၎င်းက မိုးကြိုးစွမ်းရည် သိုင်းပညာတစ်မျိုးဖြစ်သည့် ပျက်ဆီးခြင်း မိုးကြိုးလက်ဝါးပင် ဖြစ်သည်။
ကျွင်းဝမ်ကျဲက ၎င်းကို ကပ်ဘေးမိုးကြိုးတိုက်ခိုက်ရေးခန္ဓာနှင့် တွဲဖက်အသုံးပြုပါကာ ကောင်းကင်တံတားနယ်ပယ်မှ မည်သူမဆို ဒဏ်ရာအပြင်းအထန်ရသွားပေလိမ့်မည်။
"နတ်ဘုရားသားတော်၊ သတိထား"
ကျွင်းကျန်းကျန့် မနေနိုင်ဘဲ သတိလှမ်းပေးလိုက်၏။ကျွင်းရှောင်ယောက်က သန်မာလျှင်ပင် ကျွင်းဝမ်ကျဲကလည်း အားမနည်းပါချေ။
ယခင်ကဆိုလျှင် သူနှင့် ကျွင်းလင်းလုံက အတူတူခုခံသည့်တိုင် ကျွင်းဝမ်ကျဲထံမှ တစ်ကွက်ကို မခံနိုင်ခဲ့ကြပေ။
သို့သော်လည်း စကားဆုံးသည်နှင့် ကျွင်းကျန်းကျန့်မျက်လုံးဟာ ကျွတ်ထွက်လုမတတ် ပြူးကျယ်သွားခဲ့သည်။
ကျွင်းရှောင်ယောက်က ဘာမျှမပါဘဲ ရိုးရှင်းသော လက်သီးတစ်လုံးကို ထုတ်ဖော်လိုက်၏။ သို့သော်လည်း ယင်းက နဂါးတစ်ကောင် ဟိန်းဟောက်လိုက်သကဲ့သို့ပင်။
နဂါးတစ်ကောင်၏ပုံရိပ်က သူ့လက်သီးကိုရစ်ပတ်ကာ ထွက်ပေါ်လာသည်။
၎င်းက ဘိုးဘေးနဂါးသိုက်မှ နဂါးလက်သီးသိုင်းပင် ဖြစ်ချေသည်။
သူက တချိန်တည်းမှာပင် ဤလက်သီးချက်နှင့် ဂျင်သန်းခုနစ်ရာခွန်အားကို ပေါင်းစပ်ထုတ်ဖော်ခိုက်၏။
စွမ်းအင်နှစ်ခုက ထိပ်တိုက်တွေ့ဆုံသောအခါ ကောင်းကင်ယံ၌ တဂျုန်းဂျုန်းမြည်သံများပင် ထွက်ပေါ်နေတော့သည်။
မြေပြင်ကလည်း တုန်ခါနေရသည်။
ကြောက်စရာစွမ်းအင်များက လှိုင်းလုံးကြီးကဲ့သို့ ဖြာထွက်လာကာ နန်ထျန်းမြို့တစ်ခုလုံးကို လွှမ်းခခြံသွားခဲသည်။
အားလုံးက စိတ်ဝင်တစား စောင့်ကြည့်နေချိန်တွင် လူရိပ်တစ်ခုက အရုပ်ကြိုးပြတ် လွင့်စဉ်သွား၏။
၎င်း ကျွင်းဝမ်ကျဲသာ ဖြစ်တော့သည်။
သွေးများကလည်း ကောင်းကင်ယံမှ ဖြာဆင်းသွားခဲ့သည်။
YOU ARE READING
ပြိုင်ဘက်ကင်းမိုးကောင်းကင်သိုင်း၀ိဉာဥ်(ကျွင်းရှောင်ယောက်) Book 1
Adventureဘာသာပြန်သူထံမှ ခွင့်ပြုချက်ရပြီး အကျဉ်းချုပ်.... ကျွင်းရှောင်ယောက်ဟာ လျှို့ဝှက်ဆန်းကျယ်တဲ့ကမ္ဘာကို ရောက်ရှိသွားပြီးနောက် ရှေးဟောင်းမျိုးနွယ်ကြီးတစ်ခုရဲ့ နတ်ဘုရားသားတော်တစ်ယောက် ဖြစ်လာခဲ့တယ်။ သူက ပြိုင်ဘက်ကင်းနောက်ခံနဲ့ မွေးဖွားလာခဲ့တာပါ။ သူ့မှာ ပြို...
အပိုင်း ၅၀
Start from the beginning