البارت السادس والاربعون.
.
.
دك التلفون رحت فتحته لكيت حمزه متصل... فتحت الخط... الوو حمزه.
-بلا زحمه شصيرين من صاحب هذا التلفون.
استغربت منه.. اخته كول شكوو
-تكدرين تجين المستشفى …..
غفران: ايي بس حمزه صاير بي شيي؟؟
-تعالي وانتي تعرفين.
غفران: اوكي..
سديت الخط وطلعت من البيت اخذت سياره وصلت المستشفى... جانت ثلاث سياره دوره واكفه وضباط واكفين هواي باب المستشفى..
انقبض كلبي كلت بس لاصاير شي اله... ركضت دخلت المستشفى.
دخلت شفت بس العساكر والضباط واكفين ويفترون ضليت صافنه عليهم سادين المستشفى بزيهم
ضليت امشي لما شفت مجموعه واكفه باب غرفه العمليات كاعدين دحكت بوجهم... وشفت نفس الشخص الي اشوفه كلما اروح المركز.. دحك بوجهي واشرتله يجي.. كام وتقدم يمي.
- هاي انتي تفضلي.
غفران: حمزه وين شبي؟
- متصارب.
غفران: شهكت وحطيت ايدي على حلكي... شلون يعني وهسه شلون صار.
- والله بعده بلعمليه رايح التكريت وهاجمين عليه
وضاربينه ثلاث طلقات ثنين برجله وحده بجتفه والرابعه عبرت من يم راسه.
غفران: يمه عززاا.. الحمدلله ماجتي براسه.. شوكت يطلعونه؟
-ماعرف تعرفين هما من ساعه عشره الصبح بلعمليه لحد لان مطلع ويكولون شويه ويطلعونه.
غفران: لاحول ولاقوة الابالله... انشالله يكوم بسلامه.
- انشاء الله... انتي اذا يعجبج تكدرين تروحين عود اني اكلج اذا كعد.
غفران: لااا ماتحمل اكعد بلبيت خليني هناا.
- براحتج اكعدي هناا لما يطلعونه.
غفران: شكرا.. كعدت على كرسي صاير كبال غرفه.
- اذا محتاجه شي صيحيلي.
غفران: لا شكرا بس طلقه خما اذته.
- دكتور يكول الطلق داخل بل عضم مهشمتهن تهشم.
غفران: عزاا يمه... الله يكومه بسلامه يارب.
- امين اني هنا اوكي.
غفران: اوكي.
.. راح واني كاعده. كلبي تكطع عليه مسكين حمزه انسان طيب واحترمني جان كلشي واكف وياي صار الي سند واخ.
رفعت راسي.. اشوف هما شلون واكفين ولبسهم الاسود واكفين بهيبه وشخصيه والنجوم الي على جتفهم... اخخخ شنو هذوله فلك يممهه هما موو يخبلون.. ادحك عليهم واحد واحد هذا الي يحجي بتلفون وهذا الي يمشي.. خرب والله شكلهم هيبه وشخصيه خرب يومهم ولد القنادر شلون هيج حلوين عززاااا كلبي كام يوجعني.. حطيت ايدي على كلبي... خرب يومج صدي لوو يشوفوج..
صديت وجهي واكفين وراي هم.. خرب يومج غفران وين جيتي انتي.. دنكت راسي بلكاع ماريد اشوفهم هما موو يكطعون الكلب.. ضليت كاعده ومدنكه لزمت التلفون اكلب بي دزيت رساله احمد..
اجه الولد الي جنت احجي وياا.. وزعلهم الجاي واجه كعد كرسي يمي وقدم الجاي الي.. شكرا.
أنت تقرأ
احببتك لماذا
General Fictionفتاة تتحدى حياتها بعد مافقدت اهلها وتواجه مشاكل بحياته من قبل اقاربها لتحضه بحب شاب يغير مجره حياتهاا
