احببتك لماذا

44

البارت الرابع والاربعون.
.
.
صافنه على البنكه الي تتحرك وعيوني كلها دموع كلساع امسحهن ويرجعن احس نفسي مخموله ماكدر احرك ايدي من كثر ماضربت ابره حاسه حتى عيوني ماكدر اغمض وافتح..

دخل أحمد شايل بيده أكل سد الباب واجه حط العلاكه على الميز وتقدم يمي ابتسم.
أحمد: كومي اكلي.
حجيت بتعب: ماريد ماشتهي.
حط ايده جوه جتفي يكومني: شنو ماتشتهين كومي يلا لاتشلعين كلبي.
رتجيت وكعد على كرسي وقربه مني فتح علبه شوربه حاطه على الميز فتحه بيد وحده فتح الخاشوكه وكام يوكلني هوا يدحك عليه
غفران: شبيها ايدك؟؟

أحمد: فصخ.
غفران: وراسك.
أحمد: ضحك.. مثل راسج.
غفران: ضحكت... صار شوو ماذكر كلشي ماحس اندعمنه.

أحمد: صارت كبالي سياره وماكدرت اسيطر على الستيرن وانتي تخربطتي ركعتي راسج واني فصخ بيدي ورضوض برجلي.

غفران: أحمد شوو اني خايفه ماعرف ليش احس شي يخنكني.. دحك عليه بحزن وفرك وجها وصده على جها وستغفر... ليش ساكت احجي؟

أحمد: صد وجها عليه... غفران انتي راضيه بل شي الي كاعد نسوي.

غفران: على شنو قصدك؟

أحمد: على زواجنه بسر ومحد يدري ونتختل عبالك مسوين مكسوره... وجذبي على امي من كتلها اني يم صديقي مسوي حادث وابوي الي جان يتمنى يشوفني عريس لوو املحت امي يوميه جايبتلي ابنيه تعال غصب ازوج.. غفران ترا احنه لو نعلن زواجنه محد راح يعترض مراح اخلي واحد يفك حلكه بكلمه.

غفران: اني مامستعده اسمع الحجي وشلون زوجتو شلون ضميتو علينه كلها راح تحجي واني مابيه اكعد وابرر السالفه واجيب واحط حجي ترا اني جذبي عليهم من اكللهم اروح يم مره اساعدهاا مخلصت منهم موو نوب اكللهم مزوجتك وبعد كل هل وقت ؟

أحمد: لزم ايدي... فيفي كليبي انتي عمري شوكت لعد هاا شوكت تريدين لعد؟؟ لج ترا مراح اخلي احد يحجي بكلمه.

غفران: دحكت بوجها اخذت نفس مسحت عيوني... عادي تخليها على سنوية ابوك.

أحمد: وليش عود؟

غفران: خليها احسن ترا مضل شي لسنويه.

أحمد: هز راسه... خلص لعد مضال هيج هاي هيا.

هزيت راسي ورجع يشربني شوربه شفت الساعه 4الفجر راح طلع سوه خروج وطلعنه من المستشفى رجعت البيت رحت نمت على الجربايه هو راح لاستقبال... بقيت صافنه على المرايه صايره على وجهي واني صافنه عليها ومافكرت باي شي لما نمت...

كعدني أحمد وكال ام علي وجنيد يمنه كمت غسلت ولبست ملابس ذيج بيهن ريحه دحكت على نفسي عيوني حمر وجواهن احمر وشفتي ميبسه رحت طبيت الاستقبال... جتي ام علي عليه وهيا تبتسم اجتي شبكتني وهيا تكول: يروحي الله يعوضج والحمدالله على سلامتكم. ابتسمت الها
غفران: الله يسلمج خاله.