(76)
صداقة النمر،،،
بقلم... 💫BATOSA💫
گولوله..
شو طال البعد مو كافي ياناسينه
ولروح ماتصبر بعد صار البعد ياذينه
گولوله..
نشفنه الدمع. ومشتاگه عيني العينه
وگولوله.. ذبلنه السهر ولطيبته حنينه
وصلوله كل كلمه وحرف
بلكن يحن اعلينه
ماعشنه، متنه بغيبته، تعذبنه ونذلينه
وصلوله، اخذوله الگلب
ايشوف الجروح بعينه
حته الحجر گلبه انفطر من شاف هم البينه
گلوله
مو طال البعد مو كافي ياناسينه
%•%•%•%•%•%•%•%•%••
%•%•%•%•%•%•%•%•%••
ميار...
شكد حلوو، من انته اتحب شخص، ويتوج حبك بلزواج ويثمر بطفل يرمز التمام العلاقه اووصولها للكمال.. شكد حلوه من نلعب ونتعارك ونتصالح الخاطر طفلنه.. او شكد حلوه من احنه واحد مشتاق للثاني اوواحد ايحب الثاني بس من نتزاعل انخلي الطفل حجه حته نقترب حته نستمر ،، وعله الرغم احنه واحد ايحب الثاني ونستمر حته بدونه.. علاوي عيشني اجمل احساس ابحياتي.. حسيت بلامومه،،وحسيت نيمار اب، جان شكله وحركاته يثبت بان هذا الشخص راح ايكون اجمل اب بلدنيا.. ماأحسد لبنات لان عدهم اطفال ومالكات حبهم.. بس اتمنه اني هم اوصل هاي المرحله الي همه واصليها.. التمام ولكمال الي ابعلاقتهم اتمنيت اوصله، واعيش بي، واكيد ويه نيمارر راح ايكون احله.. حسيت بنيمارر من لمنه بحضنه، وحسيت بنظراته الي توضح حته هوه يتمنه انعيش هاي الحضات ويه طفلنه.. ابتسمت واني احس بي ايحاول ايقربني اله لاكن علاوي جان حاجز ومايكدر يتقرب اكثر يخاف ياذي. فتحت عيني شفته مغمض ومعبس احسه يرزل بعلاوي بكلبه.. رفعت ايدي وخليتها عله خده، فتح عينه بسرعه وبتسم
نيمار.. ليش كعدتي
ميار... اشتاقيتلك وكعدت
نيمار..
انتي اكبر جذابه،،ويلله وخري ايدج عني. لوتكومين اتصلين لو ترجعين اتنامين وتخليني انام اشويه..
كامت والفت شعرها
ميار..
ونته هم اكبر جذاب وماراح اتنام بس انته اتحب اتخبث واني ماراح احجي لان علاوي اهنا.. كمت صليت ورجعت لكيت نيمارر صدك نايم.. مددت بصفهم ونمت
سمر...
كلش وحشه عله علاوي ماگدر اتحمل بعده عني وحته حسن كلش ضايج علي.. وطيبه صارت حبابه كل شويه ادكول اويي اوي.. وتفتر وراي بهذلتني كل مره اكعدهم بلغرفه وطلع.. بس هسه طيبه ماگدر اتركها وحدها. اتگوم تبجي.. رجع حسن من الشغل كله اتراب ومحموس حمس من الشمس وكلش تعبان
حسن.
. مامتعود اترك البيت بلايه افلوس هيج كلش ماكوو.. يعني هسه اذا واحد يكلي انطيني ربع ماعندي كلش ضايج وروحي طافره وهذا علاوي ماعرف شبي.. لذالك خليته يم نيمار وكلت بليل ارجعه.. اشتغلت وكملت اخذت يوميتي من نيمار ونطيتها السمر سبحت ومددت.. لحضات وجابت الاكل.... موجوعان
سمر.. واني منتظرتك وماماكله شي من الصبح
حسن... سمر بله هلسوالف تره مالي خلكج واريد انام
