The Fake Heiress : 4th Gen Series #3: Hades and Elis: COMPLETE

Kabanata 15 : Pagtatangka

Kabanata 15 : Pagtatangka

NLC Manila

"Nagsasagawa na po ng pagpili ng modelo, Chairman." sabi ni Gelai sa amo ng magbigay siya ng balita dito.

Napatingin si Hades sa laptop niya, okay ang sales ng kompanya at katunayan magaling nga maghawak si Elis. Katulad ngayon hands on si Elis sa paghahanap ng modelo na hindi pinapaubaya sa mga tauhan nito.

"Sir, may nagsabi sa akin na maraming pumatos sa offer na talent fee ni Madame kabilang doon ang mga sikat na artista at modelo, at mga hindi inaasahang tao tulad ng may anak daw na politiko roon at isang sikat na reporter." sabi ni Gelai na ikinatingin ni Hades dito.

"Reporter?" sabi ni Hades na nagtaka dahil binabasa niya ngayon ang project na iyon ni Elis para sa ilalabas nitong lingerie na ito ang may gawa. Isang lingerie na imomodel ng walang panloob tulad ng ginawa ni Elis sa kuwarto nito ng makita niya ang dalaga sa harap ng salamin.

"Yes Chairman. Si Eye, iyong reporter na nahuli ng tatay sa mismong tv station nila." sabi ni Gelai.

"Tsss. Hindi siya titigil sa grupo namin at mukhang nakakaamoy kay Elis." sabi ni Hades.

"At saka po pala Chairman, nasa NLC Makati si Airess kasama ng yaya na pinakuha ni Madame sa mansion." sabi ni Gelai na ikinatiim ng bagang ni Hades dahil ang usapan nila ni Elis hindi isasama ang bata dahil tiyak may mga media na nakakatunog tulad nga ni Eye.

"Tawagan mo si Fidel at ipakuha niyo ang yaya at ang bata habang busy si Elis." sabi ni Hades na ikinatango ni Gelai

"Yes Chairman. Pero may isa pa po pala akong saabihin." sabi ni Gelai.

"Ano iyon?" sabi ni Hadesa.

Napatitig si Gelai sa amo, nakaupo ito sa dating upuan ng amo niyang si Elis. Seryoso nakaharap sa laptop nito at mula ng ilang araw na ito nakaupo roon naging maaliwalas ang lahat sa empleyado ng NLC kabaligtaran kasi ni Hades si Elis. Madaling pakitunguhan at madaling ngumiti si Hades sa kanila. Bukod doon hindi ito mainipin at hindi ka maiilang na kausapin kahit pauta-uta tulad ngayon na ginagawa ni Gelai.

"May isa pa pong nakakagulat na nag-apply sa site." sabi ni Gelai.

"Sino?" sabi ni Hades na napakunot noo dahil wala siyang maisip sa tinutukoy ni Gelai.

.....................

NLC, Makati

"Baka magalit sila lolo Orion." sabi ni Lisica kay Astraea ng samahan ito sa NLC Tower.

"Hahaha! Sayang ang offer rarampa lang naman." sabi ni Astraea na halatang excited ito.

Napatingin si Lisica sa pinsan, maliit si Astraea na tila highschool lang ang height o baka nga elementary lang kaya malabo din na matanggap ito at baka kasuhan ang kompanya ng child abuse na hindi naman niya masabi dahil baka ma-offend si Astraea.

"Kahit na, at saka nakita mo ba ang nakalagay diyan lingerie ang isusuot mo na walang... ewwww." sabi ni Lisica na napasign of the cross.

"Hahaha! Sister, huwag po kayo mag-alala magkukumpisal na lamang ako after nito." sabi ni Astraea dahil laki sa kumbento si Lisica na nasa Spain pa. Kauuwi nga lang nito buhat sa ibang bansa.

"Astraea, magagalit si lolo Orion at baka ipatapon tayong dalawa." sabi ni Lisica.

"Hahaha! Ano ka ba? Independent woman ako." sabi ni Astraea habang nasa masikip na dressing room ang dalawa kasama ang ibang aplikante o feeling nga ni Astraea contestant dahil parang contest ang sasalihan niya na nag-uudyok ng mas lalong kapana-panabik sa kanya.