အပိုင်း -10
မနက်စာ စားကျတော့ နိုင်ထွန်းလင်းက အောင်မြတ်စိုး ၏ဘေးတွင် လာထိုင်သည်။
ထိုအခါမှ မခိုင်က သတိရသွားဟန်ဖြင့်၊ မသက်အား ဖောက်သည်ချတော့သည်။
" သိလား မသက် မနေ့ညက မြတ်စိုးနဲ့ ထွန်းလင်းက ဖက်အိပ်နေကျတာတော့ "
" အယ် ဟုတ်လား "
မသက်က ပြုံးစိစိ နှင့်ပြန်မေးသည်။
" ဟုတ်တယ် မသက်ရေ... ကျွန်မတို့ ယောက်ကျားတွေတော့ ကျန်ရစ်ဖြစ်ပါပြီ အေ မြတ်စိုးက လင်ရသွားတော့ ဟားး ဟားး "
မခိုင် ကပြောနေသဖြင့် နိုင်ထွန်းလင်းကို ကြည့်လိုက်တော့ ပြုံးစိစိလုပ်နေသောလဲ ဘာမှဝင်မပြောသဖြင့် ၊ အောင်မြတ်စိုးကပဲ အရှက်ပြေ ဝင်ဖြေလိုက်သည်။
" အယ် အဲ့လိုမဟုတ်ပါဘူး ဒီတိုင်း အိပ်ပျော်သွားတဲ့အချိန် ကပ်ပြီးအိပ်ကျတော့ ဟိုဘက်လှည့် ၊ ဒီဘက်လှည့်နဲ့ ဖက်မိသွားတာပါ "
" ပြီးတော့ မခိုင် အဲ့လိုတွေမပြောပါနဲ့ အားနာစရာကြီး ထွန်းလင်းက ကြိုက်မှန်းမသိ မကြိုက်မှန်းမသိနဲ့ "
" ကြိုက်ပါတယ် "
နိုင်ထွန်းလင်း၏ဖြေသံကြောင့် အောင်မြတ်စိုးလဲ နိုင်ထွန်းလင်းဘက် လှည့်ကြည့်လိုက်တော့ ၊
သူနှင့်အကြည့်ခြင်း ဆုံသွားသဖြင့် နိုင်ထွန်းလင်းက အကြည့်လွှဲသွားသည်။
" ငါပြောချင်တာက တခြား ယောင်္ကျားလေးတစ်ယောက်နဲ့ အဲ့လို အ 'စ' ခံရရင် မင်းအတွက် သိက္ခာ ကျတယ်တွေ ဘာတွေ ဖြစ်မှာစိုးလို့ပါ "
" မဖြစ်ပါဘူး နှလုံးသားရှိတဲ့သူတိုင်း ချစ်နိုင်တယ်မဟုတ်ဘူးလား "
" အင်း အဲ့ဒါလဲ ဟုတ်ပါတယ် ဒါပေမယ့် ယောင်္ကျားအစစ်ကြီးဆိုရင် တခြားယောင်္ကျားလေးတစ်ယောက်ကို ချစ်နိုင်ပါ့မလား သူလဲနှလုံးသားပါတာပဲ "
" အဲ့ဒါက ဖြစ်နိုင်ပါတယ် ဒါပေမယ့် မင်းနဲ့ငါ့ကို ' စ ' နေကျတာ ငါတကယ်အဆင်ပြေပါတယ် စိတ်မဆိုးပါဘူး "
" စိတ်မဆိုးဘူးဆိုလဲ ပြီးတာပါပဲ "
အောင်မြတ်စိုးလဲ ထိုမျှသာပြောပြီး ထမင်းလဲစားပြီးသဖြင့် ထလာလိုက်သည်။
YOU ARE READING
အသည်းနစ်အောင် ချစ်ရပါသော..... ( Completed )
Non-Fictionဒီ Fiction လေးကကျွန်တော့်ဘက်က တဖက်သက်သဘောကျခဲ့ရတဲ့ ကောင်လေးတစ်ယောက်နဲ့ခဏတယ ဖြတ်သန်းခဲ့တဲ့အချိန်လေးတွေကို အခြေခံပြီးရေးထားတာဖြစ်ပါတယ်။ ပထမဆုံးရေးတာမလို့ လိုအပ်ချပ်များရှိခဲ့ရင် ခွင့်လွတ်ပေးပါဦး။