The Fake Heiress : 4th Gen Series #3: Hades and Elis: COMPLETE

Kabanata 4 : Mga Eba

Kabanata 4 : Mga Eba

Flashback

Years ago

"Makikipagbreak na ako sayo." sabi ni Elis na ikinagulat ni Amon pero wala naman siyang naramdaman sakit ng kalooban.

"Bakit?" sabi ni Amon.

Napatingin si Elis sa paligid, nasa isang kilalang restaurant sila ni Amon kung saan nagde-date sila magkasintahan. Tulad ng dati may bulaklak, sweet gestures at masarap na pagkain, magandang ambiance ng lugar.

"Nakikita ko kasi na parang deretso lang tayo." sabi ni Elis na totoo naman dahil cosistent si Amon na tila pumapasok lang ito sa opisina. At pakiramdam ni Elis habang tumatagal tila lamang negosyo ang lahat sa kanila ni Amon na ikinaboboring niya.

"Paanong deretso?" sabi ni Amon na sumeryoso.

"Amon, matagal ng tayo at kilala mo na ako. Simple lang talaga ako kahit na nakikita ng lahat na masyado ako mataas pero ang gusto ko kasi isang tulad mo na may buhay." sabi ni Elis.

"So, wala akong buhay?" sabi ni Amon na ikinangiti ni Elis.

"Masyado kang perfect na baka dumating ang araw hindi na tayo magmatch kasi alam mo iyon ganito ka." sabi ni Elis sabay westra ng kamay ng deretso.

Napatingin si Amon sa nobya, ilang araw mula ng makita nila si Katara at si Numa tila nagbago ito. Pero hindi naman niya nakikitaan na nagseselos si Elis, at sigurado siya na hindi naman alam ni Elis kung sino si Katara sa buhay niya dahil si Elis ang taong hindi tsismosa, o walang pake sa buhay ng iba. Self centered ito na mas gusto na ito ang pinag-uusapan.

"Perfect? Hindi ba mas maganda iyon para sa ating dalawa?" sabi ni Amon.

"Oo mas maganda pero malamig." sabi ni Elis na ikinakunot noo ni Amon.

"Malamig?' sabi ni Amon.

"Cool off. Sige iyon muna tayo, then kapag okay na uli ituloy natin." sabi ni Elis na ikinatitig lang ni Amon sa kanya.

..............

Present Day

"Pilitin niyo." sabi ni Elis.

"Madame ayaw nga po." sabi ng isang tauhan kay Elis.

"Kapag hindi niyo napilit lahat kayo tanggal dahil ibig sabihin hindi kayo effective." sabi ni Elis na ikinatingin ng mga tauhan nito sa isa't isa.

Napatingin si Elis sa opisina niya kung nasaan sila ngayon, pinatawag niya ang mga tauhan dahil sa matagal ng tao na gusto niya magmodelo sa lingerie company niya.

....................

Flashback

Year ago

"May hinahanap ka?" tanong ni Elis sa lalaking nakatunghay sa gusali niya ang NLC Tower na nasa Makati. Nakatalikod ito sa kanya kaya hindi niya makita ang itsura nito bukod sa matangkad ang lalaki.

Hindi sumagot ang lalaki nakasuot ito ng shades at nakasumbrero, nakajacket na itim, maong na pantalon o rugged style ang dating na tila ito isang Secret Agent sa napapanood niyang mga pelikula.

"Minamanmanan mo ba ako?" sabi ni Elis na hindi naman siya natatakot dahil marunong siya ng self defense at malapit na siya sa vicinity ng gusaling pagmamay-ari ng pamilya niya.