23
صداقة النمر،،،،
بقلم... 🥀BATOSA🥀
يبو نظره الغميجه التاخذ الروح
ينكهة دارمي وبحلوگ شياب
متنازلك وعل يوجعن دوس
وفركهن الحد ماتشم عطاب
*::*::*::*::*::*::*::*::*
مياررر...
ماحس اله لزم جتفي .. فزيت فزه وگفت گلبي..
من شفته تمنيت ادخل بضلوعه مو بس بحضنه حته مايگدر يتركني بعد... كوه لزمت ادموعي مابجيت گدامه
بعدين دخلنه جوه راح يحجي ويه ولد من ذول ليخدمون الامام.. شويه واجت ابنيه.. ضل نيمار يوصيها عليه.. واني اباوع علي حيل اخاف اتركه واروح خاف يعوفني.. ماعرف ليش كل الي خطر ابالي ذيج الساعه راح يعوفني
رحت وياها من مشينه مسافه گالت
البنيه.... هذا زوجج
ميار... اي
البنيه..... الله يخلي شكد خايف عليج
ميار... لان اول مره جايه هنا
البنيه... انتي مو من بغداد
ميار... اني من العماره
البنيه.... حيييل اشلون ازوجتي هنا لو هذا گراييج
ميار.... ابن عمي
البنيه.... اگول شوداه للعماره... بس امبين يموت عليج.. مشيتي وعيونه وراج
ميار......همست داخلي.. معقوله يحبني وميگول...بس هوه كال گلشي اوفرلج بس لاطلبين مني حب...معقوله غير رئيه ودخلت گلبه. ..
قطع افكاري منظر شباك الامام الي اول مره زايرته
اول ماشفته نزلت ادموعي ماعرف ليش
وگفت من جمال وهيبة المكان احس روحي دخلت الجنه
جان تلتفت البنيه الي وتسحبني من ايدي واخذتني يم الشباك. لمسته باصابعي واني مامصدكه.. اول مره بحياتي ادخل مكان مقدس.. جانت فرحتي ماتنوصف
ودموعي ماتوگف.
. دخلت زرت وطلبت من الامام يحمي نيمار ويخلي اليه ومايحرمني منه لان هوه كل اهلي وتمنيت يحبني من گلبه مو يهتم بيه شفقه او واجب متقيد بي وتمنيت اكدر اسعده وصير أله زوجه صالحه كل شي دعيته جان النيمار.. كملت ازياره اريد اطلع. گالت
البنيه... صلي جوه احسن.. وخذي كتاب وقري الزياره بلمكان المنتضرج بي زوجج
ميار... صليت او رجعتني للمكان الگال علي نيمار لگيته منتظرني..اشكرت منها ورجعتله. من شافني ابتسم وصلت يمه گالي
نيمار... الزياره مقبوله
ميار.. قبل اعمالك. انته زرت لولا
نيمار.... لا... هسه راح ادخل... ماكدرت ازور وعوفج گلت خاف تجين وماتلگيني وبعدين تگلبين الدنيا عليه بلبجي ونيمار.. ويانيمار... وبعدين يشوفني ويگلولج هوه هذا الملح كتلتي نفسج علي.. من امداج😁
ميار.... ههه علساس اكو احله منك ويعيبون😁
نيمار.... هااا يعني اني حلوو😉
ميار... ابتسمت. .. كال... ☺️
نيمار... لعد ديري بالج عليه لا يبوگوني منج...😉😉 يلله راح ازور مو تتحركين من مكانج ابقي نفس المكان عله مااجي.... انزرعي اهنا. خوش...
نيمار....
من راحت وي البنيه بقيت منتظرها.. گلت خاف تجي وماتلگاني وتخاف..
بقيت ابمكاني واگف واني اكول يربي شورطت روحي بهاي الزواجه لمن جبتها هسه اني.. لحضه شكيت بلبنيه.. گلت خاف اتعوفها... مانكر بهاي الحضات حسيت بنتي داخله مو زوجتي. واني منتظرها وخايف عليهااتضيع
بقيت بقلق.. هيه ماطولت بس مدري شبيه خفت.. من شفتها اجت يلله رجع الهوا الريتي..احسها مسؤليه اكبر مني ماگدر اتحملها.... من شافتني عيونها ضحكن اني هم ابتسمتلها
ومن گتلها خفت عليها ومنتظرها وجهها حومر من الفرح رغم جان لبسها كله مخربط وماعاجبني بس اني ماشوف بس وجهها الجنه گمر ودايره الحجاب.. ابتسمت ...
دخلت زرت
وطلبت من الامام يقويني ولا يخليني اضلم هاي المسكينه وياي... زرت الامي وابوي وحسين وصدقائي.وحته اركان لان اتذكرته واخواني
وطلعت.. لگيتها گاعد تقره بمكانها مامتحركه
بقيت واگف قريب الحاجز وصليت ماگدر اصلي جوه خاف اتأخر عليها ... كملت صلاه وهيه تقره بقيت دقايق واكف اباوع الها..الى ان كملت وسدت الكتاب ورفعت عينها للحاجز... شافتني راسا ابتسمت
ميار... الزياره مقبوله
نيمار.... مني ومنج انشالله... يلله انروح
ميار... يلله
رحنه نتمشا وهوه لازم ايدي واني الدنيا ماسايعتني من الفرحه.. دخلنه مطعم كلش حلو شكله.. سالني
نيمار... شتاكليين
ميار.... مو جوعانه....
وصفنت من اتلاكن اعيونه فجأه
بقيت صافنه علي..رغم الابتسامه الي جانت عله شفته
بس اعيونه كلش حزينه وتعبانه.
معقوله يجي يوم ويحبني ولو اذا بقه هيج هم كلش كافي ماريد اكثر بس هم اتمنه يگلي احبج لو حبيبتي
