البارت التاسع عشر.
.
.
نمت واني بالي هواي اشياء ماعرف اسويه
ثاني يوم كعدت غسلت وطلعت شفت حمزه واكف يم الميز وبيده جاي وكباله حاسبه.
غفران: صباح الخير.
حمزه: صباح النور.
غفران: فركت وجهي.. شكراً حمزه ماقصرت.
حمزه: على شنو تشكريني؟
غفران: على البيته ومخليتني انام بشوارع.
حمزه: لا ولا يهمج انتي صديقه عزيزه علينه.
غفران: اني لازم اروح ارجع.
حمزه: وين تروحين؟
غفران: ابن عمتي راح يجي ياخذني.
حمزه: هز براسه.. ابن عمتج حلوو خلي يجي.
غفران: لا هوا مراح يجي هناا راح يوكف باب العماره احسن.
حمزه: براحتج بعد تريدين جاي.
غفران: لا شكراً اني لازم اخابره حتى يجي.
هز براسه ورحت الغرفه خابرت أحمد وصفتله المكان
وبدلت ملابسي وطلعت لكيته نفس وكفته على الحاسبه ابتسم بوجهي.
رحت شربت مي وشويه أحمد خابر وكال اني جوه العماره انزلي هزيت ايدي شبساع ماتكلي.
غفران: حمزه راح اطلع وشكرا مره ثانيه.
حمزه: ولا يهمج غفران انتي صرتي اختي وعزيزه علي شوكت ماتجين هناا تعالي مايهمني.
غفران: الي الشرف يكون عندي اخ مثلك.
ابتسم بوجهي
غفران: يله عيوني باي.
حمزه: وكفي خلي انزل وياج واشيلج الجنطه
هسه تكولين هذا ماعنده ذوق.
غفران: هههههههههه
والله لو منزلتهاا وحدي احجي ليش ماحجي.
حمزه: شوفي عرفتج راح تحجين.
غفران: شال الجنطه ونزلت ورا فتح باب العماره وشفت سياره أحمد صافه شافني ونزل بيه.
اجه ركض لزمني من ايدي وكال
أحمد: صدك جذب شكد خابرتج ماتردين.
غفران: صديت وجهي.. وليش حتى ارد عليك؟
أحمد: خلص غفران موو اعتذرنه منج وبعدين منو هذا حجاهاا هوا هاز راسه ويدحك عليه.
غفران: هذا حمزه الضابط حمزه صديق قديم.
أحمد: ايي صديق اهلاً وسهلاً بيك
مدله ايده وتصافحو.
حمزه: لزم جتفي
يله غفران اي شي تريدي اني حاضر ورقمي يمج خابريني علي عود.
غفران: ايي انشالله.
أحمد: ايي تخابرك عود تخابرك واذا نست اني اذكرهاا.
غفران: احمدد.. صد علي وهز براسه
يله خما انضل واكفين هناا.
أنت تقرأ
احببتك لماذا
General Fictionفتاة تتحدى حياتها بعد مافقدت اهلها وتواجه مشاكل بحياته من قبل اقاربها لتحضه بحب شاب يغير مجره حياتهاا
