البارت السادس عشر.
.
.
وكف السياره كبال الباب ونزل فتح باب الحوش ورجع دخلهاا الطرمه وكالي انزلي.
نزلت من السياره واني اباوع على البيت ومن الجانب
اكو حديقه كلهاا ورد وطبله بنص وياهاا اربع كراسي
احمد شال الجنطه الجبيره ودخلنه جوه اول مدخلنه
تلكين الهول من جهاا استقبال وبسده مطبخ والجهاا الثانيه بيه غرفه نوم وكبالي درج وبنهايه الدرج برده
وبسده حمام جان بابهاا المنيوم.
ضليت ادحك على البيت سيراميكه وصبغه حلوو
دخلت المطبخ اثاثه ايطالي فتحت الثلاجه بس فواكه وحلويات ومشروبات غازيه اخذتلي موزه
احمد يم الباب مجتف ايديه وايبتسم دخل الاستقبال
عفت الجنط بالباب ودخلت وياا راح كعد على قنفه
والاستقبال جان حلوو بي تخم ملكي والحايط مليان صور وتحف محطوطه على كل طبله.
ضليت اباوع على الصور ولفتني واحد واكف هو واحمد يم شلال واحد حاط ايده على جتف الخ
ضليت اباوع عليه لما اجه احمد وكال.
أحمد: لازم عجبج الولد.؟
غفران: لا بس ماعرف وين شايفته.
أحمد: هذا صديقي الروح بروح عندي هذوله الاربعه هم اصدقائي بس هذا اميله اكثر اله.
اباوع على أصدقاء الاربعه ثنين منهم يتشابهون
لابسين دشاديش وياهم احمد وصديقه المفضل هم واكف ماخذين الصوره بكربلاء.
ذبيت كشر الموز بزباله ورحت كعدت يمه جابي قوطيتين ببسي فتحت وحده الي وشربتهاا.
ضليت صافنه على حايط وكال.
أحمد: ما فتهمتي ليش خالي يريد يبيعج؟
غفران: غير كواد مايشبع افلوس.
أحمد: ماختلفنه خالي طلع كواد مايشبع افلوس بس غير افهم ليش.
غفران: يريد يبيعني حتى ياخذ البيت لـ حسام
ويحول راتب ابويه باسمه.
أحمد: انتي لحد الان ماسوو راتب ابوج باسمج؟
غفران: لا يابوي منو يسوي كل واحد حاير بنفسه بيهم حيل يكولون خلي نسئل على غفران.
أحمد: اسوي اني؟.
غفران: علواه اذا تكدر فدوه الكلبك.
أحمد: معليج بس المهم جبتي مستمكات شويه اوراق.
غفران: والله الصراحه اني ماعرف بسوالف الجناسي والوراق حتى جواز السفر جبته.
أحمد: شعدنه خما راح نسافر.؟
غفران: شعرفني كلت كلشي يصير.
أحمد: هسه شوفينه شجبتي وياج.
غفران: فرقت الجنطه كلهاا يمه... هذا شوف شتحتاج
اخذ مخليت شي مجبت.
أحمد: والله ياغفران الواحد من ينهزم من البيت مايفكر بس بنفسه بس انتي ماشالله عليج لوو عندج مجال بعد جان هم جبتي الغرفه وياج.
YOU ARE READING
احببتك لماذا
General Fictionفتاة تتحدى حياتها بعد مافقدت اهلها وتواجه مشاكل بحياته من قبل اقاربها لتحضه بحب شاب يغير مجره حياتهاا
