(59)
صداقة النمر،،،
بقلم....🦋 BATOSA🦋
من اطب للبيت ولگه مريتي ماهيه
اختنگ وتراجف ومدري شيگب بيه
وخابرها واگلها البيت مظلم صار
ياشمعة البيت الشمعه مطفيه
عوفي اهلج تعاي الحضني بارد صار
يبعد اعيوني يمرتي العنوديه
يجوريتي الاشمها من اختنك بليل
يلمثلج بعد ماتصح جوريه
الحياة بدون وجهج فلس ماتسواش
وفراغج ماتسده 12 حوريه
*$$*$*$*$*$*$*$*$*$*$*
حسن...
اذا جان الموضوع يخص اخواتي افكر بكل حكمه و عقل.. حته اخذ القرار الصحيح لان من مسؤوليتي احميهن واامنهن بكل ماعندي من قوه لذالك من اريد انطيهن.. انطيهن الشخص مايضلمهن ولايضيعهن.. اريده قوي حته يحكمهن ويأدبهن واريده طيب يحتويهن ويداريهن.. اريد انطيهن الشخص يشبهني.. اني اب الهن مو مجرد اخ وماارتاح اذا ماامن عليهن..اني مثل الاب الي يحمي اطفاله ويفديهم بروحه هنه اطفالي ومستحيل اقبل ينجرحن حته لو مقدار اصبع.. واي وحده بيهن ماقبل عليها مو بس تقى لذالك كل نسايبي يحسبولي الف احساب.. اني وياهم مو حسن الطيب اني وياهم اب يفدي بناته بروحه بس
اسلام جان شاب كامل المواصفات مابي شي يعاب
خلقه واخلاق وضيفه ممتازه.. وكل طلبه انسانه تفهمه ويكمل وياها حياته ماعنده اشروط ولاايريد موصفات
واخر شي يهتم بي هوه الجمال الخارجي
ماكو سبب يمنعني حته ارفض طلبه
بس ماعرف ليش غيران منه وماريد انطي.. اتمنيته يطلب لو يتشرط او يحجي اي كلمه بس حته ارفض لاكن ماكوو...جان انسان هادئ احسه يعرف الي يدور ابداخلي ويقره افكاري. حسيته يعرف اني واگفله عله زله الذالك. اشرطت علي اتمنيته يعترض
اني بنفسي متفاجئ من نفسي لان هيج غيران
نيمار...
اباوع عله حسن واتمنه اضحك علي لان معبس وجهه وباقي بس يتسمع.. وهوه مسوي بحث كامل عله اسلام مالازم علي اي شي. وهدؤ اسلام ورزانته وجمال شخصيته تجبر حسن يسكت الذالك الغيره بينت بوجها شكد صارلنه وياه وشكد انسولف ويه سمر ونتشاقه بس ماشفنه هاي الغيره بوجهه.. اتمنه اضحك علي لان كاعد ومعبس.. وبس يتصفن بلوجوه.. جان كاعد مقابيلي بصف ابو هوه ومحمد.. وحنه نعتبر ويه اركان لان ابوي الي خطب.. بقه اركان واسلام بس ساكتين.. وحسن تقيد لان ابوي الي طلب ايد البنيه..و من حجه وكال عندي شرط اتفاجئنه.. كل احنه التفتنه علي... صدك خفت يرفض..
اسلام...
حسب الي سمعته من اركان اتوقعت حسن فاهي وماعنده شخصيه لذالك جنت مامقتنع بهاي الخطبه ورفضت اجي بس اركان الح عليه وكالي ماتلكه مثلهم ذول ناس ذهب.. شكد حاول يقنعني بس اني ماقتنعت وفعلا اجيت اخطب واني مامقتنع وكل نيتي ارفض
لان هوه جان يكول حسن فطير وفاهي وبسرعه يبجي ابو دميعه واسمرر حيل وضعيف.. يعني اذا اخته اتشبها كارثه هاي من غير اذا الاطفال يطلعون عله خوالهم مصيبه.. جان كلش ماعاجبتني شخصيه حسن حسب الي سولفه اركان.. وراكان كلامه كله شقه لذالك حته من يحجي صدك ماصدگ بي.. لاكن من شفت حسن.. صدك خفت منه.. امبين شخصيه كلش قويه وقياديه اما الشكله الخارجي جان طويل وجسمه حلوو بس مو ضخم مثل اصدقائه بس جان جسمه مرتب.. موضعيف بس مو ضحم.. وسط يعني.. وشخصيته كلش حلوه وسماره حلوو وطبيعي.. اما من ناحيه كلامه وهدوئه اتحسه شيخ او ابن اشيوخ ماعنده تفاهه اوخفه... حسيت اول مره اشوف هيج رجال رزن وعاقل حته احسن من نيمارر بطريقة الكلام.. عكس ماوصفهم اركان.. لان اركان جان دائما يمدح بنيمارر عكس الولد.. اما اني شفت حسن ممتاز.. صدك رجال وكله هيبه ورجوله.. بحيث استحي اباوع بوجه
.. حجه حسن وكال اني عندي اشروط
لاراديا جاوبت... تأمر التريده يصير
صدك انعجبت بي وخفت منه
لان من جانوو يحجوون ويتناقشون جان هوه يصفن عله كل واحد بيهم وجنه يخزن كلامهم اباله
