله اخوه. شنوو اخوك ربه وحد حاله حال هاي الشباب يللله بسرعه گدامي جبااان
حجاها وشمر علينه كل واحد سلاح وراح
بقينه بس احنه وكم جندي حارسين المدرسه
حسن.... هسه شنسوي
مجيد.... لازم نطلع منا
محمد.... وين انروح
نيمار.... البنايات بصفنه فارغات.... امشونه نكعد بيهن
رحنه خبرنه الجنود الويانه انعوف المدرسه ونطلع للبنايات الفارغات.هيج احساس اجه ابالي احتمال ايضربونها.. طلعو الجنود.. بس اثنين لطشو ماقبلو يطلعون طبعا انقسمنه نصين.. نص اليمين المدرسه ونص اليسارهه صعدنه فوگ البنايات المفلشه ونراقب بعد مرور 3 ساعات.. شفنه اربعه اجو مسلحين يشبهوون الدواعش
واحد من الجنود گال ذول داعش
مجيد..... خل ارمي عليهم اني
محمد...... واني وياك
نيمار..... اني وياكم
حسن..... اني ما ارمي. اول مره لازم اسلاح
مجيد... علساس احنه لازمين قبل
نيمار حسبنه 321 وصلو يم باب المدرسه خرطناهم بلسلاح اتفجرو.ماعرف الحزام اتفجر لو هم فجرو ارواحتهم.... وراهه عشر دقايق وگع صاروخ علمدرسه وره ربع ساعه طاح الثاني انمردت المدرسه مرد
اشتباكات من2 ال 8الصبح الجنود عله السواتر يواجهون العدو.. وحنه باقيين نراقب ميتين نعاس اشاهدنه ونمنه... گعدنه 10 عله هوسه شگبرها باوعنه من فوگ شفنه الجيش راجع نزلت ركض گلبي يم حسين. شفته امدد وكله دم لو اني تخبلت
