(99)
صداقة النمر،،،،،
بقلم... 🔥BATOSA 🔥
((لفضول هو احدى الطرق المؤديه للحب))
ــــــــــــــــــــــــــــــــــــــــ•♡••
مجيد.. يعني اني اول واحد ينام اهنااا
بشرى.. لاااا
مجيد.. رفعت عيني الهااا
... شنو يعني
بشرى.. عكد حواجبه وبلوعلي بخزره
رقيه قبلك يوميه اتنام اهناا
بقه صافن بعيوني
خير شبيك
مجيد.. اعيونج بحر
بشرى.. ابتسمت اعيونك احله
مجيد.. لاتجذبين..
اني كلي حلوو مو بس اعيوني
بشرى.. مغرور
مجيد.. هههه هاي عليمن
بشرى.. عليه.. يلله نام
مجيد.. ماريد. اريد اشبع منج
بشرى.. مجيد
مجيد.. هممم
بشرى.. علاقتك بخطيبتك الاولى وين واصله
سكت مارد عليه
هم نيمتك بحضنها هيج
مجيد..
لاااا اني مو من هذا النوع الي اينام بحضن مرته..
بس انتي وحد انتي احسج طفله من اشوف تصرفاتج البريئه ، واحسج ام من اشوف مهتمه باهلج ونشالله زوجه من احتاجج
بشرى... ليش ماتسولفلي عله خطيبتك
مجيد.. شي راح ونتهااا ليش حته انسولف بي انسي الماضي احنه ولد اليوم
بشرى.. بس اني اعرف انته بعدك تحبهاا
مجيد.. رفعت عيني الهاا
لااا ماحبهااا،، بس اني مقهور عله ايامي الي ضيعتهاا وياهاا 3 اسنين واني ابني احلام وأمنيات وكلشي جنت مخطط اله وتالي،،،،
بشرى.. وتالي شنووو
مجيد.. شبيج انتي اليوم
بشرى.. علاقتك بيها واصله للزواج ويمكن متخطي كل الحدود وياها
مجيد.. لاااا ،، صح امسوي وياها اهواي أشياء بس اكيد مامتزوجهاا
بشرى.. مجيد تره اني اغااار ولله وكوه اتحمل هيج اسوالف
مجيد.. ههه رفعت راسي وسحبتها الصدري
ونتي ليش اتذكرين هذا الموضوع ليش اتقهرين نفسج بيدج
بشرى.. لان انته بعيد عني ولان ماعرف ليش تركتهاا وحتمال باجر عكبه كلبك يحن وترجعلهااا
مجيد.. لو وزنوهاا ذهب ولو صارت هوااا
مستحيل افكر اطخ اضفرهااا مو ارجعلها لج اني امد روحي بكبر وماامد طولي ويه طولهاا
بشرى... ليش تركتهاا
مجيد.. يعني ضروري اتعرفين
بشرى.. اتمنه اعرف
مجيد.. جانت اتحب غيري
بشرى. شنو يعني
مجيد..
يعني اتنام وياي وعقلها وكلبها الغيري يعني تحضني وتتخيلني حبيبهااا.. يعني خااينه اتعرفين شنوو وحده خاااينه يعني تلعب علحبلين يعني تعشگ رجالين يعني،،،،، استغفر الله ربي
