احببتك لماذا

15

البارت الخامس عشر.
.
.
ابوي طلعني من المكان ورجعني البيت... طبيت البيت كلهاا موجوده هناك وهوسه اول مشافتني امي
اجت شبكتني وتحمددلي بسلامه وعماتي هم
..
شويه وكلها راحت واني صعدت فوك الغرفه وارجفه بيدي طلعت ملابس وطبيت الحمام .

جوه الدوش واني اخاف أغمض عيني منضر الولد الميت مايروح من بالي شلون مذبوح والدم صاير
بطوله... كعدت ابجي واني ارجف وخايفه
شلون انطاه كلبه وكتله دخلت المركز صارت عقده نفسيه عندي.

سمعت صوت باب الحمام اندك طلعت امي تريد تحجي وياي لبست ملابسي وطلعت لكيت امي
كاعده على الجرباي شافتني واجت حضنتني
عرفتني جنت ابجي.

كعدت على الجربايه وكعدت يمه وكالتي وهيا تهدي بيه
ريان:لو شنو  يصير خلاف بينج وبين حسام لا تشهدين ضده
لان عمج عباس مراح يعوفج براحه.

غفران: ليش هوا يعرف انو ابنه هوا الي كتله فوك ماحاسبه ويسلمه الشرطه عايفه براحته ولا كان صار شي.

ريان:انتي ماتعرفين عمج كل همه عائلته ياذي العالم كله بس مايذي اهله

غفران:اني شنوو ذنبي يايمه شنووو ذنبي.

ريان:اريدج توعديني مهما صار مراح تكولين شي اذا صار
عليه اي شي راح تحتفضين بهاذا السر مراح تكولين الاحد حتى صديقاتج اخاف عليج منهم .

هزيت راسي وعدتها  ضلت حجايه امي محفوضه بدماغي والوعد الي انطيتا الها

وقررت مراح احجي الاحد اي شي مهما كان حفاظاً عليه من عمي والوعد الي قسمته الامي.

بس حمزه ماعافني براحتي ضل يدك علي ويسئل اذا قررت احجي أو لا لما يوم خابر وكال .

حمزه: ادزلج عنوان تعالي هناك.

غفران: عفوا؟شايفني حتى اطلع وياك؟.

حمزه:العفو منج بس لازم تجين رضيتي أو لا.

غفران: شنو يمه بكيفك لاتروح زايد ترا والله اكول الاهلي عليك.

حمزه: احجي عادي اذا ماتجين راح ادز دوريه غصب عنج تجين.

انصدمت من كميه جرائته وكلت::- انت بيك شي لو شنو.

حمزه: لا بس تخيلي فعل المنطقه من دوريه تسحب بنت ميهوب المحترم الي وكف وجه الكل علمودج تالي دوريه تاخذج غصب وانتي تعرفين بعد اذا طشت.

غفران: كاعد تهدت؟

حمزه: لا راح ادزلج العنوان اريدج تجين وحدج المغرب اذا ماجيتي اعتبري الدوريه باب بيتكم سلام.

سد الخط واني مصدومه منه شويه ويدز رساله العنوان مستحيل هذا عاقل اخذت نفس وفكرت شسوي ياربي .

اطريت اجذب على اهلي وطلعت كتلهم لسوك والمصيبه ابوي انطاني فلوس وكال::- شنو يعجبج اشتري .