(58)
صداقة النمر،،،
بقلم....🦋 BATOSA 🦋
جا هيج الگلوب الحلوه تتغير
جا هيج الگلوب البيض تتغير
ولك حنيت للماضي
اليوم اتذكرت كل حلوه عشناها
وعله الشينات متغاضي
من امشي اعله رايك حته بلموزين
وتشاور وياك مشاور القاضي
لاتسأل عليه شلوني بلياك
بلحض ولبخت گاضي
كم مره گمت زعلان من عندك
وارجع محد مراضي..... بس راضي
بعد منا وكلمن يلتهي بروحه
انه الياوكت شايل قلق رسام
عين اعله اليرسمه وعين علوحه
دخل انفض شراكتنه
وكلمن يلتهي بروحه
$"$"$"$"$"$"$"$"$"$"$"$"$"$"$""$"$
مجيد....
اني عندي حل الهاي المشاكل
التفتو الولد الي
مجيد... لازم انفض هاي الصداقه
وكلمن ايروح ابطريقه ويشوف حياته
نيمار...
رفعت حواجبي باوعتله وضحكت بستهزاء..
هذا كل عقله يحجي هيج.. يعني
واعي للشي الي جاي يگوله
باوعت بعيونه لحضات اريد اشوفه يحجي صدك لويتشاقه وحته لو جان شقه مالازم يحجي هاي الكلمات ... ركزت وشفت بعيونه.. تردد،، وخوف،، وندم،،، وحب،، اي، حب، جان اكو بعيونه حب الهاي العلاقه ..مستحيل يقصد الي جاي يكوله بس ليش حجي هيج..صحت... مياااااار...اجت تركض
ميار..هاااا
نيمار...
اخذيني الغرفتي لان الكعده صايره كلش ماصخه
ويه ذول
ميار....
اتفاجئت بنبره صوت نيمارر اول مره سامعه هاي النبره بصوته حسيتها نبرة خنگه وغضب.. غضب اول مره اشوفه بعيون نيمارر.. عگد حواجبه بقوه رفع طرف شفته باتسامه قهر وحجه هاي الكلمات .. وجانت اعيونه عله مجيد... اتقدمت اريد اساعده.. كام مجيد
مجيد.. اني اساعدك
نيمار.. رفعت اصبعي بوجهه.
انته اخرر واحد تحجي وياي. وتتقرب مني
محمد.. خليني اني اساعدك.. اني معليه بكلام مجيد
نيمار.. لو اريد واحد منكم... جان طلبت منكم
بس اني اريد ميار تساعدني.. الله لايعوزني الكم
ميار..
اتقدمت علي لزم جفي وعصر اصابعي حيل او وكف جانت ايدينه ترجف.. رفع عينه وباوعلي.. شفت اعيونه دم.. بياض اعيونه صاير احمر حسيتهن راح ينفجرن بوجهي.. بلعت ريگ من الخوف..بعدت نضري عنه بسرعه ..شنو هذا الغضب الي بداخله...شگال مجيد ليش يباوعله هيج..الف سؤال دار براسي.شنو الي صار بهاي الحضات الي تركته بيها. اخذته للغرفه وكعدته علفراش.. هستوني اريد ابتعد حته اخلي يمدد براحته لاكن سحبني اله وگعدني عله رجله....
نيمار...ضميت وجهي بصدرها..
احضنيني حيل. ميور. بكل ماعندج قوه
ميارر...
ضميته الي بقوه مثل ماطلب.. وجان كلش حارر حسيت حرارته فولت.. بقينه لحضات عله هاي الحاله. حسيت انفاسه تلسعني من الحراره...... نيمارر اسبح حته اتخف حرارتك
نيمار..
انعس راح انام من اكعد عود اسبح
ابتعدت عن ميارر ومددت وخليت معصمي عله اعيوني وحجايه مجيد احسها سجين مغروز بگلبي.. شلون يحجي هيج بعد كل هاذ التعب ولمعاناة وعشرة العمر يحجي هيج بهل سهوله... اعرف مجيد عصبي ومن يعصب يخرب الاول ولتالي اعرفه كلش زين... بس كانت هاي الكلمات اول مره تنطق بيها شفايفه. حييل اذتني
