احببتك لماذا

تكمله

رواياتي 🫂🔥.
.
اضافه اخيرا.
~٠~٠~٠~٠~٠~٠~٠~٠~٠~٠~٠~٠~٠~٠~٠~٠~٠~٠~
صد أحمد عليه وابتسم ورد عليه بصباح النور رحت كعدت يمهم.. شصاير؟
اخذ نفس.
أحمد: حسام ابن خالي عباس.

غفران: شبي؟

اشر بعيونه اروح فاههمت شي وطلعت واني اسمع صوت عمتي وهيا تشهك.
نهى: يعني بيوم عرسك طه ابن اختي وهسه حسام.

فتحت عيوني بصدمه وخليت ايدي على حلكي معقوله مات!!! لا مستحيل ماستوعبه فركت وجهي
ورحت المطبخ.

وكفت ورتاجيت على الكاونتر افكر شبي حسام؟
دخل أحمد شافني وراح على الثلاجه فتحها وطلع
بطل مي شربه واجه اتجاهي.

غفران: بس لا حسام مات؟

هز راسه وسد البطل وشمره بزباله وفرك وجها
ابحيره، هزيت راسي شكو؟

أحمد: ماعرف اذا اكول خطيه او اكول يستاهل.

غفران: هسه غيرر تحجيي مو جفصت بفادي.

أحمد: مريض.

غفران: طبكت حواجبي.. اي شنو المرض؟

أحمد: الايد*ز.

فتحت عيوني بصدمه وشهكت واني مامستوعبه
ماعرف ليش ايدي كامت ترجف وايدي الثانيه
حاطتها على راسي بعدم تصديق.

غفران: صدك تحجي؟

أحمد: اي خالتي ستوها خابرت وتبجي تكول البارحه بليل ارتفعت حرارته وعبالهم مصخن سوو تحليل وطلع بي.

غفران: يعني حسام ابن عمي عبااس بنفسه؟؟

هز راسه. وعضيت شفتي مامستوعبه مادري شكول
عليه،
انقهر؟
مااضوج؟
يستاهل؟
اشفق عليه؟
ماعرف شلون اوصفه حسام انسان جداً وصخ
شكد اذاني هو وابو بس ماعرف ليش قهرني مرضه.

طلعت من المطبخ غسلت وجهي شفت عمتي
كاعده اصلي وتدعي انقهرت عليه من اشوفها ترفع
ايدها وتبجي شكد ماعمي اذاها بحجيه وبتصرفاته
تبقه تحبهم وتخاف عليهم شكد حنينه مرات ماحب
حنيتها احس الناس تستغل حنانها وروحه.

نزلو الجهال سويتلهم ريوك خابرت حازم اطمنيت عليهم وكالو باجر يجون من الفندق واني خليتهم
متونسين مجبت طاري السالفه.

ماعندي شهيه اكل بعد الخبر صعدت فوك لكيت
أحمد واكف على الامرايه وبيده التلفون رفع
راسه الي وابتسم وبادلته الابتسامه.

أحمد: غفران.

غفران: هاا.

أحمد: اسمعي راح يجي خالي عباس.

غفران: بستغراب.. ليش شيريد؟

أحمد: رفع جتفه مادري... تكدرين تحجين ويا.

غفران: هزيت راسي لا.. لا أحمد ماحجي ويا أبداً.

اريد اطلع اجه جرني من ايدي واني رافضه احجي
ويا شخص مثله دمرني.